ସାଇବାବାଙ୍କ ନାମରେ ଭିକ୍ଷାବୃତ୍ତି କରୁଥିବା ମହିଳା ଲୁଟି ନେଲେ ଦୁଇ ଲକ୍ଷ ରୁ ଉର୍ଦ୍ଧ୍ବ ସୁନା ଗହଣା ; ୨୪ ଘଣ୍ଟା ମଧ୍ୟରେ ଲୁଟେରା ଙ୍କୁ ଗିରଫ କଲେ ଚାନ୍ଦପୁର ପୋଲିସ

ଭିକ୍ଷା ବୃତ୍ତି କରୁଥିବା ଲୋକଙ୍କୁ ସାବଧାନ ; ଚାନ୍ଦପୁର ରେ ଲୁଟ ଘଟଣା ରେ ପୋଲିସ ର ପ୍ରତିକ୍ରିୟା,

ଲୁଟ ହେବାର ୨୪ ଘଣ୍ଟା ମଧ୍ୟରେ ଲୁଟେରା ଙ୍କୁ ଗିରଫ କଲେ ଚାନ୍ଦପୁର ପୋଲିସ ..

ଓଡ଼ିଶା ତାଜା ନ୍ୟୁଜ୍ (୧୫ ସେପ୍ଟେମ୍ବର,ବୁଧବାର ) ଚାନ୍ଦପୁର ରିପୋର୍ଟ -ଅଭିମନ୍ୟୁ :- ଚାନ୍ଦପୁର ଅଞ୍ଚଳରେ ଲୁଟ୍ ପାଟ୍ ର ଆତଙ୍କ ଖେଳାଇଛନ୍ତି ଦୁଇ ମହିଳା । ସୂଚନାନୁସାରେ ଘର ଘର ବୁଲି ସାଇବାବାଙ୍କ ନାମରେ ଚାନ୍ଦା ଆଦାୟ କରୁଥିବା ଲୋକ ଚୋରି କରି ନେଲେ ଲକ୍ଷାଧିକ ଟଙ୍କାର ସୁନା ଅଳଙ୍କାର । ବୁଧବାର ଦିନ ଚାନ୍ଦା ଆଦାୟ ବାହାନାରେ ଦୁଇ ମହିଳା ଘରୁ ସୁନା ଗହଣା ଲୁଟି ନେଇଥିବା ଅଭିଯୋଗ ହୋଇଥିଲା ଚାନ୍ଦପୁର ଥାନା ରେ । ଚାନ୍ଦପୁର ସ୍ଥିତ ପାଟରା ସାହି ରେ ଏହି ଲୁଟ ଘଟଣା ଘଟିଛି ତେବେ ଅଭିଯୋଗକାରୀଙ୍କ ଘରୁ ଆନୁମାନିକ ଦୁଇ ଲକ୍ଷ ରୁ ଉର୍ଦ୍ଧ୍ବ ଟଙ୍କାର ସୁନା ରୁପା ଅଳଙ୍କାର ଲୁଟି ନେଇଥିବା ଜଣାପଡ଼ିଥିଲା ।

ସେଥିରୁ ୪୨ ଗ୍ରାମର ସୁନା ଗହଣା ଓ ୫୩୯ ଗ୍ରାମର ରୁପା ଗହଣା ଚୋରି କରି ନେବାର ୨୪ ଘଣ୍ଟା ମଧ୍ୟରେ ଉକ୍ତ ଦୁଇ ମହିଳା ଙ୍କୁ ଗିରଫ କଲେ ଚାନ୍ଦପୁର ପୋଲିସ । ତେବେ ଚୋରି ହେବାର ୨୪ ଘଣ୍ଟା ମଧ୍ୟରେ ଉକ୍ତ ଦୁଇ ମହିଳାଙ୍କୁ ଗିରଫ କରିବା ସହ ସମସ୍ତ ସୁନାଗହଣାକୁ ଉଦ୍ଧାର କରିଛି ପୋଲିସ । ସେ ଦୁଇ ଜଣ ମହିଳା କଲିକତା ଅନ୍ତର୍ଗତ ମେଦିନପୁର ଅଞ୍ଚଳର ବୋଲି ଜଣାପଡ଼ିଛି । ଉକ୍ତ ଲୁଟେରା ଙ୍କ ନାମରେ ୧୨୯/ ୩୮୦/ ୩୪ ଧାରା ଅନୁସାରେ ଚାନ୍ଦପୁର ଥାନାରେ ମାମଲା ରୁଜ୍ଜୁ କରାଯାଇ କୋର୍ଟ ଚାଲାଣ କରାଯାଇଛି ।