ବିଜ୍ଞାନରେ କୋରାଇ କଲେଜର ଶତପ୍ରତିଶତ ସଫଳତା – ପ୍ରତିମା ଟପର

ଓଡ଼ିଶା ତାଜା ନ୍ୟୁଜ (୫ ଅଗଷ୍ଟ ଗୁରୁବାର) କୋରାଇ :- ଓଡ଼ିଶା ତାଜା ନ୍ୟୁଜ ଯୁକ୍ତ ଦୁଇ ବିଜ୍ଞାନ ପରୀକ୍ଷା ଫଳ ପ୍ରକାଶ ପାଇଛି । ଏଥିରେ କୋରାଇ ସ୍ଥିତ କାହ୍ନୁଚରଣ ମହାବିଦ୍ୟାଳୟରୁ ବିଜ୍ଞାନରେ ପରୀକ୍ଷା ଦେଇଥିବା ସମସ୍ତ ପିଲା ପାସ କରିଛନ୍ତି । ଚଳିତ ବର୍ଷ ଶତପ୍ରତିଶତ ସଫଳତା ମିଳିଥିବାରୁ କଲେଜ କର୍ତୃପକ୍ଷ, ଅଧ୍ୟାପକ/ଅଧ୍ୟାପିକା, ଛାତ୍ର/ଛାତ୍ରୀ ଓ ଅଭିଭାବକ ମହଲରେ ଆନନ୍ଦ ପ୍ରକାଶ ପାଇଛି । ମିଳିଥିବା ସୂଚନାନୁଯାୟୀ କୋରାଇ କାହ୍ନୁଚରଣ ମହାବିଦ୍ୟାଳରୁ ବିଜ୍ଞାନ ପରୀକ୍ଷା ଦେଇଥିବା ୨୮ଜଣଙ୍କ ମଧ୍ୟରୁ ସମସ୍ତେ ପାସ କରିଛନ୍ତି ।

ସେମାନଙ୍କ ମଧ୍ୟରେ ୬ଜଣ ପ୍ରଥମ ଶ୍ରେଣୀରେ ପାସ କରିଥିଲା ବେଳେ ୧୬ଜଣ ୨ୟ ଶ୍ରେଣୀ ଓ ୬ଜଣ ତୃତୀୟ ଶ୍ରେଣୀରେ ପାସ କରିଛନ୍ତି । ଉତୀର୍ଣ୍ଣଙ୍କ ମଧ୍ୟରୁ ପ୍ରତିମା ମହାନ୍ତି ସର୍ବାଧିକ ୪୨୬ ନମ୍ବର ରଖି କଲେଜର ଟପର ହୋଇଛନ୍ତି । କଲେଜରେ ଟପର ହେବାର ଶ୍ରେୟ କଲେଜର ଅଧ୍ୟକ୍ଷଙ୍କ ସମେତ ସମସ୍ତ ଅଧ୍ୟାପକ ଓ ଅଧ୍ୟାପିକାଙ୍କୁ ଦେଇଥିଲା ବେଳେ ବାପା, ମାଆଙ୍କ ତତ୍ୱାବଧନା ପାଇଁ ସଫଳାତା ପାଇବାରେ ସହାୟକ ହୋଇିଛନ୍ତି ବୋଲି କହିଛନ୍ତି ପ୍ରତିମା ।  (କୋରାଇରୁ ରିପୋର୍ଟ /ରଶ୍ମିରେଖା ମଲ୍ଲିକଙ୍କ)