ହିଞ୍ଜିଳିକାଟୁ ରେ ଆରମ୍ଭ ହେଲା ୧୮ ଵର୍ଷରୁ ୪୪ ବର୍ଷ ବ୍ୟକ୍ତିଙ୍କ ଟୀକାକରଣ ଅଭିଯାନ

ଓଡ଼ିଶା ତାଜା ନ୍ୟୁଜ (୨୦ ଜୁନ୍ ,ରବିବାର ) ହିଞ୍ଜିଳିକାଟୁ :- ଦେଶରେ ନୁଆ ଟୀକାକରଣ ନୀତି ଅନୁସାରେ ହିଞ୍ଜିଳିକାଟୁ ପୌରପରିଷଦ ଅଞ୍ଚଳରେ ସୋମବାର ଦିନ ଆରମ୍ଭ ହୋଇଛି ୧୮ ବର୍ଷରୁ ୪୪ ବର୍ଷ ବ୍ୟକ୍ତିଙ୍କ କରୋନା ଟୀକାକରଣ ଅଭିଯାନ । ୪୫ରୁ ଉର୍ଦ୍ଧ୍ୱ ବ୍ୟକ୍ତିଙ୍କ ଟୀକାକରଣ ଜାରି ରହିଥିବା ବେଳେ ୧୮-୪୪ ବର୍ଷ ବୟସ୍କ ବ୍ୟକ୍ତିଙ୍କୁ ଟୀକାକରଣରେ ସାମିଲ କରିବା ପାଇଁ ବିଭିନ୍ନ ସଙ୍ଗଠନ ପକ୍ଷରୁ ଦାବି ହୋଇ ଆସୁଥିଲା । ସୋମବାର ଠାରୁ ୧୮ ବର୍ଷରୁ ୪୪ ବର୍ଷୀୟ ବ୍ୟକ୍ତିବିଶେଷଙ୍କ ପାଇଁ ସହରର ୨ଟି ସ୍ଥାନକୁ ଟୀକାକରଣ କେନ୍ଦ୍ରରେ ରୂପେ ଚିହ୍ନଟ କରାଯାଇ ଟୀକାକରଣ କରାଯାଇଥିଲା । ପୂର୍ବରୁ ଯେଉଁମାନେ ଟୀକାକରଣ ପାଇଁ ପଞ୍ଜିକରଣ କରିଥିବେ ସେମାନଙ୍କୁ ଏହି କେନ୍ଦ୍ରକୁ ସମୟ ନିର୍ଘଣ୍ଟ ସ୍ଥିର କରିି ଡ଼କାଯାଇ୧୮ ରୁ ୪୪ବର୍ଷ ଲୋକଙ୍କୁ ଟୀକା ଦିଆଯାଇଥିଲା ।ପୁର୍ବ ନିର୍ଦ୍ଧାରିତ ସ୍ଥାନ ଅନୁଯାୟୀ ସ୍ଥାନୀୟ ପୈାରାଞ୍ଚଳ ବିଜୁ ପଟ୍ଟନାୟକ କଲ୍ୟାଣ ମଣ୍ଡପ ପରିସରରେ ୪୫ ବର୍ଷରୁ ଉର୍ଦ୍ଧ୍ୱ ବ୍ୟକ୍ତିଙ୍କୁ ଟୀକା ଦିଆଯାଇଛି । ବିଜୁ ପଟ୍ଟନାୟକ କଲ୍ୟାଣ ମଣ୍ଡପ ପରିସରରେ ୧୦୪ ଜଣ ଟିକା ଗ୍ରହଣ କରିଥିଲେ । ସେହିପରି ସ୍ଥାନୀୟ ପୈାରାଞ୍ଚଳ ବୃନ୍ଦାବନ ବିଦ୍ୟାପୀଠ ମିନି ଷ୍ଟାଡିୟମ ପରିସରସ୍ଥ ବରିଷ୍ଠ ନାଗରିକ ଚିତ୍ତ ବିନୋଦନ କେନ୍ଦ୍ର ରେ ୧୧୨ ଜଣ ଟିକାଡ୍ରାଇଭ୍ ଇନ୍ ଭେକ୍‌ସିନେସନ ବା ଲୋକେ ନିଜ ଗାଡ଼ିରେ ଆସି ଟୀକା ନେଇଥିଲେ । ଯାହାଫଳରେ ଭିଡ଼ କମ୍ ରହିବା ସହ ସାମାଜିକ ଦୂରତା ବଜାୟ ରହିଥିଲା । ଟୀକାକରଣ କେନ୍ଦ୍ରଗୁଡ଼ିକରେ ସମସ୍ତ ପ୍ରକାର ଆନୁସଙ୍ଗିକ ବ୍ୟବସ୍ଥା ମଧ୍ୟ ହୋଇଥିଲା । ସକାଳ ୮ ରୁ ୧ ଘଣ୍ଟା ମଧ୍ୟରେ ୧୮ ବର୍ଷରୁ ଉର୍ଦ୍ଧ୍ୱ ୨୫୦ ଲୋକ ଟୀକା ଦିଆଯିବାକୁ ମେସେଜ୍ ଯାଇଥିବାବେଳ ୨୧୬ ବ୍ୟକ୍ତିବିଶେଷ ଟୀକା ନେଇଛନ୍ତି । । ଵିଜୁ ପଟ୍ଟନାୟକ କଲ୍ୟାଣ ମଣ୍ଡପ ପରିସରରେ ଦ୍ୱିତୀୟ ଡ଼ୋଜ୍ ନେବାକୁ ଥିବା ଲୋକଙ୍କୁ ପ୍ରାଥମିକତା ଦିଆଯାଇଥିଲା ।

ହିଞ୍ଜିଳିକାଟୁ ପୈାର ପ୍ରଶାସନ ତରଫରୁ ରବିବାର ଦିନ ସହରରେ ଏ ନେଇ ଜନସାଧାରଣଙ୍କ ଅବଗତି ନିମନ୍ତେ ଡାକବାଜି ଯନ୍ତ୍ର ସାହାଯ୍ୟରେ ପ୍ରଚାର ପ୍ରସାର କରାଯାଇଥିଲା। ଟିକା କରଣ ପାଇଁ ପୂର୍ବରୁ ଅନଲାଇନ ପଞ୍ଜିକରଣ କରି ନିର୍ଦ୍ଦିଷ୍ଟ କେନ୍ଦ୍ରକୁ ନିର୍ଧାରିତ ସମୟରେ ପହଞ୍ଚିବାକୁ ପରାମର୍ଶ ଦେଇଥିଲେ। ଆସନ୍ତା ଦିନ ପାଇଁ ଟୀକା ନେବାକୁ ଥିବା ସ୍ଲଟ୍ ଖୋଲିଥିବା ଜଣାପଡ଼ିଛି । ଯେଉଁମାନେ ଆବେଦନ କରିଥିବେ ସେମାନେ ନିଜ ନିଜ ଘର ନିକଟସ୍ଥ ଟୀକାକରଣ କେନ୍ଦ୍ରର ନାମ ଦେଇ ନିଜର ସୁବିଧା ଅନୁସାରେ ସମୟ ଓ ତାରିଖ ଜାଣିପାରିବେ ବୋଲି ହିଞିଳି ପୌର କାର୍ଯ୍ୟ ନିର୍ବାହୀ ଅଧୀକାରୀ ଡଃ ମନୋରଞ୍ଜନ ସାହୁଙ୍କ ପକ୍ଷରୁ ସୂଚନା ମିଳିଛି । ଅନ୍ୟପକ୍ଷରେ ଅନେକ ଲୋକ ଇଣ୍ଟରନେଟ ଵ୍ୟଵହାର ପାଇଁ ଅସମର୍ଥ ହେବାରୁ ପଞ୍ଜିକରଣ ରୁ ବଞ୍ଚିତ ହୋଇଥିବା ନେଇ ଅଭିଯୋଗ କରିଛନ୍ତି। ଜିଲ୍ଲା ପ୍ରଶାସନ ଏ ନେଇ ଆବଶ୍ୟକ ପଦକ୍ଷେପ ଗ୍ରହଣ କରି ପଞ୍ଜିକରଣରୁ ବଞ୍ଚିତ ହୋଇଥିବା ଲୋକଙ୍କୁ ଟିକା ଦେବାକୁ ସିଧାସଳଖ କେନ୍ଦ୍ରରେ ଆଧାର ପରିଚୟ ପତ୍ର ଦାଖଲ କରି ଟିକା ଦେବାକୁ ବ୍ୟବସ୍ଥା କାର୍ଯ୍ୟକାରୀ କରିବାକୁ ସାଧାରଣରେ ଦାବି ହେଉଛି । ଟିକାକରଣ କେନ୍ଦ୍ରରେ ସ୍ବାସ୍ଥ୍ୟ ବିଭାଗ ପକ୍ଷରୁ ଝିଲ୍ଲି କୁମାରୀ ବେହେରା , ଆଲୋକ ପୁରୋହିତ, ହରିହର ଚୈଧୁରୀ, ରୀତୁ ସ୍ଵାଈଁ, ଜ୍ୟୋତି ବାଡତ୍ୟା, ପୈାର ପରିଷଦ ପକ୍ଷରୁ ବିଵେକାନନ୍ଦ ମହାପାତ୍ର ,ଇ କିଶାନ କୁମାର ପାତ୍ର, ସୁଶାନ୍ତ ଵେହେରା, କିରଣ ନାହାକ ପ୍ରମୁଖ ଉପସ୍ଥିତ ଥିଲେ । ( ରିପୋର୍ଟ : ଶୁସାନ୍ତ ପ୍ରଧାନ )