ପ୍ରଶାସନ ଚୁପ୍, ଯୁବ ଗୋଷ୍ଠୀ ଗାଁ ରାସ୍ତା ମରାମତି କଲେ

ଓଡ଼ିଶା ତାଜା ନ୍ୟୁଜ୍ (୧୩ ଜୁନ୍ ,ରବିବାର ) କଳାହାଣ୍ଡି :- ବଣ ପାହାଡ ଘେରା ଲାଞ୍ଜିଗଡ଼ ବ୍ଲକ ବିଜେପୁର ପଞ୍ଚାୟତରେ ରହିଛି ଦାନାରିଗୁଡା ଗାଁ। ଏହି ଗାଁର ରାସ୍ତା ଦୀର୍ଘ ଦିନରୁ ଯାତାୟତ ପାଇଁ ଘୋର ଅସୁବିଧା ସୃଷ୍ଟି କରୁଥିଲା। ରାସ୍ତା ଖରାପ ଯୋଗୁଁ ଗତ ୧ ତାରିଖ ଦିନ ଏହି ରାସ୍ତାର ଏକ ଘାଟି ନିକଟରେ ଏକ ମାଲ୍ ବୋଝେଇ ପିକ୍ଅପ ଭ୍ୟାନ ଓଲଟି ଗାଡ଼ି ଚାଲକ ଦେବ କୁଆଁରଙ୍କ ମୃତ୍ୟୁ ହୋଇଥିଲା।

ଏହି ରାସ୍ତା ନିର୍ମାଣକୁ ନେଇ ଗାଁ ଲୋକେ ବାରମ୍ବାର ସ୍ଥାନୀୟ ପ୍ରଶାସନ ଓ ନିର୍ବାଚନ ପ୍ରତିନିଧିଙ୍କୁ ଜଣାଇଥିଲେ। ହେଲେ ଫଳାଫଳ ଶୂନ। ତେଣୁ ଗାଁ ଲୋକେ ପ୍ରଶାସନକୁ ଅପେକ୍ଷା ନ କରି ଗାଁର ଯୁବକ ମାନେ ରାସ୍ତା ମରାମତି ପାଇଁ ଆଗେଇ ଆସିଲେ। ଖାଲଖମାରେ ଭର୍ତ୍ତି ରାସ୍ତାରେ ମାଟି ପକାଇ ସମତଳ କରି ସମସ୍ତଙ୍କ ପାଇଁ ଉଦାହରଣ ସୃଷ୍ଟି କରିଛନ୍ତି।                  ରିପୋର୍ଟ ପ୍ରଦୀପ କୁମାର ଗଉଡ, କଳାହାଣ୍ଡି ବ୍ୟୁରୋ ଚିଫ)