ବିପ୍ଳବୀ ବୀର ପଣ୍ଡିତ ଗୋବିନ୍ଦ ରଥଙ୍କର ୧୦୪ ତମ ଶ୍ରାଦ୍ଧ ବାର୍ଷିକୀ ଅବସରରେ“ପଣ୍ଡିତ ଗୋବିନ୍ଦ” ବିଷୟକ କବିତା ପାଠୋତ୍ସବ ତଥା ଆନ୍ତର୍ଜାତୀୟ ଆଲୋଚନାଚକ୍ର ଅନୁଷ୍ଠିତ

ଓଡ଼ିଶା ତାଜା ନ୍ୟୁଜ (୩୦ ମେ ରବିବାର) ବାଙ୍କୀ :- ପଣ୍ଡିତ ଗୋବିନ୍ଦ ରଥ ପ୍ରତିଷ୍ଠାନ ତଥା ଆମେ ଓଡ଼ିଆ ଆମ ଓଡ଼ିଶାର ମିଳିତ ସହଯୋଗରେ ଓଡ଼ିଶାର ସୁଯୋଗ୍ୟ ସନ୍ତାନ, ବାଙ୍କୀ ମାଟିର ବିପ୍କବୀ ବୀର ପଣ୍ଡିତ ଗୋବିନ୍ଦ ରଥଙ୍କ ୧୦୪ ତମ ଶ୍ରାଦ୍ଧ ବାର୍ଷିକୀ ୱେବିନାର ମାଧ୍ୟମରେ ଅନୁଷ୍ଠିତ ହୋଇଯାଇଛି। ଏଥିରେ ଭାରତ ବ୍ୟତୀତ ସିଂଗାପୁର, ଆମେରିକା ତଥା କାନାଡ଼ା ଭଳି ଦେଶ ମାନଙ୍କରୁ ଅନେକ ଗଣ୍ୟମାନ୍ୟ ବ୍ୟକ୍ତିମାନେ ଯୋଗ ଦେଇ ପଣ୍ଡିତ ରଥଙ୍କର ରଚିତ କବିତା ଆବୃତ୍ତି କରିଥିଲେ ଏବଂ ଓଡ଼ିଶା, ଓଡ଼ିଆ ଭାଷା ସାହିତ୍ୟ ତଥା ସମାଜ ପ୍ରତି ରଥେ ଆପଣେଙ୍କର ଅବଦାନ ବିଷୟରେ ପୁଙ୍ଖାନୁପୁଙ୍ଖଆଲୋଚନା କରିଥିଲେ ।

ଏହି ପରିପ୍ରେକ୍ଷୀରେ ପଣ୍ଡିତ ରଥଙ୍କ ଜୀବନୀ ଉପରେ ଆଧାରିତ ଏକ ବୃତ୍ତଚିତ୍ର ସର୍ବ ସମକ୍ଷରେ ରଖା ଯାଇଥିଲା।ଆମେ ଓଡ଼ିଆ ଆମ ଓଡ଼ିଶାର ଆବାହକ ସୁସାହିତ୍ୟିକ ପ୍ରଶୀନ୍ତ ଭୂୟାଁ ସୁଦୂର କାନାଡ଼ାର ଟରଣ୍ଟୋ ସହରରୁ ଯୋଗ ଦେଇ ସଭା କାର୍ଯ୍ୟ ଆରମ୍ଭ ତଥା କରିଥିଲେ ଏବଂ କାନାଡ଼ାରୁ ସୁସାହିତ୍ୟିକ ଧୀରେନ୍ଦ୍ର କର ସ୍ୱାଗତ ସମ୍ଭାଷଣ ରଖିଥିଲେ। ନୂଆ ଦିଲ୍ଲୀରୁ ବିଶିଷ୍ଟ ଗାୟକ ସନ୍ତୋଷ ରାଉତ ଅତିଥି ମାନଙ୍କ ସ୍ୱାଗତରେ ଜୀବନ ସଙ୍ଗୀତ ପରିବେଷଣ କରିଥିଲେ।

ପ୍ରାରମ୍ଭିକ ଭାଷଣରେ ପଣ୍ଡିତ ଗୋବିନ୍ଦରଥ ପ୍ରତିଷ୍ଠାନର ଅଧ୍ୟକ୍ଷ, ପଣ୍ଡିତ ଗୋବିନ୍ଦ ରଥଙ୍କର ପ୍ରପୌତ୍ର, ଡ଼ଃ ପଦାରବିନ୍ଦ ରଥ, ବିପ୍କବୀ ବୀର ପଣ୍ଡିତ ଗୋବିନ୍ଦ ରଥଙ୍କ ଜୀବନ ବିଷୟରେ ସାମଗ୍ରୀକ ଭାବରେ ସଭାକୁ ଅବଗତ କରାଇ ତାଙ୍କ ବିଷୟରେ ଅନେକ ଅନାଲୋଚିତ ତଥ୍ୟ ସର୍ବ ସମକ୍ଷରେ ରଖିଥିଲେ। ମୁଖ୍ୟ ବକ୍ତା ଭାବରେ ଯୋଗ ଦେଇଥିଲେ ସ୍ୱନାମଧନ୍ୟ ଲେଖକ ଦାଶ ବେନହୂର। ସେ ବିପ୍କବୀ ବୀର ପଣ୍ଡିତ ଗୋବିନ୍ଦ ରଥଙ୍କ ଜୀବନାଦର୍ଶ, ଜୀବନା ଯାତ୍ରା ଏବଂ ଓଡ଼ିଶା ତଥା ଓଡ଼ିଆ ଭାଷା ପାଇଁ ତାଙ୍କର ଅବଦାନ ସବୁକୁ ଅତି ପ୍ରାଞ୍ଜଳ ଭାବରେ ବର୍ଣ୍ଣନା କରିଥିଲେ।

ସୁଦୂର ଆମେରିକାର ବୋଷ୍ଟନ୍ ସହରରୁ କବି ମନୋରମା ଚୌଧୁରୀ, ରାଉରକେଲାରୁ କବି ଶକୁନ୍ତଳା ଗୁପ୍ତା, କବି ସାନ୍ତ୍ୱନା ଦାଶ ପ୍ରମୁଖ ରଥେ ଆପଣେଙ୍କର ରଚିତ କବିତା ପାଠ କରିଥିଲେ। ଅତ୍ୟନ୍ତ ଖୁସିର କଥା ଯେ ଏହି କାର୍ଯ୍ୟକ୍ରମରେ ଅନେକ ଛାତ୍ର ମଧ୍ୟ ଯୋଗ ଦେଇଥିଲେ ଏବଂ ସେମାନଙ୍କ ମଧ୍ୟରୁ ଅମୃତେଶ ଖଟୁଆ, ଶୁଭ୍ରାଂଶୁ ଦାଶ ଏବଂ ଦେବାଶିଷ ସେନାପତି ରଥେ ଆପଣେଙ୍କ କବିତା ପାଠ କରିଥିଲେ। ପଣ୍ଡିତ ଗୋବିନ୍ଦ ରଥ ପ୍ରତିଷ୍ଠାନର ବାଙ୍କୀ ଶାଖା ତରଫରୁ କବି ବିଦ୍ୟାଧର ଖଟୁଆ, ପ୍ରଫୁଲ୍ଲ କୁମାର ସାହୁ ଏବଂ ଶକୁନ୍ତଳା ମଲ୍ଲିକ, ରଥେ ଆପଣେଙ୍କର ରଚିତ କବିତା ପାଠ କରିଥିଲେ ।

ସଭା ଶେଷ ହେବା ପୂର୍ବରୁ ପ୍ରତିଷ୍ଠିତ ଗାୟୀକା ବବି ଅନସୂୟା ଗୋବିନ୍ଦ ରଥଙ୍କ ରଚିତ ଫିଉଚର ସାହେବ ଆବୃତ୍ତି କରିଥିଲେ । ପରିଶେଷରେ ପ୍ରତିଷ୍ଠାନର ପରିଚାଳିକା ଟ୍ରଷ୍ଟୀ ପ୍ରତିଭା ନନ୍ଦ ଅତିଥି ମାନଙ୍କୁ ଧନ୍ୟବାଦ ଦେଇଥିଲେ । ପଣ୍ଡିତ ଗୋବିନ୍ଦ ରଥଙ୍କ ଭଳି ବିରଳ ବ୍ୟକ୍ତିତ୍ୱଙ୍କଦ୍ୱାରା ଲିଖିତ ପୁସ୍ତକ ମାନଙ୍କୁ ଆଧାର କରି ଏକ ଗ୍ରନ୍ଥାବଳୀ ପ୍ରକାଶ କରିବାକୁ ସଭାରେ ମତ ପ୍ରକାଶ ପାଇଥିଲା (ରିପୋର୍ଟ :ଗୌତମ ମିଶ୍ର)