No Result
View All Result
ଓଡ଼ିଶା ତାଜା ନ୍ୟୁଜ (୧୬ ମଇ ରବିବାର )ହିଞ୍ଜିଳିକାଟୁ :- ସାରା ଦେଶରେ ମହାମାରୀ କରୋନା ରଚିଛି ମହା ବିପର୍ଯ୍ୟୟ।ଓଡ଼ିଶାରେ ଦ୍ଵିତୀୟ ଲହରର ତୀବ୍ରତା କିଛି କମ ନୁହେଁ।ଦୈନିକ ସଂକ୍ରମଣ ହାର କିଛି ଦିନ ଧରି ୧୦ ହଜାରରୁ ପାର ହୋଇ ଉର୍ଦ୍ଧ୍ବ ମୁଁହା ହୋଇଛି।ରାଜ୍ୟରେ ସବୁଠି ଦେଖାଦେଇଛି କରୋନାର ସଙ୍ଗୀନ ପରିସ୍ଥିତି।କୋଭିଡ ମହାମାରୀ ମୁକାବିଲା କ୍ଷେତ୍ରରେ ଦେଶର ଅନ୍ୟାନ୍ୟ ରାଜ୍ୟ ଅପେକ୍ଷା ଓଡ଼ିଶା ସରକାରଙ୍କ ଉଦ୍ୟମ ଓ ପଦକ୍ଷେପ ପ୍ରଶଂସନୀୟ।ଲୋକଙ୍କ ଜୀବନ ଓ ଜୀବିକା ପ୍ରତି ଦୃଷ୍ଟି ଦେଇ କୋଭିଡ-୧୯ କୁ ପ୍ରତିହତ କରିବା ସକାଶେ ରାଜ୍ୟ ମୁଖ୍ୟମନ୍ତ୍ରୀ ବିଭିନ୍ନ ସକରାତ୍ମକ ପଦକ୍ଷେପ ଗ୍ରହଣ କରିଛନ୍ତି।ପ୍ରଧାନମନ୍ତ୍ରୀଙ୍କ ଠାରୁ ଆରମ୍ଭ କରି ମୁଖ୍ୟମନ୍ତ୍ରୀ,ସ୍ୱାସ୍ଥ୍ୟ ଵିଶେଷଜ୍ଞ,ପ୍ରମୁଖ ଶାସନ ସଚିବ, ପୁଲିସ ମହା ନିର୍ଦ୍ଦେଶକ,ଖ୍ୟାତନାମା ବ୍ୟକ୍ତିବିଶେଷଙ୍କ ସମେତ ଜିଲ୍ଲାପାଳ ଓ ଉପ ଜିଲ୍ଲାପାଳ ଯାଏଁ କୋଭିଡ ନିୟମ ଅନୁପାଳନ ଓ ସଚେତନତା ଉପରେ ବିଶେଷ ଗୁରୁତ୍ୱ ପ୍ରଦାନ କରିଛନ୍ତି ।
ମୁଖ୍ୟତଃ ମାସ୍କ ବ୍ୟବହାର ହିଁ ଏକମାତ୍ର ବିକଳ୍ପ ବୋଲି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ରାଜ୍ୟବାସୀଙ୍କୁ ବାରମ୍ବାର ଅପିଲ କରି ଆସୁଛନ୍ତି । ଦୃଢ଼ ମୁକାବିଲା ନିମନ୍ତେ ସଚେତନତା ଅଭିଯାନକୁ ସବୁଠାରେ ଓ ସବୁ ସମୟରେ ବିଭିନ୍ନ ଢଙ୍ଗରେ ପ୍ରାଧାନ୍ୟ ଦିଆଯାଇଛି।ଏହି କ୍ରମରେ ଜିଲ୍ଲା ଓ ବ୍ଳକ ପ୍ରଶାସନ ପକ୍ଷରୁ କରୋନା ସଚେତନତା ଅଭିଯାନ ତ୍ୱରାନ୍ୱିତ ହୋଇଛି। ସ୍ଥାନୀୟ ବ୍ଳକ ଗଣ୍ଡଳା ପଞ୍ଚାୟତରେ ରବିବାର କରୋନା ସଚେତନତା ଅଭିଯାନ ଆରମ୍ଭ ହୋଇଥିଲା।ବ୍ଳକ ହିସାବ ଅଧିକାରୀ ଦିବ୍ୟସିଂହ ନାୟକ,ସରପଞ୍ଚ ଗୌରୀ ସାହୁ,ସୁଧାଂଶୁ ସାହୁ,ପିଇଓ ନବୀନ ମହାରଣା ପ୍ରମୁଖ ଯୋଗ ଦେଇଥିଲେ।ପରେ ଏକ ରାଲି ଆୟୋଜିତ ହୋଇ ଗ୍ରାମ ପରିକ୍ରମାକରି ମାସ୍କ ପରିଧାନ,ସାମାଜିକ ଦୂରତା,ହାତକୁ ବାରମ୍ବାର ସାବୁନ କିମ୍ବା ସାନିଟାଇଜେର ଦ୍ୱାରା ସଫା କରିବା,ବିନା କାରଣରେ ବାହାରେ ବୁଲାବୁଲି ନ କରି ଘରେ ରହିବା ଓ ପଞ୍ଚସୁତ୍ରୀ ନିୟମକୁ କଡାକଡି ପାଳନ କରିବା ଲାଗି ଜନ ସାଧାରଣଙ୍କ ମଧ୍ୟରେ ଅଂଶ ଗ୍ରହଣକାରୀ ମାନେ ସଚେତନତା ବାର୍ତ୍ତା ପ୍ରଦାନ କରିଥିଲେ।ଅନ୍ୟ ମାନଙ୍କ ମଧ୍ୟରେ ଅଙ୍ଗନବାଡି କର୍ମୀ,ରାମକୃଷ୍ଣ ମହାନ୍ତି ଓ ଗ୍ରାମବାସୀ ସହଯୋଗ କରିଥିଲେ । ( ରିପୋର୍ଟ : ଶୁସାନ୍ତ ପ୍ରଧାନ )
No Result
View All Result