ପୁରୀର ତିନିରଥ ନିର୍ମାଣରେ ଅଗ୍ରଗତି

ପୁରୀ ରଥ ଖଳା 

ଓଡ଼ିଶା ତାଜା ନ୍ୟୁଜ୍ (୭ ଜୁନ୍ ,ସୋମବାର )ପୁରୀ :- ରବିବାର ରଥଖଳାରୁ : ରଥ ନିର୍ମାଣ ଅଗ୍ରଗତି : ମୋଟ ରଥ ନିର୍ମାଣକାରୀ ଙ୍କୁ ନିୟୋଜିତ କରାଯାଇଛି ସେଥିରୁ ତିନିରଥର ଭୋଇ ସେବକ ଭାବେ ୭୩ , ତିନିରଥର କରତି ସେବକ ୪ , ପାହି ମହାରଣା ୧ , ଓଝା ବା କମାର ସେବକ ୧୭, ତୁମ୍ବ ବିନ୍ଧ କାରୀଗର ୨ , ତିନିରଥର ରୂପକାର ସେବକ ୧୯ଜଣ, ରଥ ଖଳାର ସହାୟକ ଜଣେ ତିନିରଥର ମୋଟ ମହାରଣା ୧୯୪ ଜଣ ନିୟୋଜିତ ଥିବା ଜଣାପଡିଛି ।

ମୋଟ ରଥ ନିର୍ମାଣକାରୀଙ୍କ ଉପସ୍ଥାନ :- ୧୯୪ ତିନିରଥର ମୋଟ ମହାରଣା ୭୭ ତିନିରଥର ଭୋଇ ସେବକ ୭୩ ତିନିରଥର କରତି ସେବକ ୪ ପାହି ମହାରଣା ୧ ଓଝା ବା କମାର ସେବକ ୧୭ ତୁମ୍ବ ବିନ୍ଧ କାରୀଗର ୨ ତିନିରଥର ରୂପକାର ସେବକ ୧୯ ରଥଖଳା ସହାୟକ ୧ ମୋଟ, ରଥ ଖଳାର ସହାୟକ ଜଣେ ତିନିରଥର ମୋଟ ମହାରଣା ୧୯୪ ଜଣ ନିୟୋଜିତ ଥିବା ଜଣାପଡିଛି ।

ଅଗ୍ରଗତି :-

ଗତକାଲି ସୁଦ୍ଧା ତିନି ରଥର ୩୩ ଗୋଟି ଚକର ନିର୍ମାଣ ଶେଷ ହୋଇଥିଲା, ଆଜି ତାଳଧ୍ଵଜ ରଥର ଗୋଟିଏ ଚକ, ଦେବଦଳନ ରଥର ଗୋଟିଏ ଚକ ଏବଂ ନନ୍ଦିଘୋଷ ରଥର ଦୁଇଟି ଚକ ର ନିର୍ମାଣସରି ମୋଟ ତିନିଗୋଟି ରଥର ୩୭ ଗୋଟି ଚକର ନିର୍ମାଣ ଶେଷ ହୋଇଅଛି । ଏହାଛଡା ଗତ କାଲି ଠାରୁ ନିର୍ମାଣ ଆରମ୍ଭ ହୋଇ ,ତିନିରଥର ଦୁଇଟି ଲେଖାଁଏ ଚାରି ନାହାକା ନିର୍ମାଣ ସରି ଥିଲା । ଆଜି ଆଉ ଦୁଇଟି ଲେଖାଁଏ ଚାରି ନାହାକା ନିର୍ମାଣ ସରିଅଛି, ଏହାଛଡା ଆଜି ତିନି ରଥର ଦୁଇଟି ଲେଖାଁଏ ‘ଗରଗରା’ ରୁ ଗୋଟିଏ ଲେଖାଁଏ ‘ଗରଗରା’ ଚଉପଟ କାମ ଆରମ୍ଭ ହୋଇଛି । ଏହା ଛଡା ଆଜି ଅପରାହ୍ନରେ ତିନିରଥର ‘ଦଣ୍ଡା’ ମୁଖ୍ୟ ମହାରଣାଙ୍କ ଉପସ୍ଥିତିରେ ଅନୁକୂଳ ପୂଜା ହୋଇ ୯ଟି ଲେଖାଁଏ ଦଣ୍ଡାର ଚଉପଟ କାମ ଆରମ୍ଭ ହୋଇଅଛି । ତିନି ରଥର ରୂପକାର ସେବକ ମାନେ ସାଲ ଗୁଜ ବା କୋଣ ଗୁଜରେ ସିଂହ ବିରାଳ ରୂପ ଖୋଦେଇ ଜାରୀ ରଖିଛନ୍ତି, ଖୋଦେଇ ସରିଥିବା କୋଣଗୁଜ ରୂପ ଗୁଡିକର ପଲିସ କାମ ଚାଲୁଅଛି ।

ତଳ ଧ୍ୱଜ ଚାଳି :-

ଗତକାଲି ସୁଦ୍ଧା ତାଳଧ୍ଵଜ ରଥ ର ୧୧ ଗୋଟି ଚକର ନିର୍ମାଣ ଶେଷ ହୋଇଥିଲା, ଆଜି ଆଉ ଏକଟି ଚକ କାମ ସରି ମୋଟ ୧୨ ଗୋଟି ଚକର ନିର୍ମାଣ ଶେଷ ହୋଇଛି । ଗତ କାଲି ଦୁଇଟି ଚାରିନାହାକା ର ନିର୍ମାଣ ଆରମ୍ଭ ହୋଇ ଶେଷ ହୋଇଥିଲା, ଆଜି ଆଉ ଦୁଇଟି ଚାରିନାହାକାର ନିର୍ମାଣ କାର୍ଯ୍ୟ ଶେଷ ହୋଇଛି , ଏହାଛଡା ଆଜି ଦୁଇଟି ‘ଗରଗରା’ରୁ ଗୋଟିଏ ଗରଗରା ର ଚଉପଟ କାମ ଆରମ୍ଭ ହୋଇଅଛ । ଏହି ଗରଗରା, ଅଖ ଉପରେ ଦଣ୍ଡା ପଡିସାରିବା ପରେ ଦୁଇଟି ଗରଗରା ପଡି , ସେହି ଗରଗରା ଉପରେ ଚାରି ନାହାକା ଉଠିବ ।

ଦେବଦଳନ ଚାଳି :-

ଦେବଦଳନ ରଥର ଗତକାଲି ୧୦ ଟି ଚକ ନିର୍ମାଣ ଶେଷ ହୋଇଥିଲା । ଆଜି ଆଉ ଗୋଟିଏ ଚକ ନିର୍ମାଣ ଶେଷ ହୋଇ ମୋଟ ୧୧ଗୋଟି ଚକର ନିର୍ମାଣ ଶେଷ ହୋଇଅଛି । ଏତତ୍ ବ୍ୟତୀତ ଗତ କାଲି ଠାରୁ ଦୁଇଟି ଚାରି ନାହାକା ନିର୍ମାଣ ଆରମ୍ଭ ହୋଇ ଶେଷ ହୋଇଥିଲା ,ଆଜି ଆଉ ଦୁଇଟି ଚାରି ନାହାକା ନିର୍ମାଣ ଶେଷ ହୋଇଅଛି, ଏହାଛଡା ଆଜି ଦେବ- ଦଳନ ରଥର ଦୁଇଟି ଗରଗରା ମଧରୁ ଗୋଟିକାର ଚଉପଟ କାମ ଆରମ୍ଭ ହୋଇଅଛି । ଆଜି ଅପରାହ୍ନରେ ଦଣ୍ଡା ଅନୁକୂଳ ପୂଜା ହୋଇ ୯ଟି ଦଣ୍ଡାର ଚଉପଟ କାର୍ଯ୍ୟ ଆରମ୍ଭ ହୋଇଅଛି ।

ନନ୍ଦିଘୋଷ ଚାଳି:-

ନନ୍ଦିଘୋଷ ରଥର ଗତକାଲି ସୁଦ୍ଧା ୧୨ ଟି ଚକ ର ନିର୍ମାଣ ଶେଷ ହୋଇଥିଲା , ଆଜି ଆଉ ଦୁଇଟି ଚକ ନିର୍ମାଣ ସାରି ମୋଟ ୧୪ ଗୋଟି ଚକ ନିର୍ମାଣ ସମ୍ପୂର୍ଣ୍ଣ ହୋଇଅଛି । ଆଜି ଅପରାହ୍ନରେ ନନ୍ଦିଘୋଷ ରଥର ଦଣ୍ଡା କାମ ଆରମ୍ଭ ପାଇଁ ଅନୁକୂଳ ପୂଜା ପୂର୍ବକ ୯ ଗୋଟି ଦଣ୍ଡାର ଚଉପଟ କାମ ଆରମ୍ଭ ହୋଇଛି । ଏହାଛଡା ଗତ କାଲି ଦୁଇଟି ଚାରିନାହାକା ର ନିର୍ମାଣ ଶେଷ ହୋଇଥିଲା , ଆଜି ଆଉଦୁଇଟି ଚାରିନାହାକା ନିର୍ମାଣ ଶେଷ ହୋଇ ଅଛି । ଏଥିସହ ଆବଶ୍ୟକ ଦୁଇଟି ଗରଗରା ମଧ୍ୟରୁ ଗୋଟିଏ ଗାରଗରା ର ଚଉପଟ କାମ ଆରମ୍ଭ ହୋଇଅଛି।

କମାର ଶାଳ :-

ଦୋଳବେଦୀ ସ୍ଥ ଅସ୍ଥାଇ କମାର ଶାଳରେ ତିନି ରଥର ଓଝା ସେବକ ମାନେ ଦଣ୍ଡା ବିଡ଼ିଆ କଣ୍ଟା, ଆଗ ପାତେଳି କଣ୍ଟା ନିର୍ମାଣ ଜାରୀ ରଖି ଛନ୍ତି,ଗତକାଲି ୩୦ଟି ଲେଖାଁଏ ଦଣ୍ଡା ବିଡ଼ିଆ କଣ୍ଟା ଏବଂ ଆଗ ପାତେଳି କଣ୍ଟା ନିର୍ମାଣ କରିଥିଲେ ଆଜି ସମ ପରିମାଣର ଉକ୍ତ କଣ୍ଟା ମାନ ନିର୍ମାଣ କରି ଛନ୍ତି