ମକୁନ୍ଦପୁରରେ ଅଗ୍ନିକାଣ୍ଡ : ୪ବଖରା ଜଳିଗଲା

ଓଡ଼ିଶା ତାଜା ନ୍ୟୁଜ (୨୩ ମଇ ରବିବାର )  କୋରାଇ :- କୋରାଇ ବ୍ଲକ ଅନ୍ତର୍ଗତ ମକୁନ୍ଦପୁର ଗ୍ରାମର ଉପରସାହିରେ ଆଜି ଅପରାହ୍ଣରେ ଅଗ୍ନିକାଣ୍ଡ ଘଟି ଦୁଇ ପରିବାର ୪ବଖର ଘର ପୋଡି ପାଉଁଶ ହୋଇ ଯାଇଛି । ଆଜି ଅପରାହ୍ଣ ପ୍ରାୟ ସାଢେ ୫ଟା ବେଳେ ମକୁନ୍ଦପୁର ଗାଁ ଉପରସାହିର ସଦାଶିବ ପରିଡାଙ୍କ ଘରେ ନିଆଁଲାଗି ଥିଲା । ନିଆଁର ପ୍ରକୋପ ବ୍ୟାପକ ଥିବାରୁ ତାହାକୁ ସ୍ଥାନୀୟ ଲୋକେ ଲିଭାଇବା ପାଇଁ ଚେଷ୍ଟି କରିଥିଲେହେଁ ସକ୍ଷମ ହୋଇ ପାରିନଥିଲେ । ଫଳରେ ନିଆଁ ତାଙ୍କ ଭାଇ ପୂର୍ଣ୍ଣଚନ୍ଦ୍ର ପରିଡାଙ୍କ ଘରକୁ ବ୍ୟାଯାଇଥିଲା ।

ଖବରପାଇ ବରୁଣ୍ଡାଇ ଦମକଳ ବାହିନୀ ପଂହଚି ନିଆଁକୁ ଆୟତ କରିଥିଲେ । ହେଲେ ସେତେବେଳେକୁ ସଦାଶିବଙ୍କ ଦୁଇ ବଖରା ସମେତ ପୂର୍ଣ୍ଣଚନ୍ଦ୍ରଙ୍କର ମଧ୍ୟ ଦୁଇ ବଖରା ପୋଡି ଯାଇଥିଲା । ଘରେ ରହିଥିବା ସମସ୍ତ ଜିନିଷ ପତ୍ର ଖୋଲାବା ସମ୍ଭ ହୋଇ ପରିନଥିବାରୁ ଧାନ, ଚାଉଳ ଆଦି ଆଶବାବ ପତ୍ର ପୋଡି ପାଉଁଶ ହୋଇଯାଇଥିଲା । ନିଆଁ ଲାଗିବାର ସଠିକ କାରଣ ଜଣାପଡି ନଥିଲେହେଁ ବିଦ୍ୟୁତ ସର୍ଟ ସର୍କିଟ ଯୋଗୁ ନିଆଁ ଲାଗିଥିବା କୁହାଯାଉଛି । ସର୍ବସ୍ୱ ରହାଇଥିବା ବିପନ୍ନ ପରିବାରକୁ ସରକାରୀ ସହାୟତା ଯୋଗାଇ ଦେବାକୁ ଗ୍ରାମାବାସୀଙ୍କ ପକ୍ଷରୁ ଦାବି ହୋଇଛି । (କୋରାଇରୁ ରଶ୍ମିରେଖା ମଲ୍ଲିକଙ୍କ ରିପୋର୍ଟ)