ଶେଷ ପର୍ଯ୍ୟାୟରେ ହିଞ୍ଜିଳିର ୧୦ ରୁପାନ୍ତରଣ ବିଦ୍ୟାଳୟର ଶୁଭ ଉଦଘାଟନ

ବିଦ୍ୟାଳୟର ରୁପାନ୍ତର ପିଲାମାନଙ୍କ ମଧ୍ୟରେ ମଧ୍ୟ ରୁପାନ୍ତର ଆଣିପାରିଛି ଏବଂ ଆତ୍ମବିଶ୍ୱାସ ବୃଦ୍ଧି କରିଛି : ମୁଖ୍ୟମନ୍ତ୍ରୀ ସରକାରୀ ବିଦ୍ୟାଳୟରେ ପଢିବା ଆମ ପାଇଁ ଗର୍ବର କଥା

ଓଡ଼ିଶା ତାଜା ନ୍ୟୁଜ (୧୧ ସେପ୍ଟେମ୍ବର ଶନିବାର ) ହିଞ୍ଜିଳିକାଟୁ :- ଶିକ୍ଷା କ୍ଷେତ୍ରରେ ବୈପ୍ଳବିକ ପରିବର୍ତ୍ତନ ସକାଶେ ମୁଖ୍ୟମନ୍ତ୍ରୀଙ୍କ ନିର୍ବାଚନ ମଣ୍ଡଳୀ ହିଞ୍ଜିଳିରୁ ଆରମ୍ଭ ହୋଇଛି ରାଜ୍ୟ ସରକାରଙ୍କ ବିଦ୍ୟାଳୟ ରୁପାନ୍ତରଣରେ ଏକ ଯୁଗାନ୍ତକାରୀ କାର୍ଯ୍ୟକ୍ରମ । ୫ଟି ସୁତ୍ରପାତ ଆଧାରରେ ରାଜ୍ୟ ମୁଖ୍ୟମନ୍ତ୍ରୀଙ୍କ ନିର୍ବାଚନ ମଣ୍ଡଳୀ ହିଞ୍ଜିଳି ଓ ଶେରଗଡ଼ ବ୍ଳକର ୪୮ଟି ଉଚ୍ଚ ବିଦ୍ୟାଳୟ ଓ ୨ଟି ଆଦର୍ଶ ବିଦ୍ୟାଳୟର ରୁପାନ୍ତରୀଣ କାର୍ଯ୍ୟକ୍ରମ ଅନୁଯାୟୀ ସଂପନ୍ନ ହୋଇଛି । ଶେଷ ପର୍ଯ୍ୟାୟରେ ସୋମବାର ଉଭୟ ବ୍ଳକର ୧୦ଟି ଉଚ୍ଚ ବିଦ୍ୟାଳୟକୁ ଲୋକାର୍ପିତ କରିଛନ୍ତି ହିଞ୍ଜିଳି ବିଧାୟକ ତଥା ରାଜ୍ୟ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏହି ଅବସରରେ ୧୦ଟି ଉଚ୍ଚ ବିଦ୍ୟାଳୟରେ ସୋମବାର ଏକ ବର୍ଣ୍ଣାଢ ପରିବେଶରେ ମୁଖ୍ୟମନ୍ତ୍ରୀଙ୍କ ସ୍ୱତନ୍ତ୍ର ଉଦଘାଟନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି ।

ଲୋକାର୍ପିତ କାର୍ଯ୍ୟକ୍ରମରେ ରାଜ୍ୟର ବହୁ ବିଧାୟକ ଓ ମନ୍ତ୍ରୀ ଗଣ ଉପସ୍ଥିତ ଥିଲେ । ଉକ୍ତ କାର୍ଯ୍ୟକ୍ରମକୁ ଭିଡ଼ିଓ କନଫେରନ୍ସ ମାଧ୍ୟମରେ ଉଦଘାଟନ କରି ମୁଖ୍ୟମନ୍ତ୍ରୀ ଶ୍ରୀ ପଟ୍ଟନାୟକ କହିଥିଲେ ଯେ, ହିଞ୍ଜିଳି ଓ ଶେରଗଡ଼ରେ ୫ ଦିନ ଧରି ଚାଲିଥିବା ଏହି କାର୍ଯ୍ୟକ୍ରମରେ ସେ ବିଭିନ୍ନ ବିଦ୍ୟାଳୟର ଶିକ୍ଷାର୍ଥୀ ମାନଙ୍କ ସହ କର୍ଥାବାର୍ତ୍ତା ହୋଇପାରିଛନ୍ତି । ସେମାନଙ୍କ ମନୋଭାବକୁ ଲକ୍ଷ୍ୟ କରି ପାରିଛନ୍ତି । ପିଲାମାନଙ୍କ ମଧ୍ୟରେ ଏ ରୁପାନ୍ତର କାର୍ଯ୍ୟକ୍ରମଦୃଢ ଆତ୍ମବିଶ୍ୱାସ ସୃଷ୍ଟି କରିପାରିଛି । ଏହି ନୁଆ ପରିବେଶ ପିଲାମାନଙ୍କ ମନରେ ମଧ୍ୟ ଏକ ରୁପାନ୍ତର ଆଣିପାରିଛି । ଏଥି ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବେଶ ଆନନ୍ଦ୍ଖଚ୍ଛ ବୋଲି କହିଥିଲେ ।

ପିଲାମାନଙ୍କୁ ଶୁଭେଚ୍ଛା ଜଣାଇ ମୁଖ୍ୟମନ୍ତ୍ରୀ କହିଲେ ଯେ, ତୁମ ମାନଙ୍କ ଉପରେ ମୋର ପୁରା ଭରସା ରହିଛି । ତୁମେ ମାନେ ଦିନେ ବଡ଼ ହେବ ଓ ଭଲ କାମ କରି ଓଡ଼ିଆ ଜାତିର ଗୌରବ ବଢାଇବ ।ତୁମେ ମାନେ ଆଗକୁ ବଢ, ମୋର ଆର୍ଶୀବାଦ ସଦା ସର୍ବଦା ତୁମ ସାଥିରେ ରହିଛି । ଏହି ରୁପାନ୍ତର କାର୍ଯ୍ୟକ୍ରମ ଶିକ୍ଷକ ମାନଙ୍କ ଦାୟିତ୍ୱ ବୃଦ୍ଧି କରିଛି । ଶିକ୍ଷାର୍ଥୀ ମାନେ ଏହି ରୁପାନ୍ତର ସୁଯୋଗର ସଠିକ ଉପଯୋଗ କରିପାରିବେ । ନିଜ ନିଜ ବିଦ୍ୟାଳୟର ଫଳାଫଳକୁ ଶତପ୍ରତିଶତ କରିବା ପାଇଁ ଶିକ୍ଷକ ମାନଙ୍କ ମଧ୍ୟରେ ପ୍ରତିଯୋଗିତା ହେଲେ ସେ ଖୁସି ହେବେ ବୋଲି ମୁୁଖ୍ୟମନ୍ତ୍ରୀ ଶ୍ରୀ ପଟ୍ଟନାୟକ କହିଥିଲେ । କାବେରୀ, ସ୍ୱଂୟସମ୍ପର୍ଣ୍ଣା, ସୋନାଲି, କାଜଲ, ଖୁସି, ମାମାଲି, ଶୁଭସ୍ମିତା, ପ୍ରମୁଖ ଛାତ୍ରୀ ମାନେ ମୁଖ୍ୟମନ୍ତ୍ରୀଙ୍କ ସହ ଆଲୋଚନା କରି ରୁପାନ୍ତର କାର୍ଯ୍ୟକ୍ରମ ପାଇଁ ସେମାନେ ଶିକ୍ଷା ଲାଭରେ ବହୁତ ଆଗକୁ ଯାଇ ପାରିଛନ୍ତି ବୋଲି ପ୍ରକାଶ କରିଥିଲେ । 

କାର୍ଯ୍ୟକ୍ରମକୁ ୫ଟି ସଚିବ ଭି.କେ.ପାଣ୍ଡିୟାନ ପରିଚାଳନା କରିଥିଲେ । ଗଞ୍ଜାମ ଜିଲ୍ଲାପାଳ ବିଜୟ ଅମୃତ କୁଲାଙ୍ଗେ ସ୍ୱାଗତ ଭାଷଣ ପ୍ରଦାନ କରିଥିବା ବେଳେ ଜିଲ୍ଲା ଗ୍ରାମ୍ୟ ଉନ୍ନୟନ ପ୍ରକଳ୍ପ ନିର୍ଦ୍ଦେଶକ ସିନ୍ଧେ ଦତ୍ତାତ୍ରୟ ଭାଉ ସାହେବ ଧନ୍ୟବାଦ ଜ୍ଞାପନ କରିଥିଲେ ।
ଶନିବାର ଅପରାହ୍ନରେ ଗଞ୍ଜାମ ଜିଲ୍ଲାପାଳ ବିଜୟ ଅମୃତ କୁଲାଙ୍ଗେଙ୍କ ପ୍ରତ୍ୟକ୍ଷ ତତ୍ୱାବଧାନରେ ଶେରଗଡ଼ ବ୍ଳକ ପାକିଡ଼ି ଓଡ଼ିଶା ଆଦର୍ଶ ବିଦ୍ୟାଳୟରେ ଅତିଥି ଭାବେ ଇସ୍ପାତ ଓ ଖଣି ବିଭାଗୀୟ ମନ୍ତ୍ରୀ ତଥା କାମାକ୍ଷନଗର ବିଧାୟକ ପ୍ରଫୁଲ କୁମାର ମଲ୍ଲିକ, ରାଜ୍ୟ ସଭା ସଂସଦ ସସ୍ମିତା ପାତ୍ର ଓ ଯୋଜନାବୋର୍ଡ଼ ଉପାଧ୍ୟକ୍ଷ ସଞ୍ଜୟ କୁମାର ଦାସବର୍ମା ଉପସ୍ଥିତ ଥିଲେ । କାଞ୍ଜିଆମା ଉଚ୍ଚ ବିଦ୍ୟାଳୟରେ ଅତିଥି ଭାବେ ହସ୍ତତନ୍ତ ଓ ବୟନଶିଳ୍ପ ବିଭାଗୀୟ ମନ୍ତ୍ରୀ ତଥା କୋଟପାଡ ବିଧାୟିକା ପଦ୍ମିନି ଦ୍ୟାନ, ରାଜ୍ୟ ସଭା ସାଂସତଦ ଅମର ପଟ୍ଟନାୟକ ଓ ହିନ୍ଦୋଳ ବିଧାୟିକା ସୀମାରାଣୀ ନାୟକ ଉପସ୍ଥିତ ଥିଲେ ।

ରାମଚନ୍ଦ୍ରପୁର ଉଚ୍ଚ ବିଦ୍ୟାଳୟରେ ଅତିଥି ଭାବେ ଯାଜପୁର ସାଂସଦ ଶ୍ରମିଷ୍ଠା ସେଠି, ଢେଙ୍କାନାଳ ବିଧାୟକ ସୁଧିର କୁମାର ସାମଲ ଓ ସୋରଡ଼ା ବିଧାୟକ ପୁର୍ଣ୍ଣଚନ୍ଦ୍ର ସ୍ୱାଇଁ ଉପସ୍ଥିତ ଥିଲେ । ଶେରଗଡ଼ ମହାତ୍ମା ଗାନ୍ଧୀ ଉଚ୍ଚ ବିଦ୍ୟାଳୟରେ ଅତିଥି ଭାବେ ବ୍ରହ୍ମପୁର ସାଂସଦ ଚନ୍ଦ୍ରଶେଖର ସାହୁ, ପଟାଙ୍ଗି ବିଧାୟକ ପ୍ରିତମ ପାଢି ଓ ଲକ୍ଷ୍ମୀପୁର ବିଧାୟକ ପ୍ରଭୁ ଜାନି ଉପସ୍ଥିତ ଥିଲେ । ବରମୁଣ୍ଡୁଳି ଉଚ୍ଚ ବିଦ୍ୟାଳୟରେ ଅତିଥି ଭାବେ ଜଗତସିଂହପୁର ସାଂସଦ ରାଜଶ୍ରୀ ମଲ୍ଲିକ, ଅତାବିରା ବିଧାୟିକା ସ୍ନେହାଙ୍ଗିନି ଛୁରିୟା ଓ ବରଗଡ଼ ବିଧାୟକ ଦେବେଶ ଆଚାର୍ଯ୍ୟ ଉପସ୍ଥିତ ଥିଲେ । ବ୍ରାହ୍ମଣଛାଇ ଉଚ୍ଚ ବିଦ୍ୟାଳୟରେ ଅତିଥି ଭାବେ ଭଦ୍ରକ ସାଂସଦ ମଞ୍ଜୁଲତା ମଣ୍ଡଳ, ପାଟଣାଗଡ଼ ବିଧାୟକ ସରୋଜ କୁମାର ମେହେର ଓ ଚିତ୍ରକୋଣ୍ଡା ବିଧାୟକ ପୁର୍ଣ୍ଣଚନ୍ଦ୍ର ବକ ଉପସ୍ଥିତ ଥିଲେ ।

ପିତଳ ଉଚ୍ଚ ବିଦ୍ୟାଳୟରେ ରାଜ୍ୟସଭା ସାଂସଦ ମମତା ମହନ୍ତ, କଟକ ସଦର ବିଧାୟକ ଚନ୍ଦ୍ରସାରଥି ବେହେରା ଓ ଝରିଗାଁ ବିଧାୟକ ପ୍ରକାଶ ଚନ୍ଦ୍ର ମାଝି ଉପସ୍ଥିତ ଥିଲେ । ସେହିପରି ହିଞ୍ଜିଳିକାଟୁ ବ୍ଳକ ଖରିଡ଼ା ଉଚ୍ଚ ବିଦ୍ୟାଳୟରେ ଅତିଥି ଭାବେ ଶ୍ରମ କର୍ମଚାରୀ ଓ ରାଜ୍ୟ ବୀମା ଓ ଗ୍ରାମ୍ୟ ଉନ୍ନୟନ ବିଭାଗୀୟ ମନ୍ତ୍ରୀ ତଥା ଭାଟି ବିଧାୟକ ସୁଶାନ୍ତ ସିଂ, ରାଜ୍ୟସଭା ସାଂସଦ ସୁଶାନ୍ତ ସିଂ ଓ କୋରାପୁଟ ବିଧାୟକ ରଘୁରାମ ପୋଡ଼ାଲ ଉପସ୍ଥିତ ଥିଲେ । ମକରଝୋଳ ଉଚ୍ଚ ବିଦ୍ୟାଳୟରେ କେନ୍ଦୁଝର ସାଂସଦ ଚନ୍ଦ୍ରାଣୀ ର୍ମୁମୁ, ନବରଙ୍ଗପୁର ବିଧାୟକ ସଦାଶିବ ପ୍ରଧାନି ଓ ଡ଼ାବୁଙ୍ଗା ବିଧାୟକ ମନୋହର ରଣ୍ଢାରି ଉପସ୍ଥିତ ଥିଲେ ।

ବଡ଼ଖଣ୍ଡି ଉଚ୍ଚ ବିଦ୍ୟାଳୟରେ ଅତିଥି ଭାବେ ମହିଳା ଓ ଶିଶୁ ବିକାଶ (ମିଶନ ଶକ୍ତି) ବିଭାଗୀୟ ମନ୍ତ୍ରୀ ତଥା ଟିଟିଲାଗଡ଼ ବିଧାୟିକା ଟୁକୁନି ସାହୁ ଓ କନ୍ଧମାଳ ସାଂସଦ ଡ଼ଃ. ଅଚ୍ୟୁତ ସାମନ୍ତ ପ୍ରମୁଖ ଯୋଗଦେଇ ମୁଖ୍ୟମନ୍ତ୍ରୀଙ୍କ ଯୁଗୋପଯୋଗୀ କାର୍ଯ୍ୟ ଏବଂ ୫ଟି ସଚିବଙ୍କ ବିଦ୍ୟାଳୟ ରୁପାନ୍ତଋଣ କାର୍ଯ୍ୟକ୍ରମକୁ ଭୂୟସୀ ପ୍ରଂଶସା କରିଥିଲେ । ଉକ୍ତ କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀଙ୍କ ଡ଼ିଆରଡ଼ିଏ ପ୍ରତିନିଧି ଶରତ ମହାପାତ୍ର, ଏଏଡ଼ିଏମ ଲିନା କୁମାରୀ ଖେସ୍‌, ଛତ୍ରପୁର ଉପ ଜିଲ୍ଲାପାଳ ପ୍ରିୟରଞ୍ଜନ ପୃଷ୍ଟି, ବ୍ରହ୍ମପୁର ମହାନଗର ନିଗମ କମିଶନର ଡ଼ଃ. ସିଦ୍ଧେଶ୍ୱର ବଳରାମ ଭଣ୍ଡାରେ, ଭଞ୍ଜନଗର ଉପଜିଲ୍ଲାପାଳ ରାଜେନ୍ଦ୍ର ମିଞ୍ଜ, ଡ଼ୁଡ଼ା ପ୍ରକଳ୍ପ ନିର୍ଦ୍ଦେଶକ ସୁଦାମ ଚରଣ ମଣ୍ଡଳ, ଅତିରିକ୍ତ ପ୍ରକଳ୍ପ ନିର୍ଦ୍ଦେଶକ ଜ୍ୟୋତିଶଙ୍କର ରାୟ, ଏଡିଏମ ଲିନା କୁମାରୀ ଖେସ୍‌,

ଏଡ଼ିଏମ(ରାଜସ୍ୱ) ଅମିୟ କୁମାରେ ସାହୁ, ବ୍ରହ୍ମପୁର ଉପଜିଲ୍ଲାପାଳ ଭି, କ୍ଷେତ୍ରୀ ଭାସନ, ବ୍ଳକ ପ୍ରତିନିଧି ସୁରେନ୍ଦ୍ର ପ୍ରଧାନ, ବ୍ଳକ ଅଧ୍ୟକ୍ଷ ଏନ ରଘୁନାଥ,ବିଜେଡ଼ି ଉପସଭାପତି ଡ଼ି. ବିଶ୍ୱନାଥ, ତହସିଲଦାର ପ୍ରଭାତ କୁମାର ପରିଡ଼ା, ବିଡ଼ିଓ ସୁବ୍ରତ ଜେନା, ପୌର କାର୍ଯ୍ୟ ନିର୍ବାହୀ ଅଧିକାରୀ ଡ଼ଃ. ମନୋରଞ୍ଜନ ସାହୁ, ଜିଲ୍ଲା ଶିକ୍ଷାଧିକାରୀ ଅମୁଲ୍ୟ କୁମାର ପ୍ରଧାନ, ବିଇଓ ଏସ ଗିରିଧର, ଜିଲ୍ଲା ସୂଚନା ଓ ଲୋକ ସର୍ମ୍ପକ ଅଧିକାରୀ ରବି ନାରାୟଣ ବେହେରା, , ନଗର ବିଜେଡ଼ି ସଭାପତି ଭୀମସେନ ବେହେରା, ପବିତ୍ର ମୋହନ ପାଣିଗ୍ରାହୀ, ଶିବରାମ ଗଉଡ଼, ସୁବାଷ ଚନ୍ଦ୍ର ପୋଲାଇ, ସଞ୍ଜୟ ପଣ୍ଡାଙ୍କ ସମେତ ସଂରପଚ କେ. ଦୁର୍ଗାମାଧବ ରାଓ, ଜି. ଏରମା, ରଘୁନାଥ ବେହେରା, ସମିତିସଭ୍ୟ, ଜିଲ୍ଲା ପରିଷଦ ସଭ୍ୟ, ବୁଗୁଡ଼ା ବିଡ଼ିଓ ତନ୍ମୟ ପାତ୍ର, ଦିଗପହଣ୍ଡି ବିଡ଼ିଓ ହଳଧର ଶବର, ପୁରୁଷୋତ୍ତମପୁର ବିଡ଼ିଓ ବିଜୟ କୁମାର ବେହେରା,

ଆସିକା ବିଡ଼ିଓ ରୋଶନ ଶତପଥୀ, ବେଲଗୁଣ୍ଠା ବିଡ଼ିଓ ଶଶିଭୂଷଣ ମହାପାତ୍ର, ଜଗନ୍ନାଥପ୍ରସାଦ ବିଡ଼ିଓ ଅନୁପ ପଣ୍ଡା, ଛତ୍ରପୁର ବିଡ଼ିଓ ବିଶ୍ୱଜିତ ରାୟ, ପୋଲସରା ବିଡ଼ିଓ ସୁରଞ୍ଜନ ସାହୁ, ସାନଖେମୁଣ୍ଡି ବିଡ଼ିଓ ଗାୟତ୍ରୀଦତ୍ତ ନାୟକ, ରଙ୍ଗେଇଲୁଣ୍ଡା ବିଡ଼ିଓ ପ୍ରସନ କୁମାର ପାତ୍ର, ରାଣୀ ପ୍ରଧାନ, ଲଡ଼ୁକିଶୋର ବେହେରା, ନିଳାଂଚଳ ପାଢି, ଭି. ଋବିନ୍ଦ୍ର,ଅଶୋକ କୁମାର ପଣ୍ଡା, ସୁଧାଂଶୁ ଶେଖର ସାହୁ, ଅଜୟ କୁମାର ମହାରଣା,ସଂପୃକ୍ତ ଉଚ୍ଚ ବିଦ୍ୟାଳୟର ଶିକ୍ଷକ, ଶିକ୍ଷୟତ୍ରୀ, ବିଦ୍ୟାଳୟ ପରିଚାଳନା କମିଟି, ଶିକ୍ଷାର୍ଥୀ, ଜନ ପ୍ରତିନିଧି ପ୍ରମୁଖ ଉପସ୍ଥିତ ଥିଲେ ।