ପୂର୍ବତନ ସରପଞ୍ଚ କହ୍ନେଇ ଦାସଙ୍କ ପରଲୋକ ; ସ୍ଥାନୀୟ ଅଂଚଳରେ ଶୋକ

ଓଡ଼ିଶା ତାଜା ନ୍ୟୁଜ୍ (୦୬ ମଇ ଗୁରବାର )କୋରାଇ :- କୋରାଇ ବ୍ଲକ ଅନ୍ତର୍ଗତ ଗୌରପୁର ପଂଚାୟତର ପୂର୍ବତନ ସରପଞ୍ଚ କହ୍ନେଇ ଦାସଙ୍କର ଗତକାଲି ରାତିରେ ଦେହାନ୍ତ ହୋଇ ଯାଇଛି । ତାଙ୍କ ମୃତ୍ୟୁରେ ସମଗ୍ର ଅଂଚଳରେ ଶୋକର ଛାୟା ଖେଳିଯାଇଛି । ମୃତ୍ୟୁ ଖବର ପାଇ ବହୁମାନ୍ୟଜଗର‌୍ୟ ବ୍ୟକ୍ତି ତାଙ୍କ ମଙ୍ଗଳପୁର ସ୍ଥିତ ବାସଭବନରେ ପହଂଚି ଶେଷ ଦର୍ଶନ କରିବା ସହ ଶୋକସନ୍ତପ୍ତ ପରିବାରକୁ ଗଭୀର ସମବେଦନା ଜଣାଇଥିଲେ । ପ୍ରକାଶଯେ, ଗତ ଦୁଇଦିନ ତଳେ କହ୍ନେଇ ବାବୁ ଛାତିରେ ଯବଣା ଅନୁଭବ କରିଥିଲେ । ପରିବାର ଲୋକେ ତାଙ୍କୁ କଟକ ବଡ ମେଡିକାଲରେ ଭର୍ତିକରିବା ପରେ ସ୍ୱାସ୍ଥ୍ୟ ଅବସ୍ଥାରେ ସୁଧାର ଅସିବାରୁ ଡାକ୍ତରଙ୍କ ପରାମର୍ଶ କ୍ରମେ ଘରକୁ ନେଇ ଆସିଥିଲେ ା ବୁଧବାର ସନ୍ଧ୍ୟାରେ ପୁଣି ସେ ଛାତିରେ ଯବଣା ଅନୁଭବ କରିବାରୁ ତାଙ୍କୁ ଯାଜପୁର ଜିଲା ହସ୍ପିଟାଲକୁ ନେଇଯାଇଥିଲେ । ହେଲେ ଚିକିତ୍ସାଧିନ ଅବସ୍ଥାରେ ସେଠାରେ ତାଙ୍କର ମୃତ୍ୟୁ ହୋଇଥିଲା । ସ୍ୱର୍ଗତ ଦାସ ୧୯୯୨ମସିହାରେ ଗୌରପୁର ପଂଚାୟତର ସରପଂଚ ଭାବେ ନିର୍ବାଚିତ ହୋଇଥିଲେ ।

ପରବର୍ତି ସମୟରେ ଜନତା ଦଳରୁ ୨ନମ୍ବର ଜୋନରୁ ଜିଲାପରିଷଦ ପ୍ରର୍ଥୀଭାବେ ପ୍ରତିଦ୍ୱନ୍ଦିତା କରିଥିଲେ । ସେ ଦୀର୍ଘ ୩ଦଶନ୍ଧି ଧରି ରାଜନୀତିରେ ସକ୍ରିୟ ଅଂଶଗ୍ରହଣ କରି ଲୋକଙ୍କ ଅତିପ୍ରିୟ ଭାଜନ ହୋଇପାରିଥିଲେ । ସ୍ୱର୍ଗତ ଦାସଙ୍କ ବିୟୋଗରେ ଯାଜପୁର ବିଧାୟକ ପ୍ରଣବ ପ୍ରକାଶ ଦାସ, ସୁକିନ୍ଦା ବିଧାୟକ ଇଂ ପ୍ରୀତିରଞ୍ଜନ ଘଡାଇ, କୋରାଇ ବିଧାୟକ ଅଶୋକ କୁମାର ବଳ, ପୂର୍ବତନ ବିଧାୟକ ତଥା ‘ମୋ କଲେଜ ଅଧ୍ୟକ୍ଷ’ ଆକାଶ ଦାସନାୟକ, ଯାଜପୁର ପୂର୍ବତନ ପୌରାଧ୍ୟକ୍ଷ ଭବପ୍ରକାଶ ଦାସ, ଜିଲାପରିଷଦ ସଭ୍ୟା ମାତାଜୀ ଆଏଚ, ସଭ୍ୟ ଧରଣୀଧର ଘଡାଇ, ସରପଂଚ କାର୍ତିକ ଚନ୍ଦ୍ର ପଣ୍ଡା, ଜିଲାଯୁବବିଜେଡି ସଭାପତି ପ୍ରତାପଚନ୍ଦ୍ର ମହାନ୍ତି, ପୂର୍ବତନ ବ୍ଲକ ଅଧକ୍ଷ ଭିକାରି ବରାଳ, ଅପର୍ଣ୍ଣା ମହାନ୍ତି, ବିଧାୟକ ପ୍ରତିନଧି ତାରକେଶ୍ୱର ମହାନ୍ତି, ଅଥୟ ମହାନ୍ତି, ବ୍ଲକବିଜେଡି ସଭାପତି ଭକ୍ତବତ୍ସଳ ସ୍ୱାଇଁ, ଯୁବବିଜେଡି ସଭାପତି ନପ୍ରଶାନ୍ତ ମହାପାତ୍ର, ସ୍ଥାନୀୟ ସରପଞ୍ଚ ମମତା ସାହୁ, ବରୁଣ୍ଡାଇ ସରପଞ୍ଚ ସୌଭାଗ୍ୟ କୁମାର ମହାନ୍ତି, ସୁରେଖା ସେଠୀ, ଗଣେଶ ଚନ୍ଦ୍ର ସାହୁ, ସ୍ଥାନୀୟ ସମିତିସଭ୍ୟା ମାଣିକ ଦାସ, ବରିଷ୍ଠ ନେତା ବାସୁଦେବ ଖଣ୍ଡାଇ ପ୍ରମୁଖ ଶୋକ ପ୍ରକଟ କରି ସନ୍ତପ୍ତ ପରିବାରକୁ ସମବେଦନା ଜଣାଇଛନ୍ତି । ଏକ ଶୋକାକୁଳ ପରିବେଶରେ ଶବ ଶୋଭାଯାତ୍ରାରେ ନେଇ ଗ୍ରାମ ଶ୍ମସାନରେ କରୋନା କଟକଣା ଅନୁଯାୟୀ ଦାହ କରାଯାଇଥିଲା । ମଝିଆପୁଅ ଅଶୋକ ମୁଖାଗ୍ନି ଦେଇଥିବା ବେଳେ ସାନପୁଅ ସାମ୍ବାଦିକ ପ୍ରଫୁଲ୍ଲ ଦାସଙ୍କ ସମେତ ପରିବାର , ବନ୍ଧୁବର୍ଗ ଓ ଆତ୍ମୀୟ ସ୍ୱଜନ ଉପସ୍ଥିତଥିଲେ ।    ( ରିପୋର୍ଟ – ରଶ୍ମିରେଖା ମଲ୍ଲିକ )