ଅନୀଲ ଅଗ୍ରୱାଲ ଫାଉଣ୍ଡେଶନ ପକ୍ଷରୁ ୫,୦୦୦ କୋଟି ଟଙ୍କାର ଆର୍ଥିକ ସହାୟତା

ଓଡ଼ିଶା ତାଜା ନ୍ୟୁଜ୍ (୫ ଜୁଲାଇ ସୋମବାର) ନୂଆଦିଲ୍ଲୀ :-  ଭାରତର ଅଗ୍ରଣୀ ପ୍ରାକୃତିକ ସମ୍ପଦ ଉତ୍ପାଦନକାରୀ ବେଦାନ୍ତ ଗ୍ରୁପ୍ ପକ୍ଷରୁ ସାମାଜିକ କାର୍ଯ୍ୟକ୍ରମ ଅନ୍ତର୍ଗତ ପୋଷଣ, ମହିଳା ଓ ଶିଶୁ ବିକାଶ, ସ୍ୱାସ୍ଥ୍ୟସେବା, ପଶୁ କଲ୍ୟାଣ ଏବଂ ତୃଣମୂଳସ୍ତରରେ ଖେଳର ବିକାଶ, କରୋନା ମହାମାରୀ ବିରୋଧରେ ଲଢ଼ି କରୋନା ମୁକ୍ତ ଗାଁ ଆଦି ଲକ୍ଷ୍ୟ ପୂରଣ ପାଇଁ ୫,୦୦୦କୋଟିର ସହାୟତା ଘୋଷଣା କରାଯାଇଛି । ଅନୀଲ ଅଗ୍ରୱାଲ ଫାଉଣ୍ଡେଶନ ପକ୍ଷରୁ ଆସନ୍ତା ୫ ବର୍ଷରେ ଏହି ଅନୁଦାନ ଯୋଗାଇ ଦିଆଯାଇଯିବ । ବେଦାନ୍ତ ସାମାଜିକ ଗୋଷ୍ଠୀ ସହିତ କମ୍ପାନୀର ବିକାଶକୁ ଗୁରୁତ୍ୱ ପ୍ରଦାନ କରିଥାଏ । ଅନୀଲ ଅଗ୍ରୱାଲ ଇତିମଧ୍ୟରେ ତାଙ୍କ ସମ୍ପତିର ୭୫ ପ୍ରତିଶତ ସମ୍ପତି ସାମାଜିକ ଏବଂ ଲୋକଙ୍କ ବିକାଶ କ୍ଷେତ୍ରରେ ଉପଯୋଗ କରିସାରିଛନ୍ତି ।

ସ୍ୱାସ୍ଥ ଗାଁ ଅଭିଯାନ ମେଗା ପ୍ରକଳ୍ପ ଅନ୍ତର୍ଗତ ସାମାଜିକ ଗୋଷ୍ଠୀର ରୋଗପ୍ରତିରୋଧକ ଶକ୍ତି ବୃଦ୍ଧି ସମ୍ପନ୍ନ ହେବ । କୋଭିଡ୍‌ର ପ୍ରଭାବ ହ୍ରାସ ପାଇଁ ବେଦାନ୍ତ ପକ୍ଷରୁ ଆବଶ୍ୟକ ସେବା ଜାତୀୟସ୍ତରରେ ଯୋଗାଇ ଦିଆଯିବ । ଏହାଦ୍ୱାରା ନିଯୁକ୍ତି ସୁଯୋଗ ବୃଦ୍ଧି, ଯୁବବର୍ଗଙ୍କ ଦକ୍ଷତା ବୃଦ୍ଧି, ସ୍ଥାୟିତ୍ୱ ବୃଦ୍ଧି ସମ୍ପନ୍ନ ହେବା ସହିତ ଭାରତର ଆର୍ଥିକ ବିକାଶ ସମ୍ଭବ ହୋଇପାରିବ । କେପିଏମ୍‌ଜି ଅନୀଲ ଅଗ୍ରୱାଲ ଫାଉଣ୍ଡେଶନର ଅଂଶୀଦାର ଭାବେ ଏହି କାର୍ଯ୍ୟକ୍ରମରେ ମିଳିତ ଭାବେ ସହାୟତା ଯୋଗାଇ ଦିଆଯିବ । ଏହି ଅବସରରେ ବେଦାନ୍ତ ଅଧ୍ୟକ୍ଷ ଅନୀଲ ଅଗ୍ରୱାଲ କହିଲେ, ଆମେ ଦୀର୍ଘସ୍ଥାୟୀ ଏବଂ ଅନ୍ତର୍ଭୁକ୍ତିକରଣ ବିକାଶ ଗ୍ରାମୀଣ ଅଂଚଳରେ କରାଇବା ଲକ୍ଷ୍ୟ ନେଇ ଏହି ପ୍ରୟାସ ଆରମ୍ଭ କରିଛୁ ।

ଏହା ସାମ୍ପ୍ରତିକ ସମୟର ଆବଶ୍ୟକତା । ସ୍ୱସ୍ଥ ଗାଁ ଅଭିଯାନ ମାଧ୍ୟମରେ ଗ୍ରାମୀଣ କ୍ଷେତ୍ରରେ ଆବଶ୍ୟକ ସ୍ୱାସ୍ଥ୍ୟସେବା ସମାଧାନ ୧୦୦୦ ଗାଁରେ ଯୋଗାଇ ଦେବାକୁ ସକ୍ଷମ ହେବ । ବେଦାନ୍ତର ନନ୍ଦଘର ଫ୍ଲାଗଶିପ୍ ପ୍ରକଳ୍ପ ସହାୟତାରେ ୭ କୋଟି ଶିଶୁ ଏବଂ ୨ କୋଟି ମହିଳାଙ୍କ ବିକାଶ ଲକ୍ଷ୍ୟ ରଖାଯାଇଛି । ଏହା ମାଧ୍ୟମରେ ଆବଶ୍ୟକ ସ୍ୱାସ୍ଥ୍ୟସେବାର ଭିତିଭୂମି ସାମାଜିକ କ୍ଷେତ୍ରରେ କରାଯିବାର ଲକ୍ଷ୍ୟ ରହିଛି । ଏହାଦ୍ୱାରା ବେଦାନ୍ତ ସବୁବେଳେ ସରକାର ଏବଂ ଦେଶର ଲୋକଙ୍କ ସହିତ ଏଭଳି ସଙ୍କଟ ଜନକ ପରିସ୍ଥିତିରେ ଛିଡ଼ା ହୋଇଛି । ଆମେ ବିଶ୍ୱାସ କରୁଛୁ ଯେ, ଏହି ଅତିରିକ୍ତ ଇନ‘୍ରାଷ୍ଟ୍ରକଚର ଖୁବ୍ ଶୀଘ୍ର ସ୍ଥାପନା କରାଯିବ । ଏହାଦ୍ୱାରା ଭୟଙ୍କର ମହାମାରୀ ଭୂତାଣୁ ସଂକ୍ରମଣରୁ ମୁକ୍ତି ମିଳିବାର ମାର୍ଗ ପ୍ରଶସ୍ତ ହୋଇପାରିବ । ଏହା ସହିତ ବେଦାନ୍ତ ପକ୍ଷରୁ ଆବଶ୍ୟକ ମେଡ଼ିକାଲ ଇକ୍ୟୁପ୍‌ମେଂଟସ୍ ଆମର ବୀର କରୋନା ଯୋଦ୍ଧା ପାଲଟିଥିବା ଡାକ୍ତର ଏବଂ ସ୍ୱାସ୍ଥ୍ୟକର୍ମୀଙ୍କୁ ଯୋଗାଇ ଦିଆଯିବ ।

ଏଭଳି ସଙ୍କଟ ସମୟରେ ଯାହା ଆବଶ୍ୟକ ଆମେ ତାହା ଯଥା ସମ୍ଭବ ଯୋଗାଇ ଦେବାର ପ୍ରୟାସ କରିବୁ । ସ୍ୱାସ୍ଥ୍ୟ ଗାଁ ଅଭିଯାନ ଦ୍ୱାରା ଅନୀଲ ଅଗ୍ରୱାଲ ଫାଉଣ୍ଡେଶନ ସହାୟତାରେ ଦେଶର ୧୨ ରାଜ୍ୟର ୨୪ ଜିଲ୍ଲା ଏବଂ ୧୦୦୦ ଗାଁରେ ଆବଶ୍ୟକ ସ୍ୱାସ୍ଥ୍ୟସେବା ଯୋଗାଇ ଦିଆଯିବ । ଏହାଦ୍ୱାରା ୨ ନିୟୁତ ଲୋକଙ୍କ ଜୀବନଜୀବିକାର ବିକାଶ ସମ୍ଭବ ହେବ । ଜିଲ୍ଲାସ୍ତରରେ ଅକ୍ସିଜେନ୍ ଜେନେରେଶନ୍ ପ୍ଲାଂଟ୍‌, ଟେଲିମେଡ଼ିସିନ୍ ସର୍ଭିସ୍‌, ମେଡ଼ିକାଲ ଅପଗ୍ରେଡ଼େଶନ୍‌, ଡାଇଗ୍ନୋଷ୍ଟିକ୍ ଇନଫ୍ରାଷ୍ଟ୍ରକଚର, ମୋବାଇଲ୍ ମେଡ଼ିକାଲ ଭ୍ୟାନ୍‌, ଆମ୍ବୁଲାନ୍ସ୍ ଆଦି ସୁବିଧା ଆଦି ଯୋଗାଇ ଦିଆଯିବ । ସେହିପରି ଅଭିଜ୍ଞ ଡାକ୍ତର ବିଭିନ୍ନ ଜିଲ୍ଲାସ୍ତରୀୟ ହସ୍ପିଟାଲରେ ନିଯୁକ୍ତ କରାଯିବ ।

କୋଭିଡ୍‌-୧୯ର ପ୍ରଭାବ ହ୍ରାସ ପାଇଁ ସ୍ୱସ୍ଥ ଗାଁ ଅଭିଯାନ ଅନ୍ତର୍ଗତ ପ୍ରମୁଖ ନିବେଶ ରାଜ୍ୟ ସରକାର ଏବଂ ଜିଲ୍ଲାର ମିଳିତ ସହଯୋଗରେ କରାଯାଇ ଆବଶ୍ୟକ ସୁରକ୍ଷା ଏବଂ ସ୍ୱାସ୍ଥ୍ୟସେବା ସାମାଜିକସ୍ତରରେ ଉପଲବ୍ଧ କରାଯିବ । ସେହିପରି ଟିକାକରଣ ଅଭିଯାନ ସ୍ୱତନ୍ତ୍ର ମେଡ଼ିକାଲ ଶିବିର ଦ୍ୱାରା ଦୁର୍ଗମ ଅଂଚଳରେ ସମ୍ପନ୍ନ ହେବ । ଏହା ସହିତ ଜିଲ୍ଲା ହସ୍ପିଟାଲ ଏବଂ ସ୍ୱାସ୍ଥ୍ୟ ସେବା କେନ୍ଦ୍ରରେ ଗୁଣବତା ଚିକିତ୍ସା ଯୋଗାଇ ଦିଆଯିବ । ପଶୁ କଲ୍ୟାଣ ଯୋଜନା ଅନ୍ତର୍ଗତ ଅନୀଲ ଅଗ୍ରୱାଲ ଫାଉଣ୍ଡେଶନ ପକ୍ଷରୁ ଗୁହାଳ ସ୍ଥାପନ କରାଯିବ । ଫ୍ଲାଗ୍‌ଶିପ୍ ପ୍ରକଳ୍ପ ନନ୍ଦଘର ମାଧ୍ୟମରେ ମହିଳା ଏବଂ ଶିଶୁ ବିକାଶ କାର୍ଯ୍ୟକ୍ରମ ଦ୍ୱାରା ୭ କୋଟି ଶିଶୁ ଏବଂ ୨ କୋଟି ମହିଳାଙ୍କ ବିକାଶ ସମ୍ଭବ ହେବ । ୫୦୦୦ କୋଟି ଟଙ୍କାର ନିବେଶ କରାଯିବା ପାଇଁ ଏକ ରୋଡ୍ ମ୍ୟାପ୍‌ ପ୍ରସ୍ତୁତ କରାଯାଇ ଅନୀଲ ଅଗ୍ରୱାଲ ଫାଉଣ୍ଡେଶନ ଏବଂ ବେଦାନ୍ତର ମିଳିତ ଊଦ୍ୟମରେ ଭାରତର ଗ୍ରାମୀଣ ଅଂଚଳର ସାମାଜିକସ୍ତରରେ ଆତ୍ମନିର୍ଭର ଗୋଷ୍ଠୀ ସୃଷ୍ଟି କରାଯିବ ।

ଅନୀଲ ଅଗ୍ରୱାଲ ଫାଉଣ୍ଡେଶନ ପକ୍ଷରୁ ୫,୦୦୦ କୋଟି ଟଙ୍କାର ଆର୍ଥିକ ସହାୟତା

\

t

]\

a