ଓଡ଼ିଶା ତାଜା ନ୍ୟୁଜ (୨୧ ମଇ ଶୁକ୍ରବାର ) ବାଙ୍କୀ :- ବାଙ୍କୀ ଅବକାରୀ ବିଭାଗ ଅଧିକାରୀ ତେଲେସ୍ଫର ଲାକ୍ରା ଙ୍କ ନେତୃତ୍ୱରେ ଅବକାରୀ ଦଳ ବାଙ୍କୀର ବିଭିନ୍ନ ସ୍ଥାନ ଚଢ଼ାଉ କରି ଥିଲେ । ଡମପଡା ବ୍ଲକ ଇନ୍ଦୁମତୀ ପାଟଣା, କୁଶପଙ୍ଗି ଓ ଭଗିପୁରରେ ଅବକାରୀ ବିଭାଗର ଚଢ଼ାଉ କରାଯାଇ ୬୮ଲିଟର ଚୋରା ଦେଶୀମଦ ଜବତ କରାଯିବା ସହ ଗୋଟିଏ ହିରୋ ଏଚଏଫ ଡିଲକ୍ସ ମୋଟର ସାଇକେଲ ଜବତ କରାଯାଇଛି । ଇନ୍ଦୁମତୀପାଟଣାର ସୁକାନ୍ତ କୁମାର ଭୋଇଙ୍କ ଠାରୁ ୮ଲିଟର, କୁଶପଙ୍ଗି ଗ୍ରାମର ଗୁଣ୍ଡିଚା ଗଢ଼େଇଙ୍କ ଠାରୁ କୁଶପଙ୍ଗି ଗ୍ରାମ୍ୟ ରାସ୍ତା ୨୦ଲିଟର, ମୁଣ୍ଡଳିର କାଁହୁ ଦଳେଇ ୪୦ଲିଟର ଦେଶୀ ଚୋରାମଦ ଓଡ଼ି୦୫ଏ୨୧୫୨ ହିରୋ ଏଚଏଫ ଡିଲକ୍ସ ମୋଟର ସାଇକେଲ ନେଇ ଯାଉଥିବା ବେଳେ ଭଗିପୁର ଗ୍ରାମବାସି ସହଯୋଗରେ ଭଗିପୁର ଗ୍ରାମ୍ୟ ରାସ୍ତାରେ ଅବକାରୀ ବିଭାଗ ତାକୁ ଗିରଫ କରି ଦେଶୀ ଚୋରାମଦ ଓ ମାତ୍ର ସାଇକେଲ ଜବତ କରି ଥିଲା ।
୩ ଜଣଙ୍କୁ ଗିରଫ କରି ସେମାନଙ୍କ କୋଭିଡ ପରୀକ୍ଷା ବାଙ୍କୀ ଉପଖଣ୍ଡ ଚିକିତ୍ସାଳୟରେ କରାଯାଇ ବାଙ୍କୀ କୋର୍ଟକୁ ଚାଲାଣ କରାଯାଇ ବାଙ୍କୀ ଉପକାରାଗାରାକୁ ପଠାଇ ଦିଆଯାଇଛି । ଅବକାରୀ କର୍ମଚାରୀ ଦୀପକ କୁମାର ସାମଲ, ସଂଜୟ କୁମାର ରାଉତ, ସନ୍ତୋଷ କୁମାର ମହାରଣା, ବିଶ୍ୱନାଥ ସୁରେନ୍ ପ୍ରଭୃତି ଏହି ଚଢ଼ାଉ କାଯ୍ୟରେ ସହଯୋଗ କରିଥିଲେ (ରିପୋର୍ଟ ଗୌତମ ମିଶ୍ର )
