ଢଁସର ସବୁଜ ବାହିନୀ ପକ୍ଷରୁ ଗଛରେ ହାଣ୍ଡି,ମାଠିଆ ବାନ୍ଧି ପକ୍ଷୀମାନଙ୍କ ପାଇଁ ପାନୀୟ ଜଳର ବ୍ୟବସ୍ଥା

ଓଡ଼ିଶା ତାଜା ନ୍ୟୁଜ (୧୬ ମଇ ରବିବାର ) ବାଙ୍କୀ :- ବାଙ୍କୀ ଉପଖଣ୍ଡ ଢଁସର ସବୁଜ ବାହିନୀର ପରିବେଶ କର୍ମୀମାନେ ମହାପର୍ବତ ପାଦଦେଶରେ ଥିବା ଗଛଗୁଡିକର ଡାଳରେ ହାଣ୍ଡି, ମାଠିଆ ବାନ୍ଧି ପକ୍ଷୀମାନଙ୍କର ଜଳ ପିଇବାର ସୁବିଧା କରିଛନ୍ତି । ଯାହା ଫଳରେ ନାନା ଜାତିର ପକ୍ଷୀମାନେ ପ୍ରଚଣ୍ଡ ଗ୍ରୀଷ୍ମତାପ ଯୋଗୁ ଦୋଳାୟମାନ ପାତ୍ରରୁ ଜଳପାନ କରି ତୃଷ୍ଣା ମେଣ୍ଟାଇ ପାରୁଛନ୍ତି ।

 ପକ୍ଷୀମାନଙ୍କର ଜଳ ପିଇବା ଦୃଶ୍ୟ ଦେଖି ସବୁଜ ବାହିନୀର କର୍ମୀମାନଙ୍କ ମଧ୍ୟରେ ଉତ୍ସାହ ଦେଖାଦେଇଛି ଏବଂ ସେମାନଙ୍କର ଶ୍ରମ ସଫଳ ହୋଇଥିବାରୁ ସେମାନେ ଆନନ୍ଦ ଅନୁଭବ କରୁଛନ୍ତି । ଏହି ପ୍ରଚଣ୍ଡ ଗ୍ରୀଷ୍ମକାଳରେ ନିରିହ ପକ୍ଷୀମାନଙ୍କ ପାଇଁ ନିଜ ଛାତ ଉପରେ ଜଳପାନର ବ୍ୟବସ୍ଥା କରିବା ପାଇଁ ସବୁଜ ବାହିନୀ କର୍ମୀମାନେ ଜନସାଧାରଣଙ୍କୁ ଅନୁରୋଧ କରିଛନ୍ତି ।(ରିପୋର୍ଟ – ଗୌତମ ମିଶ୍ର )