୫୫ନଂ ଜାତୀୟ ରାଜପଥ ଆନନ୍ଦନଗର ଛକରେ ସଡ଼କ ଦୁର୍ଘଟଣା : ଟ୍ରକ ଧକ୍କାରେ ସ୍କୁଟି ଚାଳକ ଗୁରୁତର – ଢେଙ୍କାନାଳ

ଓଡ଼ିଶା ତାଜା ନ୍ୟୁଜ ( ୮ ଅଗଷ୍ଟ ରବିବାର ) ଢେଙ୍କାନାଳ :- ଜିଲ୍ଲା ୫୫ନଂ ଜାତୀୟ ରାଜପଥ ଆନନ୍ଦନଗର ଛକ ଠାରେ ସଡ଼କ ଦୁର୍ଘଟଣା । ଏକ ସିମେଣ୍ଟ ବୋଝେଇ ଟ୍ରକ ଧକ୍କାରେ ସ୍କୁଟି ଚାଳକ ଗୁରୁତର । ଘଟଣାରୁ ପ୍ରକାଶ, କଟକ ଜିଲ୍ଲା ରାଜା ଆଠଗଡ଼ ଅନ୍ତର୍ଗତ ଖୁଣ୍ଟୁଣୀ ଅଂଚଳର ଶରତ କୁମାର ମିଶ୍ର (୬୫) ନିଜର ସ୍କୁଟି (OD06-E-1689)କୁ ଧରି ଢେଙ୍କାନାଳ ଅଭିମୁଖେ ଆସୁଥିବା ବେଳେ ଦିବା ୧୨ଟା ସମୟରେ ୫୫ନଂ ଜାତୀୟ ରାଜପଥ ଆନନ୍ଦନଗର ଛକ ଠାରେ କଟକ ଆଡୁ ଆସୁଥିବା ଏକ ସିମେଣ୍ଟ ବୋଝେଇ ଟ୍ରକ ଧକ୍କା ଦେଇଥିଲା ।

ଫଳରେ ସ୍କୁଟି ଚାଳକ ଜଣଙ୍କ ରାସ୍ତା ଉପରେ ଛିଟିକି ପଡ଼ିଥିଲେ ।  ତାଙ୍କର ଅଣ୍ଟା ହାଡ଼ ଭାଙ୍ଗି ଯାଇଥିବା ବେଳେ ଡାହାଣ ପଟ ଗୋଡ଼ ପାଦରେ ଗଭୀର ଆଘାତ ଲାଗିଥିଲା । ସ୍ଥାନୀୟ ଲୋକଙ୍କ ସହାୟତାରେ ଗୁରୁତରଙ୍କୁ ୧୦୮ ଆମ୍ବୁଲାନ୍ସ ସେବାରେ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତରିତ କରାଯାଇଥିଲା । ସେଠାରେ ତାଙ୍କର ଅବସ୍ଥା ଗୁରୁତର ହେବାରୁ କଟକ ବଡ଼ ଡ଼ାକ୍ତରଖାନାକୁ ପଠାଇ ଦିଆଯାଇଛି ।

ଖବରପାଇ ଘଟଣା ସ୍ଥଳରେ ଟାଉନ୍ ପୋଲିସ୍ ପହଞ୍ଚି ଦୁର୍ଘଟଣା ଘଟାଇଥିବା ଟ୍ରକଟିକୁ ଅଟକ ରଖିଛି । ତେବେ ଏ ଘଟଣାକୁ ନେଇ ଟାଉନ୍ ଥାନାରେ ଲିଖିତ ଅଭିଯୋଗ କରିଛନ୍ତି ସ୍କୁଟି ଚାଳକଙ୍କ ଝିଅ ରାମେଶ୍ଵରପୁର ଅଂଚଳର ଦମୟନ୍ତୀ ଦେବତା (୩୦) ।  ଅଭିଯୋଗ ଅନୁଯାୟୀ ପୋଲିସ ଟାଉନ୍ ଥାନାରେ ୩୧୭/୨୧ ରେ ମାମଲା ରୁଜୁ କରି ଅଧିକ ତଦନ୍ତ ଜାରି ରଖିଛି । (ରିପୋର୍ଟ୍, ଅମର ରଞ୍ଜନ ଦାସ), ଢେଙ୍କାନାଳ।