ପୂର୍ବତନ ବିଧାୟକ ଆକାଶଙ୍କ ଫୋନକଲ ନେଇ କୋରାଇରେ ଚର୍ଚ୍ଚା : ସ୍ୱାସ୍ଥ୍ୟକଥା ପଚାରୁଛନ୍ତି – କରୋନା ସଚେତନ କରୁଛନ୍ତି

ଓଡ଼ିଶା ତାଜା ନ୍ୟୁଜ (୩୦ ମେ ରବିବାର) କୋରାଇ :- ମହାମାରୀ କରୋନା ବିଶ୍ୱବାସୀଙ୍କୁ ଆତଙ୍କିତ କରିଦେଇଛି । ମୁକାବିଲା ଲାଗି ସକରାକର ଯେତେ ଯାହ ବ୍ୟବସ୍ଥା କଲେ ମଧ୍ୟ ତାହାର ପ୍ରକୋପ ଥମୁନି; ବରଂ ବ୍ୟାପୁଛି । ପ୍ରଥମ ଲହର ଅପେକ୍ଷା ଦ୍ୱିତୀୟ ଲହର ଏବେ ଗାଁ ମୁହାଁ ହୋଇଛି । ଏଥିରୁ ଧନୀ, ଗରିବ, ପିଅନ, ଅଫିସର କେହିବାଦ ପଡୁ ନାହଁନ୍ତି । ଅର୍ଥ ଥିଲେବି ଏଥିରୁ ବର୍ତିବା ସମ୍ଭବ ହେଉନାହିଁ । ଏହି ମହାମାରୀ କରୋନା ଯାଜପୁର ଜିଲା ସମେତ କୋରାଇ ଅଂଚଳରେ ବ୍ୟାପକ ହେବାରେ ଲାଗିଛି । ଆକ୍ରନ୍ତଙ୍କ ସଂଖ୍ୟା ବଢୁଥିବାରୁ ରୋଗ ଅଂଶଙ୍କାରେ ଲୋକେ ଛାନିଆ ହୋଇ ପଡିଛନ୍ତି ।

ଅସହାୟ ଅବସ୍ଥାରେ ଟିକେ ସାହାସ ଦେବାପାଇଁ କୋରାଇର ପୂର୍ବତନ ବିଧାୟକ ତଥା ‘ମୋ କଲେଜ’ ଅଧ୍ୟକ୍ଷ ଆକାଶ ଦାସନାୟକ କୋରାଇ ଅଂଚଳର ଅଧିବାସୀଙ୍କୁ ପ୍ରତ୍ୟହ ଫୋନକରି ପଚାରୁଛନ୍ତି ା ଏମିତିକି କର୍ମୀ, ବୁଦ୍ଧିଜୀବି, ଶିକ୍ଷକ, ସାମ୍ବାଦିକ, ସମର୍ଥକ ଆଦି ସବୁବର୍ଗର ଲୋକଙ୍କୁ ଗତକିଛିଦିନ ହେଲା ଫୋନ କରି ସ୍ୱାସ୍ଥ୍ୟ ସଂପର୍କରେ ପଚାରି ବୁଛୁଝନ୍ତି । କରୋନ ଲହର ଚାଲିଥିବାରୁ ଆବଶ୍ୟକ ନଥିଲେ ବାହାରକୁ ନବାରିବା, ସାମାଜିକ ଦୂରତା ରଖିବା, ସାବୁନ୍‌ରେ ହାତ ଧୋଇବା, ସାନିଟାଇଜର କରିବା ସହ ସର୍ବଦା ତୁଣ୍ଡି ବ୍ୟବହାରକରିବାକୁ ପରାମର୍ଶ ଦେଉଛନ୍ତି ।

କୌଣସି ଭୟଭୀତ ନହୋଇ କୋରାନାର ସାମାନ୍ୟ ଲକ୍ଷଣ ଜାଣିଲେ ସ୍ୱାବ ପରୀକ୍ଷା କରାଇବା ଓ ଟିକା ନିବା ଜରୁରୀ ବୋଲି ସୂଚାଉଛନ୍ତି । ବିପଦ ବେଳେ ସାହସ ଓ ସଚେତନକରୁଥିବା ଆକାଶଙ୍କ ଫୋନ କଲପାଇଁ ଲୋକଙ୍କ ମନରେ ଖୁସିର ସ୍ଥିତି ସୃଷ୍ଟି ହୋଇଥିଲା ବେଳେ କୋରାଇ ଅଂଚଳରେ ଏହାକୁ ନେଇ ଚର୍ଚ୍ଚା ଖୁବ ଜୋର ଧରିଛି । ବିଶେଷକରି ଖୋଦ ଆକାଶଙ୍କ ନିଜ ଦଳରେ । ୨ବର୍ଷ ହେଲା ପତିଆରା ବିସ୍ତାର କରିଥିବା କେତେକ ଛାଆଁମୁହାଁ ନେତାଙ୍କ ମନରେ ଛନକା ପସିଛି ; କୋରାଇକୁ ପୁଣି ଆକାଶଙ୍କ ଲେଉଟାଣି ଆଶଙ୍କାରେ ।

ସେ ଯାହାହେଉ ବା’ କାହା ମନରେ କ’ଣ ଥାଉ; ଏହି ମହାବିପତି ସମୟରେ ପ୍ରତ୍ୟହ କୋରାଇ ଲୋକଙ୍କୁ ଆକାଶ ବାବୁ ଫୋନକଲ କରି ସ୍ୱାସ୍ଥ୍ୟ ସଂପର୍କରେ ପଚାରି ବୁଝିବା ଓ କରୋନାକୁ ନଡରି ମୁକାବିଲା ଲାଗି ସଚେତନତା ବାର୍ତା ଦେବା ଜଣେ ନେତା ନୁହେଁ ଜଣେ ମହାନୁଭବତାର ପରିଚୟ ସୃଷ୍ଟି କରିଛନ୍ତି । (କୋରାଇରୁ ରଶ୍ମିରେଖା ମଲ୍ଲିକଙ୍କ ରିପୋର୍ଟ)