ଗଜପତି ଜିଲ୍ଲା ମୋହନା ବ୍ଲକ ,କଟମା ଗ୍ରାମସ୍ଥିତ ସରକାରୀ ଉଚ୍ଚ ବିଦ୍ୟାଳୟ ହଷ୍ଟେଲରୁ ୧୪ଜଣ ଛାତ୍ର ଖାଇବାକୁ ନ ପାଇ ହଷ୍ଟେଲ ଛାଡିଥିବା ଘଟଣା

କାଟାମା ସରକାରୀ ଉଚ୍ଚବିଦ୍ୟାଳୟର ପ୍ରଧାନଶିକ୍ଷକ ନିଲମ୍ବନ, ଅଧିକାରୀଙ୍କ ତଦନ୍ତ ପର୍ଯ୍ୟନ୍ତ ୩ ଛାତ୍ର ହଷ୍ଟେଲରେ ଅନୁପସ୍ଥିତ

ଓଡ଼ିଶା ତାଜା ନ୍ୟୁଜ୍ (୨୧ ସେପ୍ଟେମ୍ବର ମଙ୍ଗଳବାର) ପାରଳାଖେମୁଣ୍ଡି :- ଗଜପତି ଜିଲ୍ଲା ମୋହନା ବ୍ଳକର କଟାମା ପଞ୍ଚାୟତର କଟମା ଗ୍ରାମରେ ଥିବା ସରକାରୀ ଉଚ୍ଚପ୍ରାଥମିକ ବିଦ୍ୟାଳୟର ହଷ୍ଟେଲ ଗୃହରୁ ଖାଦ୍ୟ ନମିଳିବାରୁ ଗତ ଶନିବାର ଦିନ ସକାଳୁ ୧୪ଜଣ ଛାତ୍ର ହଷ୍ଟେଲ ଛାଡିଥିଲେ।ଏହି ବିଷୟରେ ବ୍ଳକ ପ୍ରଶାସନ ଏବଂ ଜିଲ୍ଲା ପ୍ରଶାସନକୁ କୌଣସି ସୂଚନା ଦେଇନଥିଲେ ପ୍ରଧାନଶିକ୍ଷକ ଦେବରଞ୍ଜନ ସୁଆଳସିଂ। ଘଟଣା ଘଟିବାର ୨୪ ଘଣ୍ଟା ପରେ ହଷ୍ଟେଲ ଗୁହକୁ ୭ଜଣ ଛାତ୍ର ଫେରିଥିବାବେଳେ ରବିବାର ସନ୍ଧ୍ୟାରେ ଆଉ ୪ ଜଣ ଫେରିଥିଲେ ।

କିନ୍ତୁ ଏହା ମଧ୍ୟରେ ୬୦ ଘଣ୍ଟା ବିତିଯାଇଥିଲେ ମଧ୍ୟ ଆଉ ୩ଜଣ ଛାତ୍ର ହଷ୍ଟେଲକୁ ଫେରି ନାହାନ୍ତି । ଏହି ଖବର ପ୍ରକାଶନ ହେବାପରେ ଜିଲ୍ଲା ଶିକ୍ଷା ଅଧିକାରୀ ପ୍ରଦୀପ ନାଗ, ଜିଲ୍ଲା ମଙ୍ଗଳ ଅଧିକାରୀ ସନ୍ତୋଷ କୁମାର ରଥଙ୍କ ନିର୍ଦ୍ଦେଶକ୍ରମେ ମୋହନା ବ୍ଲକ୍କ ଶିକ୍ଷା ଅଧିକାରୀଙ୍କ କାର୍ଯ୍ୟାଳୟରୁ ୨ ଜଣ ଅଧିକାରୀ କୁନା ପାତ୍ର , ନାରଶୁ କହଁର ଓ ବ୍ଳକ ମଙ୍ଗଳ ଅଧିକାରୀ ରଞ୍ଜନ ଜେନା ବିଦ୍ୟାଳୟକୁ ଯାଇ ସମସ୍ତ ବିଷୟରେ ତଦନ୍ତ କରି ଜିଲ୍ଲା ଅଧିକାରୀଙ୍କ ନିକଟକୁ ପଠାଇଥିଲେ। ଜିଲ୍ଲା ଶିକ୍ଷା ଅଧିକାରୀ ଶ୍ରୀ ନାଗ ପ୍ରଧାନଶିକ୍ଷକ ଶ୍ରୀ ସୁଆଳସିଂକୁ କାର୍ଯ୍ୟରୁ ନିଳମ୍ବନ କରିଛନ୍ତି।ଏହା ସହ ଛାତ୍ରମାନଙ୍କର ରହିଥିବା ଅଭିଯୋଗ ଖାଦ୍ୟ ଓ ହଷ୍ଟେଲ ଗୃହର ସମସ୍ୟା ତୁରନ୍ତ ସମାଧାନ କରାଯିବ ବୋଲି କହିଛନ୍ତି । (ଗରୁଡ଼ ଧ୍ଵଜଚୌଧୁରୀ )