ବଣୁଆ ହାତୀଙ୍କ ଆକ୍ରମଣରେ ଜଣେ ମୃତ

ଓଡ଼ିଶା ତାଜା ନ୍ୟୁଜ (୨୨ ଜୁନ ମଙ୍ଗଳବାର) କଳାହାଣ୍ଡି :- ଲାଞ୍ଜିଗଡ଼ ନିୟମଗିରି ପର୍ବତର ପାଦଦେଶରେ ଥିବା ଡେଙ୍ଗସରଗି ଗ୍ରାମର ଜଣେ ବୃଦ୍ଧଙ୍କୁ ବଣୁଆ ହାତୀ ଦଳି ମାରିଦେଇଛି । ଖବର ଅନୁଯାୟୀ ନିୟମଗିରି ପର୍ବତରୁ ପ୍ରାୟ ୧୦ ରୁ ୧୫ ଗୋଟି ହାତୀ ପାହାଡ଼ ପାଦଦେଶରେ ବିଚରଣ କରୁଥିଲେ । ଏହି ସମୟରେ ଡେଙ୍ଗସରଗି ଗ୍ରାମର ରାଇ ମାଝୀ ଶୈ।ଚ ପାଇ ବାହାରିଥିଲେ ।  ହାତୀପଲ ସମ୍ମୁଖରେ ବୃଦ୍ଧ ଜଣକ ପଡିଯିବାରୁ ହାତୀ ପାଦରେ ଦଳି ମାରିଦେଇଥିବା ଜଣାଯାଏ ।

ଖବର ପାଇ ଲାଞ୍ଜିଗଡ଼ ପୋଲିସ ଏଏସ୍ଆଇ ରମାରମଣ ମିଶ୍ର, ବିଶ୍ଵନାଥପୁର ରେଞ୍ଜର ଲକ୍ଷ୍ୟ ମହାନନ୍ଦ, ଲାଞ୍ଜିଗଡ଼ ବନପାଳ ବୃଷବ ଵେଶ୍ରା, ଦକ୍ଷିଣ ବନଖଣ୍ଡ ଏସିଏଫ୍ ଅନୀଲ ରାୟ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିଲେ ।  ମୃତକଙ୍କ ପରିବାରକୁ ମୃତ ବ୍ୟକ୍ତିଙ୍କ ଶୁଦ୍ଧିକ୍ରିୟା ବାବଦରେ ୫ ହଜାର ଟଙ୍କା ରେଞ୍ଜର ଶ୍ରୀ ମହାନନ୍ଦ ନିଜ ତରଫରୁ ପ୍ରଦାନ କରିଥିଲେ । (ରିପୋର୍ଟ ପ୍ରଦୀପ କୁମାର ଗଉଡ କଳାହାଣ୍ଡି ବ୍ୟୁରୋ ଚିଫ)