୧୨ ଲିଟର ବିଦେଶୀ ମଦ ଜବତ, ଜଣେ ଗିରଫ

ଓଡ଼ିଶା ତାଜା ନ୍ୟୁଜ (୨୧ ମଇ ଶୁକ୍ରବାର ) ହିଞ୍ଜିଳିକାଟୁ :- ଶନିବାର ରାତି ପ୍ରାୟ ସାଢେ଼ ୯ଘଣ୍ଟା ସମୟରେ ହିଞ୍ଜିଳିକାଟୁ ପୈାରାଞ୍ଚଳ ରେଗିଡି ସାହିରେ ପୁଲିସ ଚଢ଼ାଉ କରି ବିଭିନ୍ନ ବ୍ରାଣ୍ଡର ପ୍ରାୟ ୧୨ଲିଟର ବିଦେଶୀ ମଦ ଜବତ କରିଛି । ଏ ନେଇ ହିଞ୍ଜିଳି ଥାନାରେ ନଂ ୨୫୯/୨୧ରେ ଏକ ମାମଲା ରୁଜୁ କରି ଘର ଭିତରେ ବେଆଇନ ଭାବେ ବିଦେଶୀ ମଦ ବିକ୍ରି କରୁଥିବା ଅଭିଯୋଗରେ ଅନିଲ ଚୈଧୁରୀଙ୍କୁ ଗିରଫ କରିଛି । ମହାମାରୀ କରୋନା ଭୁତାଣୁ ସଂକ୍ରମଣର ଦ୍ବିତୀୟ ଲହର ପ୍ରାଣଘାତୀ ସାଜିଛି । ଏହାକୁ ପ୍ରତିହିତ କରିବା ପାଇଁ ରାଜ୍ୟ ସରକାର ନାଇଟକର୍ଫ୍ୟୁ, ସପ୍ତାହନ୍ତ ସଟଡାଉନ ଓ ଲକଡାଉନ ଘୋଷଣା କରିଛନ୍ତି ।

ଲକଡାଉନ ସମୟରେ କେବଳ ଅତ୍ୟାବଶ୍ୟକ ସାମଗ୍ରୀର ଦୋକାନ ବଜାର ସକାଳ ୭ଟାରୁ ୧୧ଟା ପର୍ଯ୍ୟନ୍ତ ଖୋଲିବାକୁ ଅନୁମତି ପ୍ରଦାନ କରାଯାଇଛି । ଏପରିକି ସଂପୃକ୍ତ ସମୟରେ ମଦ ବିକ୍ରି କେବଳ ହୋମ ଡେଲିକରି ପାଇଁ ଅନୁମତି ପ୍ରଦାନ କରାଯାଇଛି । ହେଲେ କିଛି ଅସାମାଜିକ ଯୁବକ ବିଭିନ୍ନ ସ୍ଥାନରୁ ଚୋରାରେ ମଦ ଆଣି ବେଆଇନ ଭାବେ ଚଢା ଦରରେ ବିକୁଥିବା ଦେଖିବାକୁ ମିଳିଛି । ଆଗାମୀ ଦିନରେ ବେଆଇନ ଭାବେ ମଦ ବିକ୍ରି କରୁଥିବା ଲୋକଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବା ସହିତ ଚଢ଼ାଉ ଜାରି ରହିବ ବୋଲି ଥାନା ଭାରପ୍ରାପ୍ତ ଅଧିକାରୀ ଅଭିମନ୍ୟୁ ଦାସ କହିଛନ୍ତି ।     ( ରିପୋର୍ଟ ଶୁସାନ୍ତ ପ୍ରଧାନ )