ଲାନ୍ଥ ନଦୀ ଉପରେ ବ୍ରିଜ ନିର୍ମାଣ ଅଞ୍ଚଳ ବାସୀ ଙ୍କ ଦୀର୍ଘ ଦିନ ର ଦାବି : ପ୍ରଶାସନ ର ପ୍ରତିଶୃତି ପାଣି ର ଗାର – କୋଶଳ ରାଜ୍ୟ ସମ୍ବନିୟ ସମିତି

କତରଲଗା ଓ ଧୁମାଭଟା ଲାନ୍ଥ ନଦୀ ଉପରେ ବ୍ରିଜ ନିର୍ମାଣ ଦାବିରେ ଅଞ୍ଚଳ ବାସୀ ଜଳ ସତ୍ୟାଗ୍ରହ ।

ଓଡ଼ିଶା ତାଜା ନ୍ୟୁଜ (୧୬ ଜୁଲାଇ ଶୁକ୍ରବାର ) ପାଟଣାଗଡ଼ :- ବଲାଙ୍ଗୀର ଜିଲ୍ଲା ପାଟଣାଗଡ଼ ଉପଖଣ୍ଡ ବେଲପଡା ଓ ମୁରିବାହାଲ ବ୍ଳକ ଶେଷ ସିମା ରେ ଯାଇଥିବା ଲାନ୍ଥ ନଦୀ ଉପରେ ବ୍ରିଜ ନିର୍ମାଣ କରିବା ଦାବିରେ ଆଜି ଅଞ୍ଚଳ ବାସୀ ଆଜି ଲାନ୍ଥ ନଦୀ ସ୍ରୋତ ଧାରରେ ଜଳ ସତ୍ୟାଗ୍ରହ ଧାରଣା ରେ ବସିଥିଲେ । କୋଶଳ ରାଜ୍ୟ ସମ୍ବନିୟ ସମିତି ପାଟଣାଗଡ଼ ଙ୍କ ନେତୃତ୍ବରେ ଅନୁଷ୍ଠିତ ଜଳ ସତ୍ୟାଗ୍ରହ ଧାରଣା ରେ ଅଞ୍ଚଳ ବାସୀ ଦାବି ଅନୁଯାୟୀ ପାଟଣାଗଡ଼ ରୁ ଟିଟିଲାଗଡ଼ ଭାୟା ଧୁମା ଭଟା କରତଲଗା କୁ ସଂଯୋଗ କରୁଥିବା ଏହି ମୂଖ୍ୟ ରାସ୍ତା ରେ କତରଲଗା ରୁ ଧୁମାଭଟା ମଧ୍ୟରେ ଏହି ବୃହତ ଲାନ୍ଥ ନଦୀ ପଡୁଥିବା ହେତୁ ଅଞ୍ଚଳ ବାସୀ କୁ ବିଛିନ୍ନ କରି ଦେଉଥିବା ଅଭିଯୋଗ କରିଛନ୍ତି ।

ଅନ୍ୟ ପକ୍ଷରେ ମୁରିବାହାଲ ବ୍ଳକ ର ଜନସାଧାରଣ ସମେତ ସ୍କୁଲ କଲେଜ ଛାତ୍ର ଛାତ୍ରୀ , ରୋଗୀ , ବ୍ୟବସାୟୀ , ଧୁମାଭଟା କଲେଜ ଛାତ୍ର ଛାତ୍ରୀ , ରୋଗୀ ମାନେ ପାଟଣାଗଡ଼ ଉପଖଣ୍ଡ ଚିକିତ୍ସାଳୟ ଓ ଅନ୍ୟାନ୍ୟ କାର୍ଯ୍ୟ ଉପରେ ନିର୍ଭର କରିଥାନ୍ତି । ସେହିଭଳି ବେଲପଡା , ପାଟଣାଗଡ଼,ଧୁମାଭଟା ଅଞ୍ଚଳ ର ଜନସାଧାରଣ ମଧ୍ୟ ଅନେକ ସରକାରୀ ଓ ବେସରକାରୀ ତଥା ବ୍ୟବସାୟ ପାଇଁ ମୁରିବାହାଲ ଓ ଟିଟିଲାଗଡ଼ ଉପରେ ନିର୍ଭର କରିଥାନ୍ତି । ଯାହାକି କତରଲଗା ଓ ଧୁମାଭଟା ରାସ୍ତା ରେ ପଡୁଥିବା ପ୍ରବାହିତ ବୃହତ ଲାନ୍ଥ ନଦୀ ପାର ହୋଇ ଯିବାକୁ ପଡୁଥାଏ । ଯାହାଫଳରେ ଉଭୟ ଅଞ୍ଚଳର ଜନସାଧାରଣ ଛାତ୍ର ଛାତ୍ରୀ ବ୍ୟବସାୟୀ ରୋଗୀ ଯାତାୟତ ଘୋର ଅସୁବିଧାର ସମ୍ମୁଖୀନ ହେଉଥିବା ଅଭିଯୋଗ ହେଉଛି । କେହି କେହି ନଦୀ ପ୍ରବାହିତ ହେଉଥିବା ପାଣି ସ୍ରୋତ ରେ ପାର ହେଉଥିବା ହେତୁ ବିପଦ ସଂକୁଳ ଭାବରେ ଯାତାୟତ କରିଥାନ୍ତି ।

ଏହି ନଦୀ ଉପରେ ବ୍ରିଜ ନିର୍ମାଣ କରିବା ପାଇଁ ଅଞ୍ଚଳ ବାସୀ ଦୀର୍ଘ ଦିନ ଧରି ଦାବି କରିଆସୁଥିଲେ ମଧ୍ୟ କୌଣସି ସୁଫଳ ମିଳିନାହିଁ । ଜିଲ୍ଲା ପ୍ରଶାସନ ଜନପ୍ରତିନିଧି ,ରାଜନେତା ଙ୍କୁ ବାରମ୍ବାର ଆପତ୍ତି ଅଭିଯୋଗ କରିଆସୁଥିଲେ ମଧ୍ୟ ପ୍ରତିଶ୍ରୁତି ପ୍ରତିଶୃତି ରେ ରହିଯାଉଛି ବୋଲି ଅଞ୍ଚଳ ବାସୀ ପ୍ରକାଶ କରିଛନ୍ତି । ସରକାର ବିଭିନ୍ନ ଯୋଜନା ଉପରେ ଯୋଜନା କାର୍ଯ୍ୟକାରୀ କରୁଥିବା ବେଳେ ଆମ ଅଞ୍ଚଳ ବାସୀ ଙ୍କ ଅଣଦେଖା କରୁଥିବା ସହ କୁତ୍ରିମ ଅବେହେଲା କରୁଥିବା ଯୋଗୁଁ ଅଞ୍ଚଳବାସୀ ଙ୍କୁ ଦୈନନ୍ଦିନ ସମସ୍ୟା ଭୋଗିବାକୁ ପଡ଼ିଛି ବୋଲି ଅଭିଯୋଗ କରିଛନ୍ତି ।

ଅଞ୍ଚଳର ବୃ‌ହତ ସମସ୍ୟା ର ସମାଧାନ ପାଇଁ ଅଞ୍ଚଳ ବାସୀ ଜନସ୍ବାର୍ଥ କୁ ଦୃଷ୍ଟି ରଖି ଲାନ୍ଥ ନଦୀ ଉପରେ ବ୍ରିଜ ନିର୍ମାଣ କରିବା ଦାବିରେ ମୂଖ୍ୟ ମନ୍ତ୍ରୀ ଙ୍କ ଉଦେଶ୍ୟରେ ବେଲପଡା ଓ ମୁରିବାହାଲ ବ୍ଳକ ର ତହସିଲଦାର ଙ୍କୁ ଦାବି ପତ୍ର ପ୍ରଦାନ କରିଥିଲେ । ଯଦି ପ୍ରଶାସନ କୈାଣସି ପଦକ୍ଷେପ ଗ୍ରହଣ ନ କରନ୍ତି ତେବେ ଆଗାମୀ ଦିନରେ ଭୟାବହ ଆନ୍ଦୋଳନ କରିବାକୁ ଚେତାବନୀ ଦେଇଛନ୍ତି । ଆଜି ର ଜଳ ସତ୍ୟାଗ୍ରହ ରେ କୋଶଳ ରାଜ୍ୟ ସମ୍ବନିୟ ସମିତି ଯୁଗ୍ମ ସଂପାଦକ ଗିରିଧାରୀ ଭୋଇ , ସଭାପତି ବନମାଳୀ ନାଏକ , ଅଚ୍ୟୁତ ସିପୁନ ଖମାରି , ଉମେଶ ବିଶ୍ଵାଳ, ବସୁଦେବ ରାଉତ , ଗାନ୍ଧୀ ବନଗୁଲା , ରାମାନନ୍ଦ ଭୋଇ ,ରୁଦ୍ରା ଧର ନାଗ ପ୍ରମୁଖ ଙ୍କ ସମେତ ଶତାଧିକ ମହିଳା ପୁରୁଷ ଯୋଗଦେଇ ଥିଲେ ।