ବାତ୍ୟା ବିପନ୍ନଙ୍କୁ ଥଇଥାନକଲା ପ୍ରଶାସନ ; ୨୧ପଂଚାୟତର ୪୭ବାତ୍ୟା ଆଶ୍ରୟସ୍ଥଳୀରେ ୩୪୮୬ଙ୍କୁ ସୁଖିଲା ଓ ରନ୍ଧା ଖାଦ୍ୟ ପ୍ରଦାନ ବାତ୍ୟା ଆଶ୍ରୟସ୍ଥଳୀ ପରିଦର୍ଶନ କଲେ ପିଡ଼ି ; ସମୀକ୍ଷା କଲେ ବିଧାୟକ

ଓଡ଼ିଶା ତାଜା ନ୍ୟୁଜ (୨୬ ମଇ ବୁଧବାର ) କୋରାଇ :- ବାତ୍ୟା ‘ୟସ’ ପ୍ରଭାବରେ କୋରାଇ ବ୍ଲକରେ ବ୍ୟାପକ କ୍ଷୟକ୍ଷତି ହୋଇଛି । ବୁଧବାର ସନ୍ଧ୍ୟା ସୁଦ୍ଧା ବର୍ଷା ସାମାନ୍ୟ କମିଥିଲେ ବି ପବନ ବେଗ ଥମିନାହିଁ । ବାତ୍ୟାର ପ୍ରଭାବରେ ଅନେକ ଚାଳ ଛପର ଘର ଭାଙ୍ଗି ଯିବା ସହିତ ବ୍ଲକର ୫ଟି ପଂଚାୟତରେ ଗଛ ଉପୁଡ଼ି ବ୍ୟାପ କ୍ଷତି ହୋଇଛି । ବାତ୍ୟା ପ୍ରଭାବିତ ଲୋକଙ୍କୁ ରଣପୁର ପଂଚାୟତରେ ଥିବା ବହୁମୂଖୀ ବାତ୍ୟା ଆଶ୍ରୟ ସ୍ଥଳରେ ରଖାଯିବା ସହିତ ୪୭ଟି ବିଦ୍ୟାଳୟରେ ଖୋଲାଯାଇଥିବା ଅସ୍ଥାୟୀ ବାତ୍ୟା ଆଶ୍ରୟସ୍ଥଳରେ ମୋଟ ୩ଜହାର ୪ଶହ ୮୬ଜଣ ବିପନ୍ନଙ୍କୁ ବିଭିନ୍ନ ବାତ୍ୟା ଆଶ୍ରୟ ସ୍ଥଳରେ ରଖାଯିବା ସହିତ ସେମାନଙ୍କୁ ସକାଳେ ଶୁଖିଲା ଖାଦ୍ୟ ଓ ମଧ୍ୟହ୍ଣରେ ରନ୍ଧା ଖାଦ୍ୟ ଦିଆଯାଇଛି ।

ସୂଚନା ଅନୁଯାୟୀ ବ୍ଲକ ପ୍ରଶାସନ ପକ୍ଷରୁ ବ୍ଲକର ୨୮ଟି ପଂଚାୟତରେ ୫୩ଟି ଅସ୍ଥାୟୀ ବାତ୍ୟା ଆଶ୍ରୟ ସ୍ଥଳୀ ଖୋଲା ଯାଇ ୫୪୯୦ଜଣଙ୍କ ନିମନ୍ତେ ବ୍ୟବସ୍ଥା କରାଯାଇଥିଲା ବେଳେ ପରିସ୍ଥିତ ଅନୁଯାୟୀ ୨୧ଟି ପଂଚାୟତର ୪୭କେନ୍ଦ୍ରରେ ପ୍ରଭାବିତ ଲୋକଙ୍କୁ ଥଇଥାନ କରାଯାଇଚି । ସେଥିମଧ୍ୟରୁ ଅମୃତିଆ ପଂଚାୟତର ୩ଟି କେନ୍ଦ୍ରରେ ୩୩୦ଜଣ, ଅନ୍ଧାର ପଂଚାୟତର ଗୋଟିଏ କେନ୍ଦ୍ରରେ ୮୩ଜଣ, ବରୁଣ୍ଡାଇ ପଂଚାୟତରେ ଗୋଟିଏ କେନ୍ଦ୍ରରେ ୧୧୫ଜଣ, ଧନେଶ୍ୱର ପଂଚାୟତର ୩ଟିକେନ୍ଦ୍ରରେ ୨୦୨ଜଣ, ଗୋଳେଇପୁର ପଂଚାୟତର ୨ଟି କେନ୍ଦ୍ରରେ ୧୫୨ଜଣ,

ହଳଦିଗଡିଆ ପଂଚାୟତର ୨ଟି କେନ୍ଦ୍ରରେ ୯୫ଜଣ, ଜହ୍ନା ପଂଚାୟତର ୩ଟି କେନ୍ଦ୍ରରେ ୨୦୫ଜଣ, କନ୍ତୋର ପଂଚାୟତର ୩ଟି କେନ୍ଦ୍ରରେ ୧୪୩ଜଣ, କରଦା ପଂଚାୟତର ଗୋଟିଏ କେନ୍ଦ୍ରରେ ୬୪ଜଣ, ଖମଣ ପଂଚାୟତର ୩ଟି କେନ୍ଦ୍ରରେ ୧୯୨ଜଣ, ମକୁନ୍ଦପୁର ପଂଚାୟତର ୪ଟି କେନ୍ଦ୍ରରେ ୨୧୮ଜଣ, ମୁଳାପାଳ ପଂଚାୟତର ୩ଟି କେନ୍ଦ୍ରରେ ୧୭୧ଜଣ, ପଛିକୋଟ ପଂଚାୟତର ଗୋଟିଏ କେନ୍ଦ୍ରରେ ୫୪ଜଣ, ପାଟରଙ୍ଗା ପଂଚାୟତର ଗୋଟିଏ କେନ୍ଦ୍ରରେ ୫୫ଜଣ, ପଥରପଦା ପଂଚାୟତର ୪ଟି କେନ୍ଦ୍ରରେ ୭୦୦ଜଣ, ରଣପୁର ପଂଚାୟତର ଗୋଟିଏ କେନ୍ଦ୍ରରେ ୮୦ଜଣ, ସାଦକପୁର ପଂଚାୟତର ଗୋଟିଏ କେନ୍ଦ୍ରରେ ୧୨ଜଣ, ତାହାରପୁର ପଂଚାୟତର ଗୋଟିଏ କେନ୍ଦ୍ରରେ ୨୧ଜଣ,

ତଳଗଡ ପଂଚାୟତର ୨ଟି କେନ୍ଦ୍ରରେ ୧୮୩ଜଣ, ତଣ୍ଡରା ପଂଚାୟତର ଗୋଟିଏ କେନ୍ଦ୍ରରେ ୧୨୮ଜଣ ଓ ତୁଳତି ପଂଚାୟତର ୩ଟି କେନ୍ଦ୍ରରେ ୬୬ଜଣଙ୍କୁ ମିଶାଇ ମୋଟ ୩୪୮୬( ବୟସ୍କ-୨୪୩୯ ଓ ଛୋଟ-୧୦୪୭) ଥଇଥାନ କରାଯାଇଛି । ବାତ୍ୟା ଆଶ୍ରୟ ସ୍ଥଳୀକୁ କୋରାଇ ବ୍ଲକ ବତ୍ୟାମୁକବିଲା ଦାୟିତ୍ୱରେ ଥିବା ନୋଲ ଅଫିସର ଜିଲା ପ୍ରକଳ୍ପ ଅଧିକାରୀ ବିଶାଲ ସିଂ ବିଭିନ୍ନ ଆଶ୍ରୟ ସ୍ଥଳୀ ବୁଲି ତଦାରକ କରିଥିଲା ବେଳେ ବିଡିଓ ଶ୍ୱେତା ସ୍ନିଗ୍ଧା ଉପସ୍ଥିତ ରହିଥିଲେ । ଅନ୍ୟପକ୍ଷରେ କୋରାଇ ବିଧାୟକ ଅଶୋକ କୁମାର ବଳ ବନ୍ଦାଳୋ ପଂଚାୟତ କାର୍ଯ୍ୟାଳୟରେ ପଂହଚି ସରପଂଚ ସୁରେଖା ସେଠୀ,

ସମିତିସଭ୍ୟ ନୀଳାଦ୍ରି ଭୂଷଣ ସାହୁଙ୍କ ସମେତ ପଂଚାୟତ ନିର୍ବାହୀ ଅଧିକାରୀଙ୍କ ସହିତ ବାତ୍ୟାରେ ପ୍ରଭାବିତ ଲୋକେ କିପରି ରହିଛନ୍ତି ଓ ପ୍ରଶାସନ ପକ୍ଷରୁ କିପରି ବ୍ୟବସ୍ଥା କରାଯାଇଛି ସେ ସମ୍ପର୍କରେ ତଦାରଖ କରିଥିଲେ । ଆଶ୍ରୟ ସ୍ଥଳୀରେ ଥିବା ବିପନ୍ନଙ୍କୁ ରନ୍ଧା ଖାଦ୍ୟ ଦିଆଯାଇଥିଲା ବେଳେ ଏକ ହଜାର ପ୍ୟାକେଟ ବିସ୍କୁଲ ଦିଆଯାଇଥିଲା ବେଳେ କରୋନା କଟକଣା ଅନୁଯାଇ ସମସ୍ତଙ୍କୁ ମାସ୍କ, ସବୁନ ଦିଆଯାଇଥିଲା ବେଳେ ସାମଜିକ ଦୂରତା ସହ କେନ୍ଦ୍ରକୁ ମଧ୍ୟ ସାନିଟାଇଜର କରାଯାଇଛି । ଆଶ୍ରୟ ସ୍ଥଳୀ ପରିଚାଳନାରେ ସମସ୍ତ ପଂଚାୟତର ସରପଂଚ, କାର୍ଯ୍ୟନିର୍ବାହୀ ଅଧିକାରୀ, ଜିଆରଏସମାନେ ସହାୟତା କରିଥିଲେ । (କୋରାଇରୁ ରଶ୍ମିରେଖା ମଲ୍ଲିକଙ୍କ ରିପୋର୍ଟ)