ତାଳବରକୋଟ ଗ୍ରାମରେ ଚଡକ ଜଣେ ମୃତ, ୪ ଗୁରୁତର, ଢେଙ୍କାନାଳ

ତାଜା ନ୍ୟୁଜ (୨୪ ଜୁନ୍‌ ଗୁରୁବାର ) ଢେଙ୍କାନାଳ :- ଆଜି ଅପରାହ୍ନରେ ଅକାଳ ବିଜୁଳି ଚଡକରେ ଚାଲିଗଲା ଜଣଙ୍କ ଜୀବନ ଏବଂ ୪ ଜଣ ଗୁରୁତର। ଏଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ଜିଲ୍ଲା ସଦର ମହକୁମା ତାଳବରକୋଟ୍ ଗ୍ରାମରେ । ସୂଚନା ମୁତାବକ, କିଛି ଦିନ ଧରି ଗ୍ରାମରେ ଏକ ଚେକ୍ ତ୍ୟାମ୍ ନିର୍ମାଣ କାର୍ଯ୍ୟ ଚାଲୁ ରହିଥିଲା । ତେବେ ଆଜି ଏହି ନିର୍ମାଣ କାର୍ଯ୍ୟ ଚାଲୁଥିବା ବେଳେ ଅପରାହ୍ନ ସମୟରେ ବର୍ଷା ସାଂଗକୁ ବିଜୁଳି ଘଡଘଡି ଆସିଥିଲା ।

ଫଳରେ ଅକାଳ ବିଜୁଳି ଚଡକରେ ଘଟଣାସ୍ଥଳରେ ଜଣଙ୍କର ମୃତ୍ୟୁ ଘଟିଥିବା ବେଳେ ୪ ଜଣ ଶ୍ରମିକ ଗୁରୁତର ହୋଇପଡିଥିଲେ । ସଂଗେସଂଗେ ଗୁରୁତରଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ପଠାଇ ଦିଆଯାଇଥିବା ବେଳେ ମୃତ ବ୍ୟକ୍ତି ଜଣଙ୍କ ଆଠଗଡ଼ ଅଧିନ ଅଚଳକୋଟ ଗ୍ରାମର ବୋଲି ଜଣାପଡ଼ିଛି। (ରିପୋର୍ଟ୍, ଅମର ରଞ୍ଜନ ଦାସ) ଢେଙ୍କାନାଳ