ନହକା-ଖଇରା ରାସ୍ତାର ‘କୋଗାଁ’ ବୁଲାଣିରେ ୧୧ କେଭି ବିଦ୍ୟୁତ ଖୁଂଟ ପୋତାକୁ ବିରୋଧ , ଦୁର୍ଘଟଣା ଆଂଶଙ୍କା ନେଇ ଜନ ଅସନ୍ତୋଷ

ଓଡ଼ିଶା ତାଜା ନ୍ୟୁଜ (୧୪ ମେ ଶୁକ୍ରବାର )କୋରାଇ :- କୋରାଇ ବ୍ଲକ ଅନ୍ତର୍ଗତ ନହକା-ଖଇରା ପୂର୍ତବିଭାଗ ରାସ୍ତାର କୋଗାଁ ଗ୍ରାମର ବୁଲାଣିରେ ରାସ୍ତଉପରୁ ଲାଗି ୧୧କେଭି ବିଦ୍ୟୁତ ତାର ଯିବା ନିମନ୍ତେ ଖୁଂଟ ପୋତାଯାଇଛି । ଏହା ବୁଲାଣି ହୋଇଥିଲା ବେଳେ ଉଭୟ ପାଶ୍ୱର୍ରୁ ଆସୁଥିବା ବୋଲେରୋ, କାର ଠାରୁ ଆରମ୍ଭ କରି ବାଇକ ଯାତ୍ରୀ ଯାଏ ଖୁଂଟଥିବା ଜାଣିନପାରି ଅନାୟସରେ ଦୁର୍ଘଟଣାର ସ୧ୁଖିନ ହେବା ସମ୍ଭାବନା ସୃଷ୍ଠିି ହୋଇଛି । ଏମିତିକି ଘରପାଖରେ ମଧ୍ୟ ଖୁଂଟଟି ପୋତା ଯାଇଥିବାରୁ ସ୍ଥାନୀୟ ଅଂଚଳବାସୀଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି । ଏହାର ବିରୋଧ କରି କୋରାଇ ଥାନା ଓ ପୂର୍ତବିଭାଗ ନିକଟରେ ମେଲ ଜରିଆରେ ଅଂଚଳବାସୀ ଅଭିଯୋଗ ଜଣାଇଛନ୍ତି । ପ୍ରକାଶଯେ, କୋରାଇ ବ୍ଲକର ତଳଗଡ ପଂଚାୟତର ନୂଆଗଡ ପଡିଆରେ ବିଦ୍ୟୁତ ସବଷ୍ଟେସନ ସ୍ଥାପନା କରାଯାଉଛି । ସେହି ସବଷ୍ଟେସନରୁ ଖଇରା ଅଂଚଳକୁ ୧୧କେଭି ବିଦ୍ୟୁତ ଲାଇନ ଯିବା ନିମନ୍ତେ ଜଇଁନ୍ତଳ ଦେଇ ବେରୁଣପୁର ପରେ ନହକା-ଖଇରା ପୂର୍ତବିଭାଗ ରାସ୍ତା ପାଶ୍ୱର୍ର ତାହାରପୁରରୁ କୋଗାଁ ଦେଇ ଖୁଂଟ ବସୁଛି ।

ରାସ୍ତାର ଉଭୟ ପାଶ୍ୱର୍ରେ ସ୍ଥାନ ରହିଥିଲା ବେଳେ ବିଦ୍ୟୁତ ବିଭାଗ ପକ୍ଷରୁ ସେହି ରାସ୍ତାଦେଇ ଯାଉଥିବା ଉଚ୍ଚ ଶକ୍ତି ସଂମ୍ପର୍ଣ୍ଣ ବିଦ୍ୟୁତ ତାର ଯିବାପାଇଁ ଖୁଂଟ କୋଗାଁ ଗ୍ରାମର ବୁଲାଣିରେ ରାସ୍ତା ଉପରିକୁ ମାଡି ପୋତା ଯାଉଛି । ଏହାକୁ ଲାଗି ଜୈନିକ ବ୍ୟକ୍ତିଙ୍କ ଘରରହିଥିବା ଓ ରାସ୍ତା ବୁଲାଣି ହେତୁ ପୋତାଯାଇଥିବା ବିଦ୍ୟୁତ ଖୁଂଟଟି ଉଭୟ ପାଶ୍ୱର୍ର ଯାତ୍ରୀଙ୍କୁ ସଠିକଭାବେ ଦେଖାଯିବ ନାହିଁ । ତେଣୁ ଏହି ରାସ୍ତାଦେଇ ଦୈନିକ ଯାତାୟତ କରୁଥିବା ଲକ୍ଷାଧିକ ଯାତ୍ରଙ୍କ ଦୁର୍ଘଟଣା ହେବା ସମ୍ଭାବନା ସୃଷ୍ଟି ହୋଇଛି । ଏନେଇ ସ୍ଥାନୀୟ ଅଧିବାସୀମାନେ ବିଦ୍ୟୁତ ବିଭାଗକୁ ଜଣାଇବା ସହ କୋରାଇ ଥାନ ଓ ପୂର୍ତବିଭାଗକୁ ମଧ୍ୟ ମେଲ ଜରିଆ ବିରୋଧ ପୂର୍ବକ ଖୁଂଟରେ ତା’ର ଟଣାଯିବା ପୂର୍ବରୁ ସଂପୃକ୍ତ ଖୁଂଟକୁ ନିରାପଦ ସ୍ଥାକୁ ସ୍ଥାନାନ୍ତରିତ କରାଯିବାକୁ ନିବେଦନ କରିଛନ୍ତି । ଏନେଇ ପୂର୍ତବିଭାଗ ସହକାରୀ କାର୍ଯ୍ୟନିର୍ବାହୀ ଯନ୍ତ୍ରୀ(ଏସଡିଓ) ପ୍ରଶାନ୍ତକୁମାର ଦାସଙ୍କୁ ପଚାରିବାରୁ ଯାତ୍ରୀଙ୍କ ସୁରକ୍ଷା ପ୍ରାଥମିକତା ଦୃଷ୍ଟିିରୁ ତାହାକୁ ତୁରନ୍ତ ଯାଂଚକରି ଆବଶ୍ୟକ ଅନୁଯାଇ ଖୁଂଟ ସ୍ଥାନାନ୍ତର କରିବାର ବ୍ୟବସ୍ଥା କରିବୁ ବୋଲି ପ୍ରତିକ୍ରିୟାରେ କହିଥିଲେ । ( ରିପୋର୍ଟ – ରଶ୍ମିରେଖା ମଲ୍ଲିକ )