କାମ ନିମ୍ନମାନର , ସାଧାରଣରେ ବଢୁଛି ଜନ ଅସନ୍ତୋଷ – ଢେଙ୍କାନାଳ

ଓଡ଼ିଶା ତାଜା ନ୍ୟୁଜ (୧୮ ଜୁନ୍ , ଶୁକ୍ରବାର ) ଢେଙ୍କାନାଳ :- ଜିଲ୍ଲା କାମାକ୍ଷାନଗର ବ୍ଲକର ତୁମୁଁସିଙ୍ଗା ପଞ୍ଚାୟତର ମନରେଗା କାମ ନିମ୍ନ ମାନର ହେଉଥିବା ଦେଖିବାକୁ ମିଳିଛି। ଏହି ପଞ୍ଚାୟତର ଖୁଦଖାଇ ନୂଆବନ୍ଧର ପୁନରୁଦ୍ଧାର ପାଇଁ ୨୦୧୯-୨୦ ଆର୍ଥିକ ବର୍ଷରେ ୯,୦୦,୦୦୦ ଟଙ୍କା ବ୍ୟୟ ବରାଦ ହୋଇଥିଲା। ଏହି ଟଙ୍କାରେ ପୋଖରୀ ଖନନ ଓ ବନ୍ଧହୁଡାର ପ୍ରାଚୀର ନିର୍ମାଣ ହେବା କଥା।ପୋଖରୀର ମାଟି କାମ ମେସିନ ସହାୟତାରେ ହୋଇଥିଲା ବେଳେ ଏବେ ପ୍ରାଚୀର କାମ ଚାଲିଛି ।

ପ୍ରାଚୀର ଫାଉଣ୍ଡେସନ ମେଟାଲିଙ୍ଗ ସଠିକ ଭାବେ ହେଉ ନଥିବା ଦେଖିବାକୁ ମିଳିଛି। ମେଟାଲ ପରିବର୍ତ୍ତେ ମାଙ୍କଡ଼ା ପଥର ଢିମା ପକାଇ କାନ୍ଥ ନିର୍ମାଣ କାର୍ଯ୍ୟ ଚାଲିଛି। । କାମ ଯେପରି ଢଙ୍ଗ ରେ ହେଉଛି ତାର ସ୍ଥାୟୀତ୍ବ ଉପରେ ପ୍ରଶ୍ନବାଚୀ ସୃଷ୍ଟି କରିଛି।ତେବେ କାମ ଚାଲିବା ବେଳେ କୌଣସି ଯନ୍ତ୍ରୀ ଏହାର ତଦାରଖ କରୁନଥିବା ହେତୁ କାମ ନିମ୍ନ ମାନର ହେଉଛି, ତେଣୁ ଆପତ୍ତି ଉଠାଇଛନ୍ତି ସ୍ଥାନୀୟ ଜନସାଧାରଣ । ଏହାର ପୁଙ୍ଖନୁପୁଙ୍ଖ ତଦନ୍ତ ହେବା ପାଇଁ ସାଧାରଣ ରେ ଦାବି ହେଉଛି । ( ରିପୋର୍ଟ – ଅମର ରଞ୍ଜନ ଦାସ )