ଜିଆରଏସ ବିରୁଧରେ ବ୍ଲକ ସମୂଖରେ ମକୁନ୍ଦପୁର ସରପଂଚଙ୍କ ଧାରଣା ବିଡିଓଙ୍କ ପ୍ରତିଶ୍ରୁତି ପରେ ଧାରଣା ପ୍ରତ୍ୟାହୃତ

ଓଡ଼ିଶା ତାଜା ନ୍ୟୁଜ (୩୧ ମଇ ସୋମବାର ) କୋରାଇ :- କୋରାଇ ବ୍ଲକ ଅନ୍ତର୍ଗତ ମୁକୁନ୍ଦପୁର ପଂଚାୟତର ଜିଆରଏସ୍ ଗୀତାଞ୍ଜଳି ମହାନ୍ତିଙ୍କ ବିରୁଧରେ ସ୍ଥାନୀୟ ସରପଂଚ ସୁକାନ୍ତୀ ଯେନା ବ୍ଲକ ସମୂଖରେ ଧାରଣାରେ ଦେଇଛନ୍ତି । ଜିଆରଏସ ଗୀତାଞ୍ଜଳି ମହାନ୍ତି ପଂଚାୟତରେ ସମସ୍ତ କାର୍ଯ୍ୟରେ ହସ୍ତକ୍ଷେପ କରୁଛନ୍ତି । ଯେ କୌଣସି ବ୍ୟକ୍ତି ପଂଚାୟତକୁ କାର୍ଯ୍ୟ କରିବାକୁ ଆସିଲେ ତାଙ୍କୁ ସହଯୋଗ ନକରି ଧମକ ଚମକ ଦେଉଛନ୍ତି । ସରପଂଚ ଜଣେ ଦଳିତ ଶ୍ରେଣୀର ଲୋକ ହୋଇଥିବାରୁ ତାଙ୍କ କଥାକୁ ଗୁରୁତ୍ୱ ନଦେଇ ଜିଆରଏସ୍ ନାଲିଆଖି ଦେଖାଉଛନ୍ତି । ଅଯୋଗ୍ୟ ଲୋକଙ୍କୁ ଭତା, ଆବାସ ଯୋଜନା ଦେଇ ଜାଲିଆତି କରି ପଂଚାୟତର ୪୪ଜଣଙ୍କ ନାମରେ ମିଛ ଭତା ଦିଆଯାଉଥିବା କହି ଟଙ୍କା ଆତ୍ମସାତ କରୁଥିବା ଅଭିଯୋଗ କରିଛନ୍ତି ।

ଏଥିସହିତ ପଂଚାୟତର ଦଳିତ ଆଦିବାସୀଙ୍କୁ କିଛି କାରଣ ନଥାଇ ହଇରାଣ ହରକତ କରିବା ସହିତ ଅପମାନିତ କରୁଛନ୍ତି । ଏନେଇ ଜିଆରଏସଙ୍କ ନାମରେ ଅନେକ ଅଭିଯୋଗ କରାଯାଉଥିଲେ ବି ଜିଲା ପ୍ରଶାସନ କି ବ୍ଲକ ପ୍ରଶାସନ ପକ୍ଷରୁ କାର୍ଯ୍ୟାନୁଷ୍ଠାନ ନିଆଯାଉନାହିଁ । ଜିଆରଏସ୍‌ଙ୍କ ବିରୋଧରେ ଚଳିତମାସ ୧୭ତାରିଖ ଜିଲାପାଳଙ୍କ କାର୍ଯ୍ୟାଳୟରେ ଅଭିଯୋଗ କରିବାସହ ପଦକ୍ଷପ ନିଆନଗଲେ ୨୮ତାରିଖ ଜିଲା କାର୍ଯ୍ୟାଳୟ ସ୧ୁଖରେ ଧାରଣ ଦେବାକୁ ଘୋଷଣା କରାଯାଇଥିଲା । ହେଲେ ବାତ୍ୟା ‘ୟସ’ ଯୋଗୁ ୨୪ତାରିଖ ଦିନ ଜିଲା କାର୍ଯ୍ୟାଳୟରେ ସୂଚନା ପୂର୍ବକ ଏହାକୁ ବାତିଲ କରି ୩୧ତାରିଖରେ ବ୍ଲକ କାର୍ଯ୍ୟାଳୟ ସ୧ୁଖରେ ଧାରଣା ଦେବାକୁ ସୂଚନା ଦେଇଥିଲେ ।

ତଦନୁଯାୟୀ ଆଜି ବ୍ଲକ କାର୍ଯ୍ୟାଳୟ ସ୧ୁଖରେ ସରପଂଚ ଶ୍ରୀମତୀ ଜେନା ଧାରଣା ଦେଇଛନ୍ତି । ତାଙ୍କୁ ଦବଳି ପୂର୍ବକ ଦୃଢ କାର୍ଯ୍ୟାନୁଷ୍ଠାନ ନିଆନଯିବା ଯାଏ ଧାରଣା ଅବ୍ୟାହତ ରହିବ ବୋଲି ସରପଂଚ ତାଙ୍କ ଅଭିଯୋଗ ପତ୍ରରେ ଦର୍ଶାଇଥିବା ସୂଚନା ଦେଇ ଧାରଣାରେ ସ୍ଥଳେ ଅଡିବସିଛନ୍ତି । ଆଜି ଡହଡହ ଖରାରେ ସରପଂଚ ଶ୍ରୀମତୀ ଯେନା କରୋନା କଟକଣା ନିୟମାନୁଯାୟୀ ଧାରଣାରେ ସ୍ଥଳରେ ବସିଥି ଲା ବେଳେ ତାଙ୍କ ସହ କେତେକ ପଂଚାୟତବାସୀ ସମର୍ଥନ ଜଣାଇ ଧାରଣାରେ ସାମିଲ ହୋଇଥିଲେ । ଘଟଣା ସ୍ଥଳେ ବିଡିଓ ଶ୍ୱେତା ସ୍ନିଗ୍ଧା ପହଂଚି ଆଇନି ଅନୁଯାୟୀ ଜିଆରଏସ ବିରୁଧରେ କାର୍ଯ୍ୟାନୁଷ୍ଠାନ ନିଆଯିବାକୁ ପ୍ରତିଶ୍ରୁତି ଦେବା ପରେ ଧାରଣା ପ୍ରତ୍ୟାହୃତ ହୋଇଥିଲା