ନୂଆଗାଁରେ କବାଟ ଭାଙ୍ଗି ସୁୂନାଅଳଙ୍କାର ଓ ୫୦ହଜାର ଟଙ୍କା ଚୋରୀ

ଓଡ଼ିଶା ତାଜା ନ୍ୟୁଜ (୨୭ ମଇ ଗୁରୁବାର ) ବାଙ୍କୀ :- ଗତ ୨୬ତାରିକ ରାତିରେ ବାଙ୍କୀ ବ୍ଲକ ଅନ୍ତର୍ଗତ ନୂଆ ଗାଁର ମାଧବ ଚନ୍ଦ୍ର ମହାନ୍ତିଙ୍କ ଘରର କବାଟର ଲକ୍‌କୁ ଭାଙ୍ଗିବା ସହିତ ଆଲମେରା ଭାଙ୍ଗି ଦୁବୃତମାନେ ତା ଭିତରେ ଥିବା ୨ଟି ସୁନାହାର, ୨ହଳ ସୁନା କାନଫୁଲ, ୨ହଳ ଚୂଡି, ୧ଟି ଚେନ୍ , ୧୦ଟି ସୁନାମୁଦି ଓ ୧୦ଟିଲକେଟ୍ , ଛୋଟ ମୁଦି ୫ଟି, ରୁପା ପାଉଁଜି ୬ହଳ, ରୂପା ଚେନ୍ ୬ଟି, ଅଣ୍ଟାସୁତା ୧ଟି ସମେତ ୧୨ଭରିର ସୁନା ଅଳଙ୍କାର, ରୂପା ଜିନିଷ ୧୦ଭରିର ଓ ଆଟାଚିରେ ଥିବା ୫୦ହଜାର ଟଙ୍କା ନେଇଯାଇଛନ୍ତି ବୋଲି ମାଧବ ଚନ୍ଦ୍ର ମହାନ୍ତି ଆଜି ବାଙ୍କୀ ଥାନାରେ ଲିଖିତ ଅଭିଯୋଗ କରିଛନ୍ତି ।

ଘଟଣା ଘଟିଥିବା ଦିନ ଓ ରାତିରେ ସେମାନେ ଘରେ ଅନୁପସ୍ଥିତ ଥିଲେ ବୋଲି ମାଧବ ଚନ୍ଦ୍ର ମହାନ୍ତି ଅଭିଯୋଗରେ ଦର୍ଶାଇଛନ୍ତି । ବାଙ୍କୀ ପୋଲିସ୍ ଆଜି ଘଟଣାସ୍ଥଳକୁ ଯାଇ ତଦନ୍ତ କରିବା ସହିତ ପରିସ୍ଥିତି ସଂପର୍କରେ ଅନୁଧ୍ୟାନ କରିଛନ୍ତି ।    (ରିପୋର୍ଟ :ଗୌତମ ମିଶ୍ର)