ଅମୃତାଞ୍ଜନ ହେଲ୍‌ଥକେୟାର୍‌ର କମ୍ଫି ପକ୍ଷରୁ ମହିଳାଙ୍କ ସ୍ୱାସ୍ଥ୍ୟ ଓ ସ୍ୱଚ୍ଛତାରେ ଉନ୍ନତି ଆଣିବା ଲକ୍ଷ୍ୟ

ଓଡ଼ିଶା ତାଜା ନ୍ୟୁଜ୍ (୧୨ ମଇ ବୁଧବାର )ଭୁବନେଶ୍ୱର :-   ଅମୃତାଞ୍ଜନ ହେଲ୍‌ଥକେୟାର୍ ଲିମିଟେଡ୍‌ର ଦ୍ରୁତ ଅଭିବୃଦ୍ଧିଶୀଳ ଋତୁସ୍ରାବ ସ୍ୱଚ୍ଛତା ବ୍ରାଣ୍ଡ୍ କମ୍ଫି ସ୍ନଗ୍ ଫିଟ୍ ପକ୍ଷରୁ ଉତ୍କୃଷ୍ଟ ପ୍ରଯୁକ୍ତିରେ ତିଆରି ସୁଲଭ ମୂଲ୍ୟର ଓ ଉଚ୍ଚ ମାନର ସାନିଟାରି ନାପ୍‌କିନ୍ ବଜାରର ଉପଲବ୍ଧ କରାଇ ମହିଳା ମାନଙ୍କ ସ୍ୱଚ୍ଛତା ବଜାରରେ ନୂତନ ଆଶା ସଂଚାର କରାଯାଇଛି । କପଡ଼ା ବ୍ୟବହାର କରୁଥିବା ମହିଳା ମାନଙ୍କ ମଧ୍ୟରେ ସାନିଟାରି ନାପକିନ୍‌ର ବ୍ୟବହାରକୁ ନେଇ ସଚେତନତା ସୃଷ୍ଟି କରିବା ଲାଗି କଂପାନି ତରଫରୁ ବଲିଉଡ୍‌ର ଚର୍ଚ୍ଚିତ ଅଭିନେତ୍ରୀ ଶ୍ରଦ୍ଧା କପୁରଙ୍କ ସହ ସହଯୋଗିତା ସ୍ଥାପନ କରି ଋତୁସ୍ରାବ ସ୍ୱଚ୍ଛତାକୁ ନେଇ ସଚେତନତା ଅଭିଯାନ ଆଗକୁ ବଢ଼ାଯାଇଛି । ଶ୍ରଦ୍ଧା କପୁର ଯୁବତୀ ମାନଙ୍କ ପାଇଁ ଜଣେ ରୋଲ୍ ମଡେଲ୍ ହୋଇଥିବା ବେଳେ ଜଣେ ଅଭିନେତ୍ରୀ ଭାବେ ସେ ନିଜ ମନକୁ ଛୁଇଁଥିବା କାରଣ ଉପରେ ଖୋଲାଖୋଲି ଭାବେ କହିଥାନ୍ତି ଓ ଅନେକଙ୍କୁ ଅନୁପାଣିତ କରିଛନ୍ତି । ଏଥର ସେ କମ୍ଫି ସହିତ ହାତ ମିଳାଇ ଦୀର୍ଘବର୍ଷ ପର୍ଯ୍ୟନ୍ତ ବହୁତ କମ୍ ଆଲୋଚନା ହୋଇଥିବା ଋତୁସ୍ରାବ ସ୍ୱଚ୍ଛତା ଉପରେ ସଚେତନତା ବାଣ୍ଟିବାକୁ ଆଗେଇ ଆସିଛନ୍ତି ।

ଏ ସମ୍ପର୍କରେ ଶ୍ରୀଯୁକ୍ତ ଏସ୍ ଶମ୍ଭୁ ପ୍ରସାଦ, ଅଧ୍ୟକ୍ଷ ଓ ପରିଚାଳନା ନିର୍ଦ୍ଦେଶକ, ଅମୃତାଞ୍ଜନ ହେଲ୍‌ଥକେୟାର୍ ଲିମିଟେଡ୍ କହିଛନ୍ତି ଯେ, “ମହିଳାଙ୍କ ଋତୁସ୍ରାବ ଓ ସ୍ୱଚ୍ଛତା ଉପରେ ସଚେତନତାର ସ୍ତର ବହୁତ ନିମ୍ନରେ ରହିଛି ଏବଂ ଦେଶର ଅନେକ ଅଂଶରେ ଏହାକୁ ଏବେବି ଦୁଶ୍ଚିନ୍ତା ଭାବେ ବିଚାର କରାଯାଉଛି । କାରଣ ଭିତ୍ତିରେ ଆଗକୁ ବଢ଼ୁଥିବା ଏକ କଂପାନି ଭାବେ ଆମେ ଏକ ଅଭିଯାନ ଆରମ୍ଭ କରିବୁ ଯାହାର ଲକ୍ଷ୍ୟ ହେଉଛି ଭାରତରେ ମହିଳାମାନଙ୍କୁ ସଶକ୍ତ କରିବାର ଉଦ୍ୟମ ସ୍ୱରୂପ ସେମାନଙ୍କ ସ୍ୱାସ୍ଥ୍ୟ ଓ ସ୍ୱଚ୍ଛତା ବିଷୟରେ ସଚେତନତା ବଢ଼ାଇବା । ଅମୃତାଞ୍ଜନ ହେଲ୍‌ଥକେୟାର୍‌ରେ ଆମେ ଦେଶର ଏହି ପ୍ରମୁଖ ସମସ୍ୟାକୁ ଅଗକୁ ବଢ଼ାଇବା ଏବଂ ସୁଲଭ ମୂଲ୍ୟରେ ଉଚ୍ଚ ଗୁଣାତ୍ମକ ମାନର ସ୍ୱଚ୍ଛତା ସମାଧାନ ପ୍ରଦାନ କରିବାକୁ ଚାହୁଁଛୁ । ଏହି ଲକ୍ଷ୍ୟ ସହିତ ଆମେ ଆମର କମ୍ଫି ଫିଟ୍ ବ୍ରାଣ୍ଡ୍‌କୁ ଆହୁରି ଦୃଢ଼ କରିବୁ । ଉତ୍ପାଦ ଯେଭଳି ସହଜରେ ଲୋକମାନଙ୍କ ପାଖରେ ପହଞ୍ଚିପାରିବ ସେଥିପାଇଁ ଆମେ ଗ୍ରାମାଞ୍ଚଳରେ ଏବଂ ସହରାଞ୍ଚଳର ଅନ୍ୟ ଅଞ୍ଚଳଗୁଡ଼ିକରେ ବିତରଣ ନେଟ୍‌ୱର୍କକୁ ସୁଦୃଢ଼ କରିବା ନିଶ୍ଚିତ କରିବୁ ।

ବିଗତ ପାଞ୍ଚ ବର୍ଷରେ କମ୍ଫି ୫ ଗୁଣା ଅଭିବୃଦ୍ଧି ହାସଲ କରିଛି ଏବଂ ଆମର ଅଭିଳାଷ ହେଉଛି ଆସନ୍ତା ୨-୩ ବର୍ଷ ଭିତରେ ଶ୍ରେଷ୍ଠ ତିନି ସ୍ଥାନର ପହଞ୍ଚିବା ।’’ ଏ ସମ୍ପର୍କରେ କଂପାନିର ଚିଫ୍ ମାର୍କେଟିଂ ଅଫିସର ମନି ଭାଗବତୀସ୍ୱରଣ କହିଛନ୍ତି ଯେ, ଗ୍ରାମୀଣ ଭାରତରେ ମାତ୍ର ୨-୩% ମହିଳା ସାନିଟାରି ନାପ୍‌କିନ୍ ବ୍ୟବହାର କରୁଥିବା ବେଳେ ଅଧିକାଂଶ କପଡ଼ା ଉପରେ ନିର୍ଭରଶୀଳ । ଆମର ନୂଆ ଅଭିଯାନର ଲକ୍ଷ୍ୟ ହେଉଛଇ ସେମାନଙ୍କୁ ସାନିଟାରି ନାପ୍‌କିନ୍ ବ୍ୟବହାରର ଲାଭ ବିଷୟରେ ସଚେତନ କରିବା । ଆମର ପ୍ରଥମ ବ୍ରାଣ୍ଡ୍ ଆମ୍ବାସାଡର୍ ଭାବେ ଶ୍ରଦ୍ଧା କପୁରଙ୍କୁ ହାସଲ କରିଥିବାରୁ ଆମେ ଉଲ୍ଲସିତ । ଆମେ ଚାହୁଁଥିବା ଗ୍ରାହକ ବର୍ଗଙ୍କ ମଧ୍ୟରେ ସେ ବେଶ୍‌ ଲୋକପ୍ର୍ରିୟ । ବ୍ରାଣ୍ଡ୍ ଆମ୍ବାସାଡର୍ ଭୂମିକାରେ ସେ ଅସଲିପଣ ଓ ବିଶ୍ୱସନୀୟତା ଆଣିବେ ଏବଂ ଆମେ ପରସ୍ପର ସହିତ ଏକ ଦୀର୍ଘସ୍ଥାୟୀ ଓ ପୂର୍ଣ୍ଣାଙ୍ଗ ସହଯୋଗିତାକୁ ଚାହିଁ ରହିଛୁ ।’’ ଏହି ଅଭିଯାନ ସମ୍ପର୍କରେ ଶ୍ରଦ୍ଧା କପୁର, ଅଭିନେତ୍ରୀ, ବଲିଉଡ୍ କହିଛନ୍ତି ଯେ, “କମ୍ଫି ସ୍ନଗ୍ ଫିଟ୍ ସାନିଟାରି ନାପ୍‌କିନ୍ ପାଇଁ ଅମୃତାଞ୍ଜନ ହେଲ୍‌ଥକେୟାର୍ ସହ ଯୋଡ଼ି ହୋଇଥିବାରୁ ମୁଁ ଅତ୍ୟନ୍ତ ଆନନ୍ଦିତ । ସାରା ଦେଶରେ ମହିଳାମାନଙ୍କୁ ସ୍ୱଚ୍ଛତା ଉତ୍ପାଦ ଯୋଗାଇବା ଏବଂ ଏବିଷୟରେ ସଚେତନତା ସଷ୍ଟି କରିବା ଲାଗି ଉଦ୍ୟମ ବେଶ୍ ପ୍ରଶଂସନୀୟ ।

ମହିଳାମାନଙ୍କ ସ୍ୱାସ୍ଥ୍ୟର ପ୍ରସାର ପାଇଁ ଭୂମିକା ନିର୍ବାହ କରିବା ଏବଂ ଦୀର୍ଘ ୧୨୭ ବର୍ଷରୁ ଅଧିକ ସମୟ ଧରି ଲୋକମାନଙ୍କ ଜୀବନକୁ ଛୁଇଁଥିବା ବ୍ରାଣ୍ଡ୍ ଅମୃତାଞ୍ଜନ ହେଲ୍‌ଥକେୟାର୍ ସହ ଯୋଡ଼ିହୋଇଥିବାରୁ ମୁଁ ଗର୍ବିତ ।’’ ନବନୀତ ବିର୍କ, କ୍ରିଏଟିଭ୍ ହେଡ୍‌-ସାଉଥ୍‌, ଆର୍ କେ ସ୍ୱାମୀ ବିବିଡିଓ କହିଛନ୍ତି ଯେ, “କ୍ଷୁଦ୍ର ପରିବର୍ତନ ଜୀବନରେ ବଡ଼ ଭିନ୍ନତା ଆଣିବାର ଭାବକୁ ନେଇ ଆମେ ଏହି ଅଭିଯାନ ତିଆରି କରିଛୁ । ଯଦି ଜଣେ ଯୁବତୀ ନିଜ ଋତୁସ୍ରାବକୁ ଆରାମରେ ଏବଂ ସ୍ୱଚ୍ଛତାର ସହ ପରିଚାଳନା କରିପାରିବେ ତେବେ ସେ କଲେଜ ଯାଇପାରିବେ, ସେ ଉନ୍ନତ ଶିକ୍ଷା ହାସଲ କରିପାରିବେ, ଉନ୍ନତ ସୁଯୋଗ ପାଇବେ ଏବଂ ଦୀର୍ଘମିଆଦୀ ଭିତିରେ ନିଜ ପାଇଁ ଏକ ଉନ୍ନତ ଜୀବନ ଗଠନ କରିପାରିବେ । ପ୍ରତି ବାଳିକା ପାଇଁ କଲେଜ ଜୀବନ ହେଉଛି ଏକ ପରିବର୍ତନର ସମୟ ଏବଂ ଯଦି ଋତୁସ୍ରାବକୁ ନେଇ କିଛି ଭୁଲ ହୁଏ ତେବେ କଲେଜରୁ ବାଦ ପଡ଼ିବା ଏବଂ ଲଜ୍ଜା ଯୋଗୁଁ ଘରେ ରହିବାକୁ ପଡ଼ିପାରେ । ବାଳିକାମାନଙ୍କ ଜୀବନର ଏହି ଗୁରୁତ୍ୱପୂର୍ଣ୍ଣ ମୁହୂର୍ତରେ କମ୍ଫିର ଟିଭିସି ସେମାନଙ୍କ ହାତ ଧରି ସହଜରେ ଉତମ ଭବିଷ୍ୟତ ଆଡ଼କୁ ନେଇଯିବ, ସେମାନଙ୍କୁ ବିଶ୍ୱାସ ଦେଉଛି ଏବଂ କ୍ଳାନ୍ତ ନହୋଇ ଉଡ଼ିବାରେ ସହାୟତା ପ୍ରଦାନ କରୁଛି । ଏହି ଅଭିଯାନର ପଂଚ୍‌ ଲାଇନ୍ ରଖାଯାଇଛି “ମୁଡ୍ କେ ନେହିଁ ଉଡ୍ କେ ଦେଖୋ’ । ତାହା ହେଉଛି କମ୍ଫିର ପ୍ରତିଶ୍ରୁତି ।’’