ଛତିଆ ଛେନା କାକରା ପିଠା ର ଚାହିଦା ଦେଶ ବିଦେଶରେ ବେଶ ଆଦୃତି ଲାଭ କରିଛି

ଓଡ଼ିଶା ତାଜା ନ୍ୟୁଜ୍ (୫ ସେପ୍ଟେମ୍ବର ରବିବାର)  ଛତିଆ :- ବିଭିନ୍ନ ସୁସ୍ୱାଦୁ ପ୍ରକାର ର ପୀଠାର ବଜାର ପାଲଟିଛି ଛତିଆ ର ଭଟ୍ଟ ସାଗର ବଜାର ଅଞ୍ଚଳରେ । ସୂଚନା ଥାଉକି, ଯାଜପୁର ଜିଲ୍ଲା ଛତିଆ ଦେଇ ଯାଇ ଥିବା ୧୬ ନମ୍ବର ଜାତୀୟ ରାଜପଥ ର ଛତିଆ ଭଟ୍ଟ ସାଗର ବଜାର ର ଉଭୟ ପାର୍ଶ୍ଵରେ ଗଢି ଉଠିଛି ସୁନ୍ଦର ଛେନା କାକରା ର ବଜାର । ରାତି ପାହିଲେ ରାଜ୍ୟ ତଥା ରାଜ୍ୟ ବାହାରର ପଥଚାରୀ ଙ୍କ ଭିଡ ଜମେ ଏହି ଭଟ୍ଟ ସାଗର ବଜାରରେ । ତେବେ ଏହି ସୁସ୍ୱାଦୁ କାକରା ର ଚାହିଦା ଦେଶ ଓ ବିଦେଶରେ ବେଶ ବଢୁ ଥିବା କଥା କହିଛନ୍ତି କାକରା ଗ୍ରାହକ ମାନେ।

ତେବେ ଏହି କାକରା ର କ୍ଵଲିଟି ଓ ସ୍ୱତନ୍ତ୍ରତା କଣ ରହିଛି ଯାହାକି ସାଲେପୁର ରସଗୋଲା,କେନ୍ଦ୍ରାପଡା ରସା ବଳି,ପାହାଳ ମିଠା, ଭଳି ଛତିଆ କାକରା କୁ ମାନ୍ୟତା ଦେବା ଆବଶ୍ୟକ ରହିଥିବା କହିଛନ୍ତି କାକରା ପ୍ରିୟ ବିଦେଶୀ ଦେଶୀ ଗ୍ରାହକ ମାନେ । କାରଣ ଏହି କାକରାର ସ୍ୱତନ୍ତ୍ରତା ହେଉଛି ଦେଶୀ ଗୁଆ ଘିଅ , କ୍ଷୀର, ଛେନା ରେ ଏହି କାକରା ପ୍ରସ୍ତୁତ କରାଯାଉ ଥିବା କଥା କହିଛନ୍ତି ଦୋକାନୀ । ବିଶେଷ ଭାବରେ ଏହି କାକରା ୩ ରୁ ୫ ଦିନ ପର୍ଯ୍ୟନ୍ତ ତାଜା ରହିଥାଏ, କାକରା ତିଆରି କରିବା ପାଇଁ ଦେଶୀ ଗାଈ ର ଛେନା, କ୍ଷୀର,ମଇଦା,ଚିନି,ଲୁଣ, ଗୋଲମରିଚ, ଅଳେଇଚ, ଗୁଜୁରାତି ଦିଆଯାଇ ପ୍ରସ୍ତୁତ କରାଯାଏ ।

କାକରା ପ୍ରସ୍ତୁତ କରୁଥିବା ଦୋକାନୀ ୧୬ ନମ୍ବର ଜାତୀୟ ରାଜପଥ ର ଉଭୟ ପାର୍ଶ୍ଵରେ ହୋଇ ଥିବାରୁ ଜାତା ୟତ କରୁଥିବା ମାନଙ୍କୁ ଆକର୍ଷିତ କରିଥାଏ। ବାଟୋଇ ମାନେ ଏହି କାକରା କୁ ଖାଇ ଆତ୍ମସନ୍ତୋଷ ଲାଭ କରିଥାନ୍ତି, ଦିନ ଓ ରାତି ଏହି ଦୋକାନ ମାନଙ୍କରେ ପ୍ରବଳ ଭିଡ଼ ପରିଲକ୍ଷିତ ହୋଇଥାଏ । ତେବେ ଛତିଆ ଭଟ୍ଟ ସାଗର ବଜାରର କାକରା ପିଠାର ଦିନକୁ ଦିନ ରାଜ୍ୟ ତଥା ଦେଶ ବିଦେଶରେ ଚାହିଦା ବଢୁ ଥିବାରୁ ଏହି କାକରା ପିଠାକୁ ସରକାର ମାନ୍ୟତା ଦେବା ପାଇଁ ବୁଦ୍ଧିଜୀବି ମାନେ ଦାବି କରି ଥିବା ଦେଖିବାକୁ ମିଳିଛି । (ଛତିଆ ରିପୋର୍ଟ ଚନ୍ଦ୍ରଶେଖର ପୃଷ୍ଟି)