ଚାନ୍ଦପୁର ସେବା ସମବାୟ ସମିତି ଜବରଦଖଲକାରୀଙ୍କ କବଜାରେ – ହରିଲୁଟ ର ଗନ୍ତା ଘର

ଭିଜିଲାନ୍ସ ତଦନ୍ତ କରାଯିବ ବୋଲି ଚାନ୍ଦପୁର ବାସୀ ସହମତି ପ୍ରଦାନ କରିଛନ୍ତି

ସମିତିର ଯାଗା ସମେତ କାର୍ଯ୍ୟାଳୟ ଗୃହ ନିଜସ୍ୱ ବ୍ୟବସାୟ ର ଆଡ୍ଡା ସ୍ଥଳୀ ଅଟେ । ମୋଟ ଆଠ ଜଣିଆ ପରିବାରର ଘର ଓ ବିଦ୍ୟୁତ ମାଗଣା ଯାହା ସମିତି ଭରଣା କରେ ଏ କଥାକୁ ସତେ ଯେମିତି କାହାର ନିଘା ନାହିଁ ।

ଓଡ଼ିଶା ତାଜା ନ୍ୟୁଜ ( ୬ ଅଗଷ୍ଟ ଶୁକ୍ରବାର) ଚାନ୍ଦପୁର ରିପୋର୍ଟ /ଅଭିମନ୍ୟୁ :- ନୟାଗଡ଼ ଜିଲ୍ଲା ରଣପୁର ତହସିଲ ଅନ୍ତର୍ଗତ ଚାନ୍ଦପୁର ସେବା ସମବାୟ ସମିତି ପୁରୁଣା ଜାତୀୟ ରାଜପଥ ପାର୍ଶ୍ଵ ଏବଂ ଗ୍ରାମପଞ୍ଚାୟତ କାର୍ଯ୍ୟାଳୟ ଓ ଚାନ୍ଦପୁର ଥାନା ମଝିରେ ଅବସ୍ଥିତ । ଯାହା କି ଏବେ ଏକ ପରିତ୍ୟକ୍ତ ଗୁହାଳ ଘର ର ଭ୍ରମ ସୃଷ୍ଟି କରୁଛି । ଏହାର ପୁଙ୍ଖାନୁପୁଙ୍ଖ ତଦନ୍ତ ରୁ ଜଣାଯାଏ ଯେ ନବୀକରଣ ନାମରେ ଆସିଥିବା ଅର୍ଥ ମିଲିଭଗତ ରେ ଚଳୁ ହୋଇଯାଇଛି । ପୂର୍ତ୍ତି ଗନ୍ଧମୟ ପରିବେଶ ସାଙ୍ଗକୁ ଏକ ଜାଙ୍ଗଲିକ ବାତାବରଣ ସୃଷ୍ଟି ବାରି ହୋଇପଡୁଛି । ଏଠାରେ ଅବସ୍ଥାପିତ ସମ୍ପାଦକଙ୍କ ମନୋମୁଖୀ କାର୍ଯ୍ୟ , ଚାଷୀଙ୍କୁ ଠକେଇ ଜମାକାରୀ ଙ୍କ ଅର୍ଥ କୁ ହଡ଼ପ ଆଦି ଅନେକ ଅଭିଯୋଗ କୁ ଘଣ୍ଟ ଘୋଡ଼ାଇ ରଖୁଛନ୍ତି ଭାରପ୍ରାପ୍ତ ପ୍ରଶାସକ ।

କର୍ମଚାରୀ ମାନେ ଠିକ ସମୟରେ ଦରମା ନ ପାଇବା , ଠିକଣା ସମୟେ କାର୍ଯ୍ୟାଳୟ ନ ଖୋଲିବା ସବୁଦିନିଆ ଘଟଣା । ଏଠାରେ ଆର୍ଥିକ ତନଖି କର୍ତ୍ତୃପକ୍ଷ ଙ୍କ ଦ୍ଵାରାହୁଏ କି ନାହିଁ ତାହା ଈଶ୍ଵରଙ୍କୁ ଜଣା । ସବୁ ନାହିଁ ନାହିଁରେ ଅବ୍ୟବସ୍ଥା ମଧ୍ୟରେ ଚାଲିବା ଓ ଲୋକଙ୍କଠୁ ଗାଳିଗୁଲଜ ଓ ଥରେ ଅଧେ ମାଡ଼ ଖାଇବା ସମ୍ପାଦକଙ୍କ ଦେହ ସୁହା ହୋଇଗଲାଣି । ଖୋର୍ଦ୍ଧା କେନ୍ଦ୍ର ସମବାୟ ବ୍ୟାଙ୍କ ଓ ସହକାରୀ ନିବନ୍ଧକ ସେବା ସମବାୟ ସମିତି ସମୂହ ନୟାଗଡ଼ଙ୍କ ଅଧୀନରେ ଆସୁଥିବା ଏହି ସମିତି କଥା ସଭିଏଁ ଜାଣି ଅଜଣା । ସବୁଠାରୁ ଲଜ୍ଜା ଆଉ ଆଶ୍ଚର୍ଯ୍ୟର କଥା ସମିତିର ଯାଗା ସମେତ କାର୍ଯ୍ୟାଳୟ ଗୃହ ନିଜସ୍ୱ ବ୍ୟବସାୟ ର ଆଡ୍ଡା ସ୍ଥଳୀ ଅଟେ । ମୋଟ ଆଠ ଜଣିଆ ପରିବାରର ଘର ଓ ବିଦ୍ୟୁତ ମାଗଣା ଯାହା ସମିତି ଭରଣା କରେ ଏ କଥାକୁ ସତେ ଯେମିତି କାହାର ନିଘା ନାହିଁ ।

ଏବେ ଏବେ ନିଲମ୍ବନ ଆଦେଶ ପ୍ରତ୍ୟାହାର ହୋଇ ପୁନଃ ଦାୟିତ୍ୱ ନେଇଥିବା ସମ୍ପାଦକ ଙ୍କ ଆଚାରଣ ଆଉ ଉଚାରଣ ଯଥା ପୂର୍ବ ତଥା ପର ଅଟେ । ଖଜୁରୀ ଗଛର କି ଗୁଣ ଗାଇବି ନ୍ୟାୟରେ ଆମୂଳଚୂଳ ଅସଜଡ଼ା ଅବ୍ୟବସ୍ଥା ଓ ବ୍ୟତିକ୍ରମର ଉଦାହରଣ ଅନେକ ଜିଲ୍ଲା ପ୍ରଶାସନର ଅଙ୍କୁଶ ଥିଲା ବୋଲି ମନେ ହୁଏ ନାହିଁ । କିଏ କହିବ କେବେ ସୁଧୁରିବ ଏହାର ଅବ୍ୟବସ୍ଥା । ” ମୋ ସରକାର ” କାର୍ଯ୍ୟକ୍ରମ ତଥା ୫ଟିର ଆସ୍ଥାଭାଜନ ହୋଇ କେଉଁଦିନ ଏ ସମିତି ସମର୍ପିତ ସେବାରେ ଜନତା ର ଲାଗିବ ଦେଖିବାକୁ ବାକି ରହିଲା ସାଧାରଣ ଜନତା ଙ୍କ ଅଭିଯୋଗ କେବେ କାର୍ଯ୍ୟକାରୀ ହେବ ଦେଖିବାକୁ ବାକି ରହିଲା ।