ଗଜପତି ଜିଲ୍ଲାର ଆଦିବାସୀ ଅଧ୍ୟୁଷିତ ଆର. ଉଦୟଗିରି ଗୋଷ୍ଠି ସ୍ଵାସ୍ଥ୍ୟ କେନ୍ଦ୍ରରେ ରୋଗି ସେବା ବିପର୍ଯ୍ୟସ୍ତ, ପାଳି ପାଳି ରେ ଚାଲିଛି ଗୋଷ୍ଠି ସ୍ଵାସ୍ଥ୍ୟ କେନ୍ଦ୍ରରେ ରୋଗି ସେବା

ଓଡ଼ିଶା ତାଜା ନ୍ୟୁଜ (୨୬ ଅଗଷ୍ଟ ଗୁରୁବାର) ପାରଳାଖେମୁଣ୍ଡି :- ପାଳିରେ ଚାଲିଛି ଆର,ଉଦୟଗିରି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର । ଆଜି ଜଣେ ଡାକ୍ତରଙ୍କ ତ କାଲି ଜଣେ ଡାକ୍ତର । ଯାହାକୁନେଇ ହନ୍ତସନ୍ତ ହେଉଛନ୍ତି ରୋଗୀ । ଡାକ୍ତରମାନେ ପାଳିରେ ଡାକ୍ତରଖାନା ଚଳାଉଥିବାରୁ ରୋଗୀମାନେ ଚିକିତ୍ସା ପାଇଁ ଆସି ପ୍ରତିଦିନ ଜଣେ ଜଣେ ଡାକ୍ତରଙ୍କୁ ଦେଖା କରି ଭିନ୍ନଭିନ୍ନ ଔଷଧ ନେଇ ଖର୍ଚାନ୍ତ ହେବା ସହ ହଇରାଣ ହେଉଛନ୍ତି । ଉଭୟ କେନ୍ଦ୍ର ଓ ରାଜ୍ୟ ସରକାର ଗ୍ରାମାଞ୍ଚଳ ଓ ସହରାଞ୍ଚଳରେ ସ୍ବାସ୍ଥ୍ୟ ସେବା ସୁଧାର ଆଣିବା ପାଇଁ କୋଟି କୋଟି ଟଙ୍କା ଖର୍ଚ କରୁଛନ୍ତି । ମାତ୍ର ଗଜପତି ଜିଲା ଆର,ଉଦୟଗିରି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ବର୍ଷ ବର୍ଷ ଧରି ଏହାର ବ୍ୟତିକ୍ରମ ଦେଖିବାକୁ ମିଳୁଛି । ଯାହାକୁ ନେଇ ସାଧାରଣ ଗରିବ ଗୋଗୀଟିଏ ଚିକିତ୍ସା ଅବହେଲାରୁ ନାହିଁନଥିବା ଦୁଦ୍ଦଶାରେ ଭୋଗୁଥିବା ବେଳେ ଶେଷରେ ଅର୍ଥ ଅଭାବରୁ ମୃତ୍ୟୁ ମୁଖରେ ପଡୁଛନ୍ତି ।

ଗୋଟିଏ ପଟେ ଆର,ଉଦୟଗିରି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଡାକ୍ତର ଅଭାବ ଦେଖା ଦେଇଛି । ଏହି ଡାକ୍ତରଖାନା ଉପରେ ଆର,ଉଦୟଗିରି ବ୍ଳକ ସହ ନୁଆଗଡ ବ୍ଲକର ଅଧିକାଂଶ ପଞ୍ଚାୟତର ୫୦ ହଜାରରୁ ଉଦ୍ଧ୍ବ ଲୋକ ନିର୍ଭର କରୁଥିବାବେଳେ ଆର,ଉଦୟଗିରି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରର ଏପରି ବିପର୍ଯ୍ୟସ୍ତ ସ୍ବାସ୍ଥ୍ୟ ସେବାକୁ ନେଇ ରୋଗୀ ମାନେ ମୃତ୍ୟୁ ମୁଖକୁ ଠେଲି ହୋଇ ଯାଉଛନ୍ତି । ଏପରିକି ଶିଶୁ ମୃତ୍ୟୁହାର ଏବଂ ମାତୃ ମୃତ୍ୟୁହାର ରୋକିବା ପାଇଁ ସରକାର ବିଭିନ୍ନ ଯୋଜନାରେ କୋଟି କୋଟି ଟଙ୍କା ବ୍ୟୟ କରିବା ସହିତ ସରକାରୀ ଡାକ୍ତରଖାନାରେ ପ୍ରତ୍ୟକ ମଙ୍ଗଳବାର ଗର୍ଭବତୀ ମହିଳାମାନଙ୍କୁ ମାଗଣାରେ ଚିକିତ୍ସା କରିବା ପାଇଁ ନିୟମ ରହିଥିବା ବେଳେ ଆର,ଉଦୟଗିରି ସ୍ବାସ୍ଥ୍ୟକେନ୍ଦ୍ରରେ ତାହାରl ସଂପୂଣ୍ଣ ବ୍ୟତିକ୍ରମ ଦେଖିଦେଇଥିବା ଲୋକମାନେ ଅଭିଯୋଗ କରୁଛନ୍ତି ।

ଏହି ସ୍ବାସ୍ଥ୍ୟକେନ୍ଦ୍ରରେ ନିୟୁତ ପାଇଥିବା ଡାକ୍ତରମାନେ ସ୍ବାସ୍ଥ୍ୟକେନ୍ଦ୍ରକୁ ନ ଯାଇ ଲୋକଙ୍କୁ ଘରେ ଚିକିତ୍ସା କରି ଭଲକରି ଦୁଇ ପଇସା ଆଦାୟ କରିଥିବା ନେଇ ଅଭିଯୋଗ ହେଉଛି ଆସୁଥିବା ରୋଗୀଙ୍କୁ ମେଡିକାଲରେ ଚିକିତ୍ସା ନ ପାଇ ଡାକ୍ତର ଘରେଇ କିନିକି ଚିକିତ୍ସା ହେବାକୁ ବାଧ ହେଉଛନ୍ତି । ପ୍ରତିଦିନ ସକାଳେ ଏଠାକାର ଆଇୟୁସ ଡାକ୍ତରଙ୍କ ଘରେ ଚିକିତ୍ସା ଲମ୍ବାଲାଇନି ଲାଗୁଥିବା ଦେଖିବାକୁ ମିଳୁଛି । ଏହି ସ୍ବାସ୍ଥ୍ୟକେନ୍ଦ୍ରକୁ ସ୍ଥାନୀୟ ଯୁବକଙ୍କ କବଚାରେ ରୋଗୀ ସେବା ଚାଲିଥିବା ଅଭିଯୋଗ ହେଉଛି । ଏହି ସ୍ବାସ୍ଥ୍ୟକେନ୍ଦ୍ରର ଡାକ୍ତର ମାନେ କିଛି ଯୁବକୁ ରଖି ଡାକ୍ତର ଯେଉଁ ବ୍ୟକ୍ତି ଅଭିଯୋଗ କଲେ କାମ୍ବା ଖବରକାଗଜ ପ୍ରକାଶକଲେ ଡାକ୍ତରମାନେ ରଖିବା ଗୁଣ୍ଡା ମାନଙ୍କୁ ପଠାଇ ପାଟି ବନ୍ଧ କରିବାକୁ ଚେଷ୍ଟା କରନ୍ତି ଯେଉଁ ଚୁପ ନ ରହିଲେ ଡାକ୍ତରଙ୍କ ପାଖରେ ଥିବା ପାଳୁତ ଗୁଣ୍ଡାମାନଙ୍କ ଦ୍ବାରା ଆକ୍ରମଣ କରିବାକୁ ପଠାନ୍ତି ।

ଏହି ସ୍ବାସ୍ଥ୍ୟକେନ୍ଦ୍ରର ଇନିଚାଜ ଡାକ୍ତରରାଣୀ ସରକାରୀ କାମ ଆଳ ଦେଖାଇ ମାସ ଅଧିକାଂଶ ସମୟ ତାଙ୍କର ବ୍ରହ୍ମପୁର କିନିକିରେ ରୋଗୀ ସେବାରେ ବ୍ୟସ୍ତ ରହୁଛନ୍ତି ଡାକ୍ତରଖାନାଯାଇ କୌଣସି ପାଇଁ ପଚାରିଲେ କର୍ମଚାରୀ କହନ୍ତି ମେଡେମ ଅଫିସ୍ କାମରେ ଯାଇଛନ୍ତି ବୋଲି ଉତ୍ତର ମିଳୁଛି । ସେହି ସ୍ବାସ୍ଥ୍ୟକେନ୍ଦ୍ରରେ କୌଣସି ଡାକ୍ତର ନଥିବାରୁ ଗତମାସରେ ସ୍ଥାନୀୟ ଖ୍ରୀଷ୍ଟିଆନସାହିର ଯୁବକ ଏବଂ ଶବରପୋଲି ପଞ୍ଚାୟତର କାଳକ ଚିକିତ୍ସା ସୁବିଧା ନପାଇ ମୃତ୍ୟୁ ହୋଇଥି୍ଲା ଏହା ନେଇ ସ୍ଥାନୀୟ ସାହିବାସିନ୍ଦାମାନେ ଆର,ଉଦୟଗିରି – ବ୍ରହ୍ମପୁର ରାସ୍ତା ୧୦ ଘଣ୍ଟା ଧରି ଅବରୋଧ କରିରଥିଲେ ଏହା ପରେ ସ୍ଥାନୀୟ ବିଡିଓ, ତହସିଲଦାର ଓ ଥାନା ଅଧିକାରୀ ଲୋକଙ୍କୁ ବହୁବୁଝା କରିବା ପରେ ରାସ୍ତାରୋକ ହଟିଥିଲା । ହେଲେ ମଧ୍ୟ ଜୀଲ୍ଲାପ୍ରଶାସନଙ୍କ ଚେତାପସୁନୀ ଆଉ କଣକଲେ ଜୀଲ୍ଲାପ୍ରଶାସନର ଚେତାପସିବ । ଏଥିପ୍ରତି ସ୍ବାସ୍ଥ୍ୟ ମନ୍ତ୍ରୀ , ସ୍ବାସ୍ଥ୍ୟ ସଚିବ , ସ୍ବାସ୍ଥ୍ୟ ନିର୍ଦେଶକ ଏବଂ ୫ଟି ସଚିବ ଦୃଷ୍ଟି ଦେବାକୁ ସାଧାରଣରେ ଦାବି ହେଉଛି । (ଗରୁଡ଼ ଧ୍ଵଜ ଚୌଧୁରୀ)