ପଶ୍ଚିମବଙ୍ଗରେ ମୋଦି-ଅମିତ ଶାହ ଫେଲ : ଦିଦିଙ୍କୁ ପାରିଲେନି ଦାଦା – ମମତା ଗଢିବେ ସରକାର

ଦିଦିଙ୍କୁ ପାରିଲେନି ଦାଦା-ମମତା ଗଢିବେ ସରକାର

ଓଡ଼ିଶା ତାଜା ନ୍ୟୁଜ୍ (୦୨ ମଇ ରବିବାର ) କୋଲକାତା :- ପଶ୍ଚିମବଙ୍ଗ ବିଧାନସଭା ନିର୍ବାଚନରେ କ୍ଷମତା ହାସଲ ପାଇଁ ଯୋଜନା କରିଥିଲା ବିଜେପି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଗୃହମନ୍ତ୍ରୀ ଅମିତ ଶାହ ଜୋରଦାର କରିଥିଲେ ପ୍ରଚାର । କିନ୍ତୁ ଦିଦିଙ୍କୁ କ୍ଷମତାରୁ ହଟାଇବା ସମ୍ଭବ ହେଲାନି । ନିର୍ବାଚନ ଫଳାଫଳ ମମତାଙ୍କ ସପକ୍ଷରେ ଯାଉଛି । ନିର୍ବାଚନ ହୋଇଥିବା ୨୯୨ ଆସନର ଭୋଟଗଣତିରୁ ଅପରାହ୍ନ ସାଢ଼େ ୧୨ଟା ସୁଦ୍ଧା ତୃଣମୂଳ କଂଗ୍ରେସ ୨୦୨ ଆସନରେ ଆଗୁଆ ଥିବା ବେଳେ ବିଜେପି ୮୭ ଆସନରେ ଆଗୁଆ ଅଛନ୍ତି । ନନ୍ଦିଗ୍ରାମ୍ ରେ ମମତା ବାନାର୍ଜୀ ଏବଂ ଶୁଭେନ୍ଦୁ ଅଧିକାରୀଙ୍କ ମଧ୍ୟରେ କଡ଼ା ଟକ୍କର ଚାଲିଛି ।

ତାମିଲନାଡୁରେ ୨୩୪ ଆସନରୁ ଡିଏମକେ ୧୩୭ ଟି ଆସନରେ ଆଗୁଆ ଥିବା ବେଳେ ଏଆଇଏଡିଏମକେ ୯୬ ଆସନରେ ଆଗୁଆ ଅଛନ୍ତି । ଆସାମରେ ୧୨୬ ଆସନରୁ ବିଜେପି ମେଣ୍ଟ ୮୧ ଆସନରେ ଆଗୁଆ ଥିବା ବେଳେ କଂଗ୍ରେସ ମେଣ୍ଟ ୪୫ ଆସନରେ ଆଗୁଆ ଅଛନ୍ତି । କେରଳରେ ୧୪୦ ଆସନରୁ ଏଲଡିଏଫ୍ ୮୯ ଏବଂ ୟୁଡିଏଫ୍ ୪୬ ଆସନରେ ଆଗୁଆ ଅଛନ୍ତି । ବିଜେପି ୩ଟି ଆସନରେ ଆଗୁଆ ଅଛନ୍ତି । ପୁଡୁଚେରୀରେ ୩୦ ଆସନରୁ ବିଜେପି ମେଣ୍ଟ ୯ ଏବଂ କଂଗ୍ରେସ ମେଣ୍ଟ ୪ ଆସନରେ ଆଗୁଆ ଅଛନ୍ତି ।