ଗଜପତି ଜିଲ୍ଲା ରାୟଗଡ଼ ବ୍ଲକ ଅନ୍ତର୍ଗତ ଗଣ୍ଡହାତୀ ଜଳପ୍ରପାତ ନିକଟରେ ସଙ୍ଗମ କଲେ ଦୁଇ ଅହରାଜ ଦେଖିବା ପାଇଁ ପର୍ଯ୍ୟଟକଙ୍କ ଭିଡ଼

ଓଡ଼ିଶା ତାଜା ନ୍ୟୁଜ୍ (୧୮ ସେପ୍ଟେମ୍ବର ,ଶନିବାର ) ପାରଳାଖେମୁଣ୍ଡି :- ଗଜପତି ଜିଲ୍ଲା ରାୟଗଡ଼ ବ୍ଲକ ଅନ୍ତର୍ଗତ ଗଣ୍ଡହାତୀ ଜଳ ପ୍ରପାତ ନିକଟରେ ସଙ୍ଗମ କଲେ ଦୁଇ ଅହିରାଜ । ଯାହା ପ୍ରକୃତିକୁ କରିଛି ଶୋଭାବର୍ଦ୍ଧନ । ଦୂରଦୂରାନ୍ତରୁ ଆସିଥିବା ପର୍ଯ୍ୟଟକ ଅହିରାଜଙ୍କ ଖେଳକୁ ଦେଖି ମନଭରି ଉପଭୋଗ କରିଥିଲେ l ଅପରାହ୍ନରେ ଗଣ୍ଡାହାତୀ ଜଳପ୍ରପାତ ଅଞ୍ଚଳରେ ଦେଖିବାକୁ ମିଳିଥିଲା ଏପରି ମନୋରମ ଦୃଶ୍ୟ । ଗଜପତି ଜିଲ୍ଲାର ଅନ୍ୟତମ ଆକର୍ଷଣୀୟ ପର୍ଯ୍ୟଟନ ସ୍ଥଳୀ ହେଉଛି ଗଣ୍ଡାହାତୀ ଜଳପ୍ରପାତ । ବିଶେଷକରି ବର୍ଷାଦିନରେ ଏଠାକୁ ବହୁ ପରିମାଣରେ ପାଣି ଆସିଥାଏ । ଆଉ ସେହି ପାଣି ଗଣ୍ଡାହାତୀ ଜଳପ୍ରପାତର ସୌନ୍ଦର୍ଯ୍ୟକୁ ଦ୍ୱିଗୁଣିତ କରିଥାଏ ।

ପ୍ରକୃତିର ଏହି ଅପରୂପ ଦୃଶ୍ୟ ଦେଖିବା ପାଇଁ ଦୂରଦୂରାନ୍ତରୁ ପର୍ଯ୍ୟଟକ ଆସିଥାନ୍ତି । ବନ ବିଭାଗର କହିବାନୁସାରେ ଅପରାହ୍ନ ପ୍ରାୟ ୪ଟାରୁ ୫ ଭିତରେ କମ୍‌ ପର୍ଯ୍ୟଟକ ଥିଲେ । ଠିକ୍ ସେହି ସମୟରେ ସାପ ଦୁଇଟି ସଙ୍ଗମ କରିବାକୁ ସମସ୍ତଙ୍କ ସମ୍ମ୍‌ୁଖକୁ ଆସିଥିଲେ । ସେମାନେ ପାଖାପାଖି ୨୦ ମିନିଟ୍ ଧରି ସଙ୍ଗମକରି ପାଖ ଜଙ୍ଗଲକୁ ଫେରି ଯାଇଥିଲେ ସେମାନେ କାହାରି କିଛି କ୍ଷତି ଘଟାଇନଥିବା ବନ କର୍ମଚାରୀ କହିଛନ୍ତି । ଗଣ୍ଡାହାତୀ ଜଳପ୍ରପାତ ଅଞ୍ଚଳରେ ଘନ ଜଙ୍ଗଲ ହୋଇଥିବାରୁ ବହୁ ପ୍ରଜାତିର ସାପ ବସବାସ କରିଥାନ୍ତି ।    (ଗରୁଡ଼ ଧ୍ଵଜ ଚୌଧୁରୀ)