୪ ମନ୍ଦିରର ଦାନହୁଣ୍ଡି ଭାଙ୍ଗି ଲକ୍ଷାଧିକ ଟଙ୍କା ଲୁଟିଲେ ଦୃର୍ବୁତ୍ତ

ଓଡ଼ିଶା ତାଜା ନ୍ୟୁଜ (୨୮ ଜୁନ ସୋମବାର ) ହିଞ୍ଜିଳିକାଟୁ :-  ରବିବାର ବିଳମ୍ବିତ ରାତିରେ ହିଞ୍ଜିଳି ଥାନା ପିତଳ ଗ୍ରାମର ୪ଟି ମନ୍ଦିରର ଦାନ ହୁଣ୍ଡି ଭାଙ୍ଗି ଦୃର୍ବୁତ୍ତ ମାନେ ଲକ୍ଷାଧିକ ଟଙ୍କା ଲୁଟ୍ କରି ଘଟଣା ସ୍ଥଳରୁ ଚମ୍ପଟ ମାରିବା ରେ ସକ୍ଷମ ହୋଇଛନ୍ତି । ମିଳିଥିବା ସୂଚନା ଅନୁଯାୟୀ, ରବିବାର ରାତିରେ ସଂପୃକ୍ତ ଗ୍ରାମର ଉତ୍ତରେଶ୍ବର ମନ୍ଦିର, ୨ଟି ଗ୍ରାମଦେବତୀ ମନ୍ଦିର ଓ ରଙ୍ଗଣି ସାହି ଠାକୁରାଣୀ ମନ୍ଦିରର ପୂଜକ ମାନେ ନୀତିକାନ୍ତି ଶେଷ କରି ମନ୍ଦିର ମୁଖ୍ୟ ଦ୍ବାରରେ ତାଲା ପକାଇ ଚାଲି ଯାଇଥିଲେ ।

ବିଳମ୍ବିତ ରାତିରେ ଦୃର୍ବୁତ୍ତ ମାନେ ସଂପୃକ୍ତ ମନ୍ଦିର ଭିତରେ ପଶି ଦାନହୁଣ୍ଡି ଭାଙ୍ଗି ହୁଣ୍ଡିରୁ ପ୍ରାୟ ଲକ୍ଷାଧିକ ଟଙ୍କା ଲୁଟ କରି ନେଇଥିବା ଜଣାପଡିଛି । ଚୋରୀ ଘଟଣା ନେଇ ସୋମବାର ଦିନ ମନ୍ଦିର ପରିଚାଳନା ଓ ଗ୍ରାମ୍ୟ କମିଟି ହିଞ୍ଜିଳି ଥାନାରେ ଅଭିଯୋଗ କରିଥିବା ଜଣାପଡିଛି । ଖବର ଲେଖା ହେବା ସୁଦ୍ଧା ଏ ନେଇ ହିଞ୍ଜିଳି ପୁଲିସ ଘଟଣାସ୍ଥଳରେ ପହଞ୍ଚି ନଥିବା ଗ୍ରାମବାସୀଙ୍କ ପକ୍ଷରୁ ଜଣାପଡିଛି । ତେବେ ଘଟଣା ନେଇ ହିଞ୍ଜିଳି ପୁଲିସ ଅବଗତ ନଥିବା ଥାନା ଭାରପ୍ରାପ୍ତ ଅଧିକାରୀ ଅଭିମନ୍ୟୁ ଦାସ କହିଛନ୍ତି ।    ( ରିପୋର୍ଟ : ଶୁସାନ୍ତ ପ୍ରଧାନ )