ଗଜପତି ଜିଲ୍ଲାର ସଦର ମହକୁମା ପାରଳାଖେମୁଣ୍ଡିରୁ ରାୟଗଡ଼ କୁ ୭ଲକ୍ଷ ଟଙ୍କାର ବିଦେଶୀ ମଦ ଚୋରାଚାଲାଣ ବେଳେ ଅବକାରୀ ବିଭାଗ ଦ୍ବାରା ଜବତ

ଓଡ଼ିଶା ତାଜାନ୍ୟୁଜ (୨୦ ଜୁଲାଇ ମଙ୍ଗଳବାର ) ପାରଳାଖେମୁଣ୍ଡି :- ଗଜପତି ଜିଲ୍ଲାର ସଦର ମହକୁମା ପାରଳାଖେମୁଣ୍ଡିରୁ ରାୟଗଡ଼ ବିଦେଶୀ ମଦ ଚୋରାରେ ଚାଲାଣ ବେଳେ ଗଜପତି ଜିଲ୍ଲା ଅବକାରୀ ବିଭାଗ ଦ୍ଵାରା ଜବତ ଜଣେ ଅଟକ ଘଟଣାରୁ ପ୍ରକାଶ ଯେ ଗତକାଲି ବିଳମ୍ବିତ ରାତ୍ର୧୨ଘଣ୍ଟା ସମୟରେ ପାରଳାଖେମୁଣ୍ଡି ର ନୁଆଁବସଷ୍ଟାଣ୍ଡ ଓ ଜଙ୍ଗମ ସାହି ଛକରେ ଥିବା ଦୁଇଟି ବିଦେଶୀ ମଦ ଦୋକାନ ରୁ ୭ଲକ୍ଷ ଟଙ୍କାରୁ ଉର୍ଦ୍ଧ୍ଵ ବିଦେଶୀ ମଦ ଧରି ଏକ ବୋଲେରୋ କାମ୍ପେର ଭ୍ୟାନ ନଂ OR09L6723ରେ ଧରି ଗଜପତି ଜିଲ୍ଳାର ରାୟଗଡ଼ ବ୍ଲକର ସଦର ମହକୁମା ରାୟଗଡ଼କୁ ଚୋରାରେ ଚାଲାଣ ହେଉଥିବା ବେଳେ ଜିଲ୍ଲା ଅବକାରୀ ବିଭାଗ କୌଣସି ସୁତ୍ରରୁ ଖବର ପାଇ ଏହି ବିଦେଶୀ ମଦ ଧରି ଯାଉଥିବା ଗାଡ଼ିଟିକୁ ରାୟଗଡ଼ ବ୍ଲକ ର ଅଡାସିଂ ଛକରେ ଅଟକାଇ ଯାଞ୍ଚ କରିବାରୁ ସେହି ଗାଡ଼ି ମଧ୍ୟରେ ବିପୁଳ ପରିମାଣର ବିଦେଶୀ ମଦ ଥିବା ଦେଖିବାକୁ ପାଇଥିଲେ l

ସେହି ଗାଡ଼ି ଭିତରୁ ୱିସ୍କି ୨୦ଗୋଟି ପେଟି ଓ ୩୦ଗୋଟି ବିୟର ଓଗାଡ଼ିକୁ ଜବତ କରିବା ସହ ଗାଡ଼ି ଡ଼୍ରାଇଭରକୁ ମଧ୍ଯ ଅଟକ ରଖିଛନ୍ତି l ଚୋରାରେ ବିଦେଶୀ ମଦ ନେଉଥିବା ଗାଡିର ଡ୍ରାଇଭର ଅବକାରୀ ବିଭାଗକୁ ଦେଇଥିବା ବୟାନ ରୁ ଜଣା ପଡ଼ିଛି ଯେ, ଏହି ବିଦେଶୀ ମଦ ଧରି ସେ ରାୟଗଡ଼ର ମଦ ବେପାରୀ ବାପୁନି ପାଣିଗ୍ରାହୀ ନେଉଥିବା କହିଥିବା ବେଳେତେବେ ଜବତ ବିଦେଶୀ ମଦ ଅସଲି ନା ନକଲି ତାହା ବି ତଦନ୍ତ ସାପେକ୍ଷ l ତେବେ ଏତେ ପରିମାଣର ଜବତ ବିଦେଶୀ ମଦ କାହାପାଖକୁ ଯାଉଥିଲା  ରାୟଗଡ଼ ଠାରେ ସରକାରଙ୍କ ଲାଇସେନ୍ସ ପ୍ରାପ୍ତ ଏକ ବିଦେଶୀ ମଦ ଦୋକାନ ଥିଲା ବେଳେ କିଭଳି ଜଣେ ଚୋରା ମଦ ବେପାରୀ ପାରଳାଖେମୁଣ୍ଡି ରୁ ବିଦେଶୀ ମଦ ଚୋରାରେ ନେଇ ସେହି ଅଞ୍ଚଳରେ ବିକ୍ରିକରିବାକୁ ନେଉଥିଲେ ଏବଂ ଏହା ରାୟଗଡ଼ ପୋଲିସ ଓ ଅବକାରୀ ବିଭାଗର କିଛି ଦୁର୍ନୀତି ଗ୍ରସ୍ତ ଅଧିକାରୀଙ୍କ ଜାଣତରେ ଏହି ଚୋରା ମଦ କାରବାର ଚାଲିଥିଲା ବୋଲି ଅଭିଯୋଗ ହେଉଛି l

ଏହି ଚୋରା ବିଦେଶୀ ମଦ ଚୋରା କାରବାରରେ ଏ ଅଞ୍ଚଳରେ ପୁର୍ବରୁ ମଦ ବ୍ୟବସାୟ କରୁଥିବା ଏବଂ ଚଳିତ ଥର ତାଙ୍କୁ ଲୋଟରିରେ ଦୋକାନ ଉଠି ନଥିବା ବ୍ୟବସାୟୀ ଜଣଙ୍କ ହାତ ଥିବା ମଧ୍ଯ ଅଭିଯୋଗ ହେଉଛି ଏଣୁ ଅବକାରୀ ବିଭାଗର ନୂତନ ଭାବେ ଦାୟିତ୍ଵ ଗ୍ରହଣ କରିଥିବା ଆରକ୍ଷୀ ଅଧିକ୍ଷକ ତୁରନ୍ତ ଏଥି ପ୍ରତି ଦୃଷ୍ଟି ଦେଇ ଏହାର ଅବଶକୀୟ ତଦନ୍ତ କରି ଏହି ଚୋରା ବିଦେଶୀ ମଦ ବେପାରୀ ମାନଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ଏ ଅଞ୍ଚଳର ସର୍ବ ସାଧାରଣରେ ଦାବି ହେଉଛି l ଅବକାରୀ ବିଭାଗ ଦ୍ଵାରା ଜବତ ହୋଇଥିବା ଗାଡ଼ି ବୋଲେର କାମ୍ପେର OR09L6723ର ଏହାର ଫିଟନେସ ୧୯ ଅଗଷ୍ଟ ୨୦୧୬ ପଯ୍ୟନ୍ତ ରହିଥିବା ବେଳେ ଇନ୍ସରାନ୍ସ ୧୦ଡିସେମ୍ବର ୨୦୧୫ପର୍ଯ୍ୟନ୍ତ ଅଛି l ୪ବର୍ଷ ରୁ ଉର୍ଦ୍ଧ ହେଲା ଗାଡିର ଫିଟନେସ ନଥିବା ବେଳେ ୫ବର୍ଷରୁ ଉର୍ଦ୍ଧ ହେଲା ଗାଡିର ଇନସୁରାନ୍ସ ନାହିଁ ଜିନ୍ତୁ ଏହି ଗାଡିରେ ଚୋରା ବିଦେଶୀ ମଦ କାରବାର ଚାଲିଛି l( ରିପୋର୍ଟ – ଗରୁଡ଼ ଧ୍ଵଜ ଚୌଧୁରୀ )