ବ୍ରଜରାଜପୁର ପଞ୍ଚାୟତ ର ୧୨ ଟି ଗ୍ରାମରେ ଶୁଖିଲା ଖାଦ୍ୟ ବଣ୍ଟନ କଲେ -ଇଂ ଦେବାଶିଷ ପଟ୍ଟନାୟକ

ଓଡ଼ିଶା ତାଜା ନ୍ୟୁଜ (୦୩ ଜୁନ୍‌ ଗୁରୁବାର )ରଣପୁରର ,ବ୍ରଜରାଜପୁର /ରିପୋର୍ଟ ଅଭିମନ୍ୟୁ :- ସାରା ଦେଶରେ ମହାମାରୀ କରୋନା ର ପ୍ରଭାଵ ବୃଦ୍ଧି ପାଉଥିବା ବେଳେ ଲୋକମାନେ ନିଜର ଜୀବନ ଜୀବିକା ହରାଇ ଅଭାବ ଅନଟନ ଅବସ୍ଥାରେ କାଳ ନିର୍ବାହ କରୁଛନ୍ତି । ଏହି ସମୟରେ ଲୋକଙ୍କ ପାଖରେ କେତେକ ରାଜନେତା ଓ ସମାଜସେବୀ , ଯୁବସଙ୍ଗଠନ ଲୋକଙ୍କୁ ଶୁଖିଲା ଖାଦ୍ୟ ସାମଗ୍ରୀ ବଣ୍ଟନ କରୁଛନ୍ତି ।

ସେହିଭଳି ରଣପୁର ବିଧାୟକ ଙ୍କ ନିର୍ଦେଶ କ୍ରମେ ରଣପୁର ନିର୍ବାଚନ ମଣ୍ଡଳୀର ବ୍ରଜରାଜପୁର ପଞ୍ଚାୟତ ର ୧୨ ଟି ଗ୍ରାମରେ ଶୁଖିଲା ଖାଦ୍ୟ ବଣ୍ଟନ କରାଯିବା ସହ ଲୋକଙ୍କ ସ୍ୱାସ୍ଥ୍ୟବସ୍ଥା କୁ ଗୁରୁତ୍ୱ ଦେଇ ଗ୍ରାମ ଗୁଡିକୁ ସାନିଟାଇଜ ଏବଂ ଲୋକଙ୍କ ମଧ୍ୟରେ ମାସ୍କ ବଣ୍ଟନ କାର୍ଯ୍ୟକ୍ରମ କରାଯାଇଥିଲା ।

ଏହି କାର୍ଯ୍ୟକ୍ରମ ରେ ପୂର୍ବତନ ଚେୟାରମ୍ୟାନ ଦେବାଶିଷ ପଟ୍ଟନାୟକ , ସରପଞ୍ଚ , ପଞ୍ଚାୟତ ସମିତିସଭ୍ୟ ଇତ୍ୟାଦି ସାହାର୍ଯ୍ୟ ସହଯୋଗ କରିଥିଲେ । କୋଭିଡ ସମୟରେ ୧୨ଟି ଗ୍ରାମ ତଥା ଚମ୍ପତିପୁର ,ଶ୍ୟାମଘନ ପୁର ,ଚନ୍ଦ୍ରମାଦେଇ ପୁର , ହିଞ୍ଜିଳ ଗାଡିଆ , ବାଙ୍କପୁର ,ଗୋଳା ପୋଖରୀ , କୁଞ୍ଜବନ , ବ୍ରଜରାଜପୁର , ବାମ୍ବଡା , ଲତାର ,ଇଚ୍ଛାପୁର ଇତ୍ୟାଦି ଗ୍ରାମରେ ଶୁଖିଲା ଖାଦ୍ୟ ସାମଗ୍ରୀ ବଣ୍ଟନ କରାଯାଇଛି ।

ମହାମାରୀ କରୋନା କାଳରେ ନିରୀହ ତଥା ଅସହାୟ ଲୋକଙ୍କ ପାଖରେ ଶୁଖିଲା ଖାଦ୍ୟ ପହଞ୍ଚାଇବା ସହ କୋଭିଡ ସଚେତନ କରାଇଛନ୍ତି ।