ଦୋକାନ କବାଟ ତାଡ଼ି ଲୁଟ୍ ଘଟଣା : ଜଣେ ଗିରଫ, ଚୋରୀ ଟଙ୍କା ଉଦ୍ଧାର

ଓଡ଼ିଶା ତାଜା ନ୍ୟୁଜ୍ (୧୬ ଜୁନ୍‌ ବୁଧବାର ) ହିଞ୍ଜିଳିକାଟୁ :- ହିଞ୍ଜିଳି ଥାନା ଆଡ଼ପଡ଼ା ଗ୍ରାମରେ ରବିବାର ବିଳମ୍ବିତ ରାତିରେ ଜଣେ ଦୁବୃର୍ତ ସଂପୃକ୍ତ ଗ୍ରାମ ଡ଼ାକ୍ତରଖାନା ନିକଟରେ ଥିବା ଏକ ଔଷଧ ଦୋକାନ କବାଟ ଭାଙ୍ଗି ଦୋକାନରୁ ପ୍ରାୟ ୧୭ ହଜାର ଟଙ୍କା ଲୁଟି ନେଇ ଫେରାର ହୋଇ ଯାଇଥିଲା । ଘଟଣାର ୨ ଦିନ ପରେ ହିଞ୍ଜିଳି ପୁଲିସ ଘଟଣାର ତଦନ୍ତ କରି ଚୋରୀ କରିଥିବା ଯୁବକଙ୍କୁ ଗିରଫ କରିବା ସହ ତା’ ନିକଟରୁ ଚୋରୀ ହୋଇଥିବା ୧୭ ହଜାର ଟଙ୍କା ଉଦ୍ଧାର କରାଯାଇଛି । ଗିରଫ ଯୁବକ ଜଣକ ଆଡ଼ପଡ଼ା ଗ୍ରାମର ସନ୍ତୋଷ ପ୍ରଧାନ (୩୫) । ଏ ନେଇ ହିଞ୍ଜିଳି ଥାନାରେ ନଂ- ୩୧୧/୨୧ରେ ଏକ ମାମଲା ରୁଜୁ କରି ସଂପୃକ୍ତ ଯୁବକଙ୍କୁ କୋର୍ଟ ଚାଲାଣ କରାଯାଇଥିବା ଥାନା ଭାରପ୍ରାପ୍ତ ଅଧିକାରୀ ଅଭିମନ୍ୟୁ ଦାସଙ୍କ ସୁତ୍ରରୁ ପ୍ରକାଶ ।

ପ୍ରକାଶ ଯେ, ହିଞ୍ଜିଳି ଥାନା ତଥା ଆଡ଼ପଡ଼ା ଫାଣ୍ଡି ନିକଟସ୍ଥ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ପରିସରରେ ଅବସ୍ଥାପିତ ସନ୍ଦିପ ସୁବୁଦ୍ଧିଙ୍କ ସନ୍ଦିପ ମେଡ଼ିକାଲ ଷ୍ଟୋର ରହିଛି । ରବିବାର ବିଳମ୍ବିତ ରାତିରେ ଦୋକାନୀ ମାଲିକ ଦୋକାନ ବନ୍ଦ କରି ଘରକୁ ଫେରିଥିଲେ । ସୋମବାର ସକାଳୁ ଦୋକାନ ଖୋଲିବାକୁ ଯିବା ସମୟରେ ଦୋକାନ କବାଟ ଭଙ୍ଗା ଯାଇଥିବା ଦେଖିବା ସହ ଦୋକାନରେ ଥିବା ୧୭ ହଜାର ଟଙ୍କା ଚୋରୀ ହୋଇ ଯାଇଥିଲା । ଏ ନେଇ ଦୋକାନୀ ମାଲିକ ସୋମବାର ସକାଳେ ହିଞ୍ଜିଳି ଥାନାରେ ଅଭିଯୋଗ କରିଥିଲେ । ଅଭିଯୋଗ ଭିତିରେ ହିଞ୍ଜିଳି ଥାନାରେ ନଂ- ୩୧୧/୨୧ରେ ଏକ ମାମଲା ରୁଜୁ କରି ଆଡ଼ପଡ଼ା ଫାଣ୍ଡି ଅଧିକାରୀ ରାଜନ ବିଷୋୟୀ ଘଟଣାର ତଦନ୍ତ ଚଳାଇଥିଲେ । ବୁଧବାର ସକାଳେ ପୁଲିସ ସନ୍ଦେହ କରି ସଂପୃକ୍ତ ଗ୍ରାମର ସନ୍ତୋଷଙ୍‌କୁ ଥାନାକୁ ଆଣି ପଚରା ଉଚୁରା କରିବା ସମୟରେ ଚୋରୀ କରିଥିବା ନେଇ ସମ୍ମତି ପ୍ରକାଶ କରିଥିଲେ ବୋଲି ଥାନା ଆଇଆଇସି ଦାସ କହିଛନ୍ତି ।( ରିପୋର୍ଟ ଶୁସାନ୍ତ ପ୍ରଧାନ )