କରୋନା ସଂକ୍ରମଣ କମୁନି ; ରାଜ୍ୟରେ ପୁଣି ୧୨ ହଜାର ଟପିଲା ଦୈନିକ ସଂକ୍ରମଣ

ଓଡ଼ିଶା ତାଜା ନ୍ୟୁଜ ( ୧୪ ମେ ଶୁକ୍ରବାର) ଭୁବନେଶ୍ୱର :-  ଦୈନିକ ସଂକ୍ରମଣ ସଂଖ୍ୟା ଆଉ ବଡ଼ ଡିଆଁ ମାରୁଛି, କିନ୍ତୁ ସଂକ୍ରମଣ ହାର ଖସୁନି । ରାଜ୍ୟରେ ପୁଣି ୧୨ ହଜାର ଟପିଲା ଦୈନିକ ସଂକ୍ରମଣ । ଗତ ୨୪ ଘଣ୍ଟାରେ ରାଜ୍ୟରେ ୩୦ଟି ଜିଲ୍ଲାରୁ ୧୨ ହଜାର ୩୯୦ ଜଣ ନୂଆ ଆକ୍ରାନ୍ତ ଚିହ୍ନଟ ହୋଇଛନ୍ତି। ସେମାନଙ୍କ ମଧ୍ୟରୁ ୬୯୩୮ ଜଣ କ୍ୱାରେଣ୍ଟାଇନ୍‌ରେ ଥିବା ବେଳେ ୫୪୫୨ ଜଣ ରୋଗୀ ସ୍ଥାନୀୟ ସଂକ୍ରମିତ ହୋଇଛନ୍ତି। ଏହାକୁ ମିଶାଇ ରାଜ୍ୟରେ ମୋଟ୍ କରୋନା ସଂକ୍ରମିତଙ୍କ ସଂଖ୍ୟା ୫ ଲକ୍ଷ ୮୮ ହଜାର ୬୮୭ ଜଣକୁ ଛୁଇଁଛି। ଏ ନେଇ ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷରୁ ସୂଚନା ଦିଆଯାଇଛି।

୨୪ ଘଣ୍ଟା ମଧ୍ୟରେ ଚିହ୍ନଟ ହୋଇଥିବା ୧୨ହଜାର ୩୯୦ ଆକ୍ରାନ୍ତଙ୍କ ମଧ୍ୟରୁ ଖୋର୍ଦ୍ଧା ଜିଲ୍ଲାରୁ ୨୨୦୧ ଜଣ, ସୁନ୍ଦରଗଡ଼ରୁ ୮୮୨ ଜଣ, କଟକରୁ ୭୧୯ ଜଣ, ସମ୍ବଲପୁରରୁ ୬୭୭ ଜଣ, ଅନୁଗୁଳରୁ ୫୩୨ ଜଣ, ଭଦ୍ରକରୁ ୫୦୭ ଜଣ,ମୟୂରଭଞ୍ଜରୁ ୪୮୦ ଜଣ,ପୁରୀରୁ ୪୬୯ ଜଣ, ବଲାଙ୍ଗୀରରୁ ୪୬୧ ଜଣ,ଯାଜପୁରରୁ ୪୩୬ ଜଣ, ଝାରସୁଗୁଡ଼ାରୁ ୪୧୩ ଜଣ, ଭଦ୍ରକରୁ ୪୧୨ ଜଣ, ଗଞ୍ଜାମରୁ ୩୮୭ ଜଣ, ନବରଙ୍ଗପୁରରୁ ୩୬୨ ଜଣ, ନୟାଗଡ଼ରୁ ୩୦୧ ଜଣ,ଜଗତସିଂହପୁରରୁ ୨୫୯ ଜଣ,କୋରାପୁଟରୁ ୨୪୬ ଜଣ, ବୌଦ୍ଧରୁ ୨୨୮ ଜଣ, କଳାହାଣ୍ଡିରୁ ୨୧୦ ଜଣ,କେନ୍ଦୁଝରରୁ ୨୦୮ ଜଣ, ନୂଆପଡ଼ାରୁ ୨୦୪ ଜଣ, ରାୟଗଡ଼ାରୁ ୧୮୭ ଜଣ, ସୋନପୁରରୁ ୧୭୮ ଜଣ, ଢ଼େଙ୍କାନାଳରୁ ୧୭୪ ଜଣ, କେନ୍ଦ୍ରାପଡ଼ାରୁ ୧୩୭ ଜଣ, ଗଜପତିରୁ ୧୧୫ ଜଣ, ଦେବଗଡ଼ରୁ ୧୦୮ ଜଣ,ମାଲକାନଗିରିରୁ ୧୦୩ ଜଣ, କନ୍ଧମାଳରୁ ୧୦୨ ଜଣ ଏବଂ ଷ୍ଟେଟ୍ ପୋଲ୍‌ରୁ ୩୫୨ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି।(ରିପୋର୍ଟ ଭଞ୍ଜ ବିହାରୀ ମହାନ୍ତି)