ରାହୁଲ ଗାନ୍ଧୀଙ୍କ ଜନ୍ମ ଦିନ ଅବସରରେ ଯୁବ କଂଗ୍ରେସ ପକ୍ଷରୁ ଶୁଖିଲା ଖାଦ୍ୟ ଓ ମାସ୍କ ବଣ୍ଟନ

ଓଡ଼ିଶା ତାଜା ନ୍ୟୁଜ ( ୧୯ ଜୁନ ଶନିବାର )ହିଞ୍ଜିଳିକାଟୁ :- ସର୍ବଭାରତୀୟ କଂଗ୍ରେସ କମିଟିର ପୂର୍ବତନ ସଭାପତି ରାହୁଲ ଗାନ୍ଧୀଙ୍କ ୫୧ ତମ ଜନ୍ମଦିନ ପାଳନ ଅବସରରେ ରାଜ୍ୟ ମୁଖିଆଙ୍କ ଗଡ଼ ହିଞ୍ଜିଳିକାଟୁ ପୈାରାଞ୍ଚଳ ଯୁବ କଂଗ୍ରେସ ପକ୍ଷରୁ ହିଞ୍ଜିଳିକାଟୁ ଉପଖଣ୍ଡ ଚିକିତ୍ସାଳୟରେ ଚିକିତ୍ସିତ ହେଉଥିବା ରୋଗୀ ମାନଙ୍କୁ ଶୁଖିଲା ଖାଦ୍ୟ ଓ ପାଚିଲା ଫଳ ବଣ୍ଟନ କରାଯାଇଥିଲା । ମହାମାରୀ କରୋନା ଭୁତାଣୁ ସଂକ୍ରମଣ ଯୋଗୁଁ ଚଳିତବର୍ଷ ଗାନ୍ଧୀ ନିଜ ଜନ୍ମ ଦିନ ପାଳନ ନକରିବାକୁ ନିଷ୍ପତ୍ତି ଗ୍ରହଣ କରିଛନ୍ତି । ଏହି ପରିପ୍ରେକ୍ଷୀରେ ରାଷ୍ଟ୍ରୀୟ ସ୍ତରରେ ନିଷ୍ପତ୍ତି ଅନୁସାରେ ଚଳିତ ବର୍ଷ କୈାଣସି ଆଡ଼ମ୍ବରପୂର୍ଣ୍ଣ କାର୍ଯ୍ୟକ୍ରମ ନକରି ଦଳର ପ୍ରଥାନୁଯାୟୀ ଜନତାଙ୍କ ସେବା କରିବା ସହ

ଅସହାୟ ଗରିବ ଲୋକଙ୍କୁ ସେବା ଓ ସହାୟତା ପ୍ରଦାନ କରିବା ପାଇଁ ନିଷ୍ପତ୍ତି ଗ୍ରହଣ କରାଯାଇଥିଲା । ରାଜ୍ୟ ଯୁବ କଂଗ୍ରେସ ସଭାପତି ଡ଼ଃ ସ୍ମୃତି ରଞ୍ଜନ ଲେଙ୍କା ଓ ଆସିକା ଲୋକସଭା ଆସନ ଯୁବ କଂଗ୍ରେସ ସଭାପତି ଚିନ୍ମୟ କୁମାର ହୋତାଙ୍କ ନିର୍ଦ୍ଦେଶନାରେ ହିଞ୍ଜିଳିକାଟୁ ପୈାରାଞ୍ଚଳ ଯୁବ କଂଗ୍ରେସ ପକ୍ଷରୁ ଦଳୀୟ କର୍ମୀ ମାନେ ସ୍ଥାନୀୟ ଉପଖଣ୍ଡ ଚିକିତ୍ସାଳୟରେ ପହଞ୍ଚି ଚିକିତ୍ସିତ ହେଉଥିବା ରୋଗୀ ଓ ସହାୟକ ମାନଙ୍କୁ କ୍ଷୀର, ରୁଟି, ବିସ୍କୁଟ, ପାଚିଲା ଫଳ ଓ ମାସ୍କ ବଣ୍ଟନ କରିଥିଲେ । ସ୍ଥାନୀୟ ପୌରାଞ୍ଚଳ ଯୁବ କଂଗ୍ରେସ ନେତା କହ୍ନେୟାଲାଲ ସାବତଙ୍କ ତତ୍ବାବଧାନରେ ମନୋଜ କୁମାର ଗଉଡ, ପବିତ୍ର ସେଠି, ସାଗର ଦାସ, ରାଜେଶ ସେଠି, ଛାତ୍ର ନେତା ଚନ୍ଦନ କୁମାର ପାଢି, ଶ୍ରୀକାନ୍ତ, ବଣ୍ଟି ବିଶ୍ବାଳ ଓ ବହୁ ଦଳୀୟ ଯୁବ ନେତା ଉପସ୍ଥିତ ଥିଲେ ।  ( ରିପୋର୍ଟ ଶୁସାନ୍ତ ପ୍ରଧାନ )