ଭୀମକେଲା ଗ୍ରାମରେ ଭାଗବତ ଜନ୍ମ ଉତ୍ସବ ପାଳନ

ଓଡ଼ିଶା ତାଜା ନ୍ୟୁଜ୍ (୨୦ ସେପ୍ଟେମ୍ବର ସୋମବାର) କଳାହାଣ୍ଡି :- ପବିତ୍ର ପରମ ଶାସ୍ତ୍ର ଭାଗବତ ଜନ୍ମ ଉତ୍ସବ ନର୍ଲା ବ୍ଳକ ଅନ୍ତର୍ଗତ ଭୀମକେଲା ଗ୍ରାମରେ ପାଳିତ ହୋଇଛି।ଭଗବତ ପ୍ରେମୀ ଶ୍ରଦ୍ଧାଳୁ ଭକ୍ତଙ୍କ ସମାଗମରେ ପ୍ରଥମେ ସ୍ଥାନୀୟ ରାମେଶ୍ବର ମହାଦେବ ପୀଠର ପୂଜକ ଲଲିତ ମୋହନ ଥନାପତି ଶ୍ରୀମଦ୍ ଭାଗବତ ପୂଜାର୍ଚ୍ଚନା କରିଥିଲେ । ଅବସରପ୍ରାପ୍ତ ଶିକ୍ଷକ ତଥା ପୁରାଣ ଗାୟକ ଶେଷଦେବ ପୋଢ, ଝଜ ସା, ଭୁବନେଶ୍ୱର କରୁଆଁ ପର୍ଯ୍ୟାୟକ୍ରମେ ଶ୍ରୀମଦ ଭାଗବତର ପଠନ ସହ ସାରମର୍ମ ଶ୍ରଦ୍ଧାଳୁମାନଙ୍କୁ ଶୁଣାଇଥିଲେ ।

ଏହି ଉତ୍ସବରେ ଭଗବତ ପ୍ରେମୀ ଲକ୍ଷ୍ମଣ ଗଉଡ, ଉଦେନାଥ ଭୋଇ, ଗୋପାଳ ପଧାନ,ଉଗ୍ରେସନ ଭୋଇ, ବିଘ୍ନରାଜ ଭୋଇ, ପଙ୍କଜ କରୁଆଁ, ଲୋକନାଥ କରୁଆଁ ପ୍ରମୁଖ ଉପସ୍ଥିତ ରହି ସହଯୋଗ ପ୍ରଦାନ କରିଥିଲେ । ଭାଗବତ ଟୁଙ୍ଗୀର କଳାକାରଙ୍କ ଦ୍ଵାରା ଖଞ୍ଜଣି ଭଜନ , ତ୍ରିନାଥ ମନ୍ଦିର କମିଟି ପକ୍ଷରୁ ସଂକିର୍ତନ ପରିବେଷଣ କରାଯାଇଥିଲା । ଶିକ୍ଷକ ତଥା ପ୍ରବଚକ ନିତ୍ୟାନନ୍ଦ ସାହୁ ଭାଗବତ ଜନ୍ମର ବୃତ୍ତାନ୍ତ ବିଷୟ ଶୁଣାଇଥିଲେ । (ରିପୋର୍ଟ ପ୍ରଦୀପ କୁମାର ଗଉଡ କଳାହାଣ୍ଡି ବ୍ୟୁରୋ ଚିଫ)