କଟକ ସଦର ପୋଲିସ ପକ୍ଷରୁ ୪ ଚୋରୀ ବାଇକ୍ ଜବତ ଜଣେ ଗିରଫ

ଓଡ଼ିଶା ତାଜା ନ୍ୟୁଜ (୧୮ ମଇ ମଙ୍ଗଳବାର ) କଟକ :- କଟକ, କଟକ ସଦର ପୋଲିସ ସୋମବାର ଦିନ ୪ଟି ଚୋରା ବାଇକ୍ , ଜବତ କରିବା ସହ ଜଣେ ଯୁବକକୁ ,ଭାଣପୁର ନିକଟରେ କେଳା ବସ୍ତିରେ ରହୁଥିବା ସୁଦାମ ପ୍ରଧାନକୁ, ଗିରଫ କରିଛି । ସୁଦାମର ଘର ଗଞ୍ଜାମ ଜିଲ୍ଲା ଖଲିକୋଟ ଥାନା ଅନ୍ତର୍ଗତ ମାଟିଆସାହିରେ । ସେ ଏବଂ ତାର ବାପା ମା, ଭାଣପୁର ନିକଟରେ ରହି ବିଭିନ୍ନ ସ୍ଥାନରେ ମାଟି ଖୋଳା କାମ କରନ୍ତି । ସୁଦାମ ଏବଂ ତାର ଜଣେ ସହ ଯୋଗୀ ମିଶି ,ସୁଯୋଗ ଦେଖି ବାଇକ୍ ଚୋରୀ କରିଥାନ୍ତି ବୋଲି ତଦନ୍ତ କରୁଥିବା ସଦର ଥାନାର ସବ୍ଇନିସପେକ୍ଟର ମୁରଲୀ ଧର ସାହୁଙ୍କ ନିକଟରେ ପ୍ରକାଶ କରିଛି ।

ସୁଦାମ ଏବଂ ତାର ସହଯୋଗୀ ମିଶି କଟକ ସଦର ଥାନା ଅନ୍ତର୍ଗତ ପ୍ରତାପନଗରୀ, ପାଇକସାହି, ସଇଁନ୍ଧା ଗ୍ରାମରୁ ୪ଟି ବାଇକ୍ ଚୋରି କରି ଏକ ଘରେ ଲୁଚାଇ ରଖିଥୀବା ପୋଲିସ ବିଶେଷ ସୁତ୍ରରୁ ଖବର ପାଇଥିଲା । ଖବର ପାଇ ସବ୍ଇନିସପେକ୍ଟର ମୁରଲୀ ଧର ସାହୁ, ଏସ୍ ଆଇ ହରିଶଙ୍କର ଭୋଇ, ଏ ଏସ୍ ଆଇ ଯୁଗଳ କିଶୋର ବିଶ୍ୱାଳ ଚଢ଼ାଉ କରି ସୁଦାମକୁ ଧରିବାରେ ସକ୍ଷମ ହୋଇଥିଲେ । ମଙ୍ଗଳବାର ଗିରଫ ସୁଦାମ ପ୍ରଧାନ କୁ କୋର୍ଟ ଚାଲାଣ କରାଯିବ ।  (କଟକରୁ ଅମୂଲ୍ୟ କୁମାର ବାରିକଙ୍କ ରିପୋର୍ଟ)