ଲେଙ୍କାଖାଲି ଚୋରୀ ଘଟଣାର ଫର୍ଦ୍ଦାଫାସ ୨୧ଭରି ଓଜନର ସୁନା ଅଳଙ୍କାର ଜବତ, ୪ ଗିରଫ

ଓଡ଼ିଶା ତାଜା ନ୍ୟୁଜ୍ (୧୨ ଜୁନ ଶନିବାର ) ହିଞ୍ଜିଳିକାଟୁ :- ଗତ ୭ ତାରିଖ ବିଳମ୍ବିତ ରାତିରେ ଗଞ୍ଜାମ ଜିଲ୍ଲା ହିଞ୍ଜିଳି ଥାନା ଲେଙ୍କାଖାଲି ଗ୍ରାମରେ ଘଟିଥିବା ଚୋରୀ ଘଟଣାରେ ହିଞ୍ଜିଳି ପୁଲିସକୁ ମିଳିଛି ସଫଳତା । ଘଟଣାର ୪୮ ଘଂଟା ମଧ୍ୟରେ ଚୋରି ହୋଇଥିବା ପ୍ରାୟ ୨୧ ଭରି ଓଜନର ସୁନା ଅଳଙ୍କାରକୁ ଜବତ କରିବା ସହ ଚୋରୀ କରିଥିବା ୩ ଲୁଟେରାଙ୍କ ସମେତ ଚୋରୀ ସୁନା କିଣିଥିବା ଅଭିଯୋଗରେ ଜଣେ ଯୁବକଙ୍କୁ ପୁଲିସ ଗିରଫ କରିଛି । ଗିରଫ ମାନେ ହେଲେ ପାଟପୁର ଥାନା ଡ଼େଙ୍ଗାଡ଼ି ଗ୍ରାମ ରାଜିବ ନଗର ସାହି ବାସିନ୍ଦା ଲକ୍ଷ୍ମଣ ଶିକାରୀଙ୍କ ଦୁଇ ପୁଅ କୃଷ୍ଣ ଶିକାରୀ ଓରଫ୍ ଆନନ୍ଦ (୩୫), ଜିତୁ ଶିକାରୀ ଓରଫ ଅରକ୍ଷିତ(୩୦), କବିସୂର୍ଯ୍ୟନଗର ଥାନା ଶାସନ ସାହି ବାସିନ୍ଦା ଜୁରିଆ ଦାସ (୪୮) ଓ ଚୋରୀ ସୁନା କିଣିଥିବା ଯୁବକ ଜଣକ ଧରାକୋଟ ଥାନା ସୁନାମୁହି ଗ୍ରାମ ନୁଆ ସାହିର ଗୋପାଳ କୃଷ୍ଣ ଜେନା (୫୩) । ଏ ନେଇ ହିଞ୍ଜିଳି ଥାନାରେ ନଂ- ୨୯୭/୨୧ରେ ଏକ ମାମଲା ରୁଜୁ କରି ଗିରଫ ୪ ଜଣଙ୍କୁ ଶୁକ୍ରବାର କୋର୍ଟ ଚାଲାଣ କରାଯାଇଥିବା ନେଇ ଗଞ୍ଜାମ ଜିଲ୍ଲା ଅତିରିକ୍ତ ଆରକ୍ଷୀ ଅଧିକ୍ଷକ ବିଜୟ କୁମାର ମଲ୍ଲିକ ଆୟୋଜିତ ସାମ୍ବାଦିକ ସମ୍ମିଳନୀରେ ସୂଚନା ପ୍ରଦାନ କରିଛନ୍ତି । ପୁଲିସ ସୁତ୍ରରୁ ପ୍ରକାଶ ଯେ, ଗତ ୭ ତାରିଖ ବିଳମ୍ବିତ ରାତି ପ୍ରାୟ ସାଢେ ୧ଘଂଟା ସମୟରେ ଗଞ୍ଜାମ ଜିଲ୍ଲା ହିଞ୍ଜିଳି ଥାନା ଲେଙ୍କାଖାଲି ଗ୍ରାମର ସୁକାନ୍ତ ଦଳାଇଙ୍କ ପରିବାର ରାତ୍ର ଭୋଜନ ସାରି ଘରର କବାଟ ଝରକା ବନ୍ଦ କରି ଘର ମଧ୍ୟରେ ଶୋଇଥିଲେ । ସେହି ଦିନ ରାତିରେ ପରିବାର ସଦସ୍ୟ ନିଘୋଢ ନିଦରେ ଶୋଇଥିବା ସମୟରେ ୩ ଦୁବୃର୍ତ ପାଟପୁର ଥାନା ଡ଼େଙ୍ଗାଡ଼ି ଗ୍ରାମ ରାଜିବ ନଗର ସାହି ବାସିନ୍ଦା ଲକ୍ଷ୍ମଣ ଶିକାରୀଙ୍କ ଦୁଇ ପୁଅ କୃଷ୍ଣ ଶିକାରୀ ଓରଫ୍ ଆନନ୍ଦ (୩୫), ଜିତୁ ଶିକାରୀ ଓରଫ ଅରକ୍ଷିତ(୩୦), କବିସୂର୍ଯ୍ୟନଗର ଥାନା ଶାସନ ସାହି ବାସିନ୍ଦା ଜୁରିଆ ଦାସ (୪୮) ସୁକାନ୍ତଙ୍କ ଘରେ ପଶି କବାଟ ତାଡ଼ି ଆଲମାରୀରେ ଥିବା ପ୍ରାୟ ୨୧ ଭରି ଓଜନର ସୁନା ଅଳଙ୍କାର ଓ ଅନ୍ୟାନ ଆସବାବ ପତ୍ର ଲୁଟି ନେଇ ଘଟଣା ସ୍ଥଳରୁ ଚମ୍ପଟ ମାରିବାରେ ସକ୍ଷମ ହୋଇଥିଲେ ।

ଳେ ନିଦରୁ ଉଠି କବାଟ ଭଙ୍ଗାଯାଇଥିବା ସହ ଘରର ଆଲମାରୀ ଭାଙ୍ଗି କେହି ଦୁବୃର୍ତ ସୁନା ଅଳଙ୍କାର ଲୁଟି ନେଇଥିବା ଜାଣିପାରି ଘଟଣା ନେଇ ୮ ତାରିଖ ରାତିରେ ହିଞ୍ଜିଳି ଥାନାରେ ଲିଖିତ ଅଭିଯୋଗ କରିଥିଲେ । ଅଭିଯୋଗ ଭିତିରେ ହିଞ୍ଜିଳି ଥାନାରେ ନଂ- ୨୯୭/୨୧ରେ ଏକ ମାମଲା ରୁଜୁ କରି ପୁଲିସ ଘଟଣାର ତଦନ୍ତ ଚଳାଇଥିଲା । ଘଟଣାର ୪୮ ଘଂଟା ମଧ୍ୟରେ ଚୋରୀ ଘଟଣାର ଫର୍ଦ୍ଦାଫାଶ କରିବା ସହ ଚୋରୀ ହୋଇଥିବା ୨ଟି ନାନୁ, ୪ଟି ଚେନ୍ , ୨୧ଟି ମୁଦି, ୩ହଳ କାନ ଫୁଲ, ୨ହଳ ଝିକା ଓ ଗୋଟିଏ ମଥାମଣି ସମୁଦାୟ ପ୍ରାୟ ୨୧ ଭରି ଓଜନର ସୁନା ଅଳଙ୍କାର ଜବତ କରିଛି । କୃଷ୍ଣ ଓ ଜିତୁଙ୍କୁ ପାଟପୁର ଥାନା ଡ଼େଙ୍ଗାଡ଼ି ଗ୍ରାମରୁ , ଜୁରିଆଙ୍କୁ କବିସୂର୍ଯ୍ୟନଗର ଥାନା ଓ ଚୋରୀ ସୁନା ଅଳଙ୍କାର କିଣିଥିବା ଅଭିଯୋଗରେ ଗୋପାଳଙ୍କୁ ଧରାକୋଟ ଥାନା ସୁନାମୁହି ଗ୍ରାମରୁ ଗୁରୁବାର ସନ୍ଧ୍ୟାରେ ଗିରଫ କରାଯାଇଥିଲା । ଗିରଫ ବ୍ୟକ୍ତିଙ୍କୁ ଧାରା ୪୫୭, ୩୮୦, ୪୧୧, ୩୪ ଆଇପିସିରେ ମାମଲା ରୁଜୁ କରି ଶୁକ୍ରବାର ସନ୍ଦ୍ୟାରେ କୋର୍ଟ ଚାଲାଣ କରାଯାଇଥିବା ନେଇ ଗଞ୍ଜାମ ଜିଲ୍ଲା ଅତିରିକ୍ତ ଆରକ୍ଷୀ ଅଧିକ୍ଷକ ବିଜୟ କୁମାର ମଲ୍ଲିକ ଆୟୋଜିତ ସାମ୍ବାଦିକ ସମ୍ମିଳନୀରେ ସୂଚନା ପ୍ରଦାନ କରିଛନ୍ତି । ଆୟୋଜିତ ସାମ୍ବାଦିକ ସମ୍ମିଳନୀରେ ଗଞ୍ଜାମ ଜିଲ୍ଲା ଅତିରିକ୍ତ ଆରକ୍ଷୀ ଅଧିକ୍ଷକ ମଲ୍ଲିକ, ଆସିକା ପୁଲିସ ଉପଖଣ୍ଡ ଅଧିକାର ଉମାଶଙ୍କର ସିଂ, ହିଞ୍ଜିଳି ଥାନା ଭାରପ୍ରାପ୍ତ ଅଧିକାରୀ ଅଭିମନ୍ୟୁ ଦାସ, ଏସଆଇ ରାଘବ ପ୍ରଧାନ, କନେଷ୍ଟବଳ ବସନ୍ତ ଉପାଧ୍ୟୟ, ସରୋଜ ରଣସିଂ ପ୍ରମୁଖ ଉପସ୍ଥିତ ଥିଲେ । ଥାନା ଭାରପ୍ରାପ୍ତ ଅଧିକାରୀ ଶ୍ରୀ ଦାସଙ୍କ ନେତୃତ୍ୱରେ ଚଢାଉରେ ଥାନା ଏଏସଆଇ ରାଜନ ବିଷୋୟୀ, ହାବିଲଦାର ପ୍ରମୋଦ କୁମାର ଗନ୍ତାୟତ ଓ ପୁଲିସ ଫୋର୍ସ ଅଂଶ ଗ୍ରହଣ କରିଥିଲେ । ( ରିପୋର୍ଟ : ଶୁସାନ୍ତ ପ୍ରଧାନ )