ସମ୍ପତ୍ତି ଲୋଭରେ ଜାଲ୍ ପୌଷ୍ୟ କନ୍ୟା ପ୍ରମାଣ ପତ୍ର ସଂଗ୍ରହ ; ନ୍ୟାୟ ପାଇଁଁ ଜିଲ୍ଲାପାଳଙ୍କ ଦ୍ଵାରସ୍ଥ ଲବଙ୍ଗ ଦେହୁରୀ ପରିବାର – ଢେଙ୍କାନାଳ

ଓଡ଼ିଶା ତାଜା ନ୍ୟୁଜ (୧୨ ଅଗଷ୍ଟ ଗୁରବାର ) ଢେଙ୍କାନାଳ :- କଥାରେ ଅଛି, ଦିନେ ନାହିଁ କି କାଳେ ନାହିଁ, ଗମ୍ହା ପୁନେଇଁରେ ମାଇଁ ମାଇଁ। ଏହିପରି ଏକ ଘଟଣା ଦେଖିବାକୁ ମିଳିଛି ସହର ଉପକଣ୍ଠ ବୋରାପଦା ଗ୍ରାମରେ। ଦିନେ କି କାଳେ ” ମା ମା ” ବୋଲି ଡାକିବାର ନାହିଁ କି ଭଲରେ ଦ୍ଵିପଦ କଥା ହେବାର ନାହିଁ। କିନ୍ତୁ ଏବେ ସମ୍ପତ୍ତି ଲୋଭରେ ଚିନି ତିନି ଜଣ ଝିଆରୀ ତହସିଲଦାରଙ୍କ ଆଗରେ କହୁଛନ୍ତି ତୁମେ ଆମ ମା, ଆମ୍ଭେ ତୁମ୍ଭର ପୋଷ୍ୟ ସନ୍ତାନ। ତେବେ ଏହାକୁ ନେଇ ଆଜି ନ୍ୟାୟ ପାଇଁଁ ଜିଲ୍ଲାପାଳଙ୍କ ଦ୍ବାରସ୍ଥ ହୋଇଛନ୍ତି ଗ୍ରାମର ଲବଙ୍ଗ ଦେହୁରୀ ପରିବାର।

ଲବଙ୍ଗ ଦେହୁରୀ ପରିବାର କହିଲେ, ଗୋଟିଏ ବୋଲି ପୁଅ ସୁବଳ ଦେହୁରୀ (୩୮) , ବୋହୂ ପ୍ରମିଳା ଦେହୁରୀ (୩୦) ଓ ଆଠ ଦଶବର୍ଷର ନାତି ଦୁଇଟି। ସ୍ୱାମୀ ସ୍ଵର୍ଗତ ନନ୍ଦ କିଶୋର ଦେହୁରୀ ଜଣେ ଅବସରପ୍ରାପ୍ତ ସରକାରୀ କର୍ମଚାରୀ ଥିଲେ। ସେ ଗତ ୮/୩/୨୦୨୧ ରିଖରେ ମୃତ୍ୟୁବରଣ କରିଥିଲେ। ତେବେ ସ୍ବାମୀଙ୍କ ମୃତ୍ୟୁ ପରେ ଲବଙ୍ଗ ନିଜ ପରିବାର ସହ କାଳାତିପାତ କରୁଥିବା ବେଳେ ଏବେ ଏକ ଜମି ଭାଗବଣ୍ଟାକୁ ନେଇ ସମ୍ପତ୍ତି ଲୋଭରେ ଦିଅର ପାଣ୍ଡବ ଦେହୁରୀ, ତାଙ୍କର ଚାରି ଝିଅ ମଧ୍ୟରୁ ତିନି ଝିଅ (ସୁନିତା, ସବିତା ଓ ବବିତା) ସେମାନଙ୍କର ସ୍କୁଲ ସାର୍ଟିଫିକେଟ ଏବଂ ଆଧାର କାର୍ଡ ରେ ସ୍ବାମୀ ସ୍ୱର୍ଗତ ନନ୍ଦ କିଶୋର ଦେହୁରୀଙ୍କୁ ପିତା ଭାବେ ପରିଚୟ ଦର୍ଶାଇ ଜାଲ୍ ପୌଷ୍ୟ କନ୍ୟା ପ୍ରମାଣ ପତ୍ର ନିମନ୍ତେ ଆବେଦନ କରିଛନ୍ତି  ।

ଗତକାଲି ଏ ସଂମ୍ପର୍କରେ ତହସିଲଦାର କିଛି କର୍ମଚାରୀଙ୍କ ସମେତ ତଦନ୍ତ କରିବାକୁ ଗ୍ରାମକୁ ଆସି କୌଣସି ଗ୍ରାମବାସୀ କଥା ନଶୁଣି ଏକତରଫା ବୟାନ ଦେଇ ଚାଲିଯାଇଛନ୍ତି। ତେବେ ତହସିଲଦାରଙ୍କ କାର୍ଯ୍ୟଶୈଳୀରେ ସନ୍ଦେହ ହେବାରୁ ଆଜି ନ୍ୟାୟ ପାଇଁ ପାଇଁ ଜିଲ୍ଲାପାଳଙ୍କ ଦ୍ଵାରସ୍ଥ ହୋଇଛନ୍ତି ଲବଙ୍ଗ ଦେହୁରୀ ପରିବାର। (ରିପୋର୍ଟ୍, ଅମର ରଞ୍ଜନ ଦାସ), ଢେଙ୍କାନାଳ।