ପୋଲିସ ଏନକାଉଣ୍ଟରରେ ଗ୍ୟଙ୍ଗଷ୍ଟାର ସକିଲର ସହଯୋଗୀ ବାବୁ ଆହତ

ଓଡ଼ିଶା ତାଜା ନ୍ୟୁଜ (୩୦ ଏପ୍ରିଲ ୨୦୨୧, ଶୁକ୍ରବାର ) କଟକ  :- କୁଖ୍ୟାତ ଗ୍ୟଙ୍ଗଷ୍ଟାର ସକିଲ ଅହମ୍ମଦର ମୁଖ୍ୟ ସହଯୋଗୀ ସେକ୍ ବାବୁ ଆଲିଆସ ବରେନ ବାବୁକୁ , ଚନ୍ଦକା -ବାରଙ୍ଗ ରାସ୍ତାର ବାରଙ୍ଗ ଇଏସଆଇ ହସ୍ପିଟାଲ ନିକଟରେ, ଗୁରୁବାର ରାତିରେ କଟକ ଦରଘାବଜାର ପୋଲିସ ଏନକାଉଣ୍ଟର କରିଛି । ଏହି ଏନକାଉଣ୍ଟରରେ ହାର୍ଡ କୋର କ୍ରିମିନାଲ ବାଵୁର ବାମ ଆଣ୍ଠୁରେ ଗୁଳି ବାଜିଛି । ଆହତ ଅପରାଧା ବାବୁକୁ ପୋଲିସ ଗିରଫ କରି, ଚିକିତ୍ସା ପାଇଁ କଟକ ବଡ଼ ଡାକ୍ତର ଖାନାରେ ଭର୍ତ୍ତି କରିଛି । ବାବୁ ଚିକିତ୍ସିତ ହେଉଥିବା ୱ।ର୍ଡ଼ରେ ପୋଲିସ ସୁରକ୍ଷାକୁ କଡାକଡି କରାଯାଇଛି ।

ଆକ୍ଟିଭା କୁ ଜବତ କରିବା ସହିତ, ତାପାଖରୁ ଏକ ନାଇନ୍ ଏମ୍ ଏମ୍ ଦେଶୀ ପିସ୍ତଲ , ଗୋଟିଏ ରାଉଣ୍ଡ ଅଫୁଟା ଗୁଳି ଜବତ କରିଛି । ଗ୍ୟଙ୍ଗଷ୍ଟାର ସକିଲ ଅହମ୍ମଦର ଡାହାଣ ହାତ ସାଜିଥିବା କଟକ ଦରଘାବଜାର ଥାନା ପେନସନ ଲେନର ଦୁର୍ଦାନ୍ତ ଅପରାଧୀ ବାବୁ ନାମରେ ବିଭିନ୍ନ ଥାନାରେ ୨୧ ଟି ମାମଲା ରହିଛି । ସେହିପରି ଦରଘାବଜାର ଥାନାରେ ୧୧୬/୨୦୧୯ରେ ଏକ ମାମଲା ରହିଛି । ବାବୁ ଫେରାର ଥିବାରୁ ପୋଲିସ ବାବୁକୁ ଧରିବା ପାଇଁ ବହୁ ଚଷ୍ଟାକରିଥିଲେ ମଧ୍ୟ ଧରି ପାରୁନଥିଲା । ଗତକାଲି ଦରଘାବଜାର ଥାନା ଆଇଆଇସି କେ ସି ଜେନାଙ୍କ ନେତୃତ୍ବରେ ପେଶାଲ ସ୍ୱାକାର୍ଡର ଏକ ଟିମ, ବାବୁ ଏକ ଆକ୍ଟିଭା ଚଳାଇ ଏକୁଟିଆ ଚନ୍ଦକା ବାରଙ୍ଗ ରାସ୍ତାରେ , କଟକ ଆସୁଥିବା ନେଇ , ଦରଘାବଜାର ଆଇଆଇସିକୁ ଖବର ମିଳିଥିଲା ।

ପୋଲିସ ବାବୁ ଚଳାଇ ଆସୁଥିବା OD-13-B-7999 ଦରଘାବଜାର ଆଇଆଇସି ଏବଂ ପେଶାଲ ସ୍ୱାକାର୍ଡ଼ ଟିମର କର୍ମଚାରୀ ମାନେ ବାବୁକୁ ଧରିବା ପାଇଁ ବାରଙ୍ଗ ଇଏସଆଇ ହସ୍ପିଟାଲ ନିକଟରେ ପ୍ରସ୍ତୁତ ହୋଇ ରହିଥିଲେ । ବାବୁ ପୋଲିସଙ୍କୁ ଦେଖି ଯୋରରେ ଆକ୍ଟିଭା ଚଳାଇ ପଳାଇବାରୁ ପୋଲିସ ତାର ପିଛା କରିଥିଲା । ପୋଲିସ ଠାରୁ ନିଜକୁ ବଞ୍ଚାଇବାକୁ ଯାଇ ଦୁଇ ରାଉଣ୍ଡ ପୋଲିସ ଉପରକୁ ପାଖରେ ରଖିଥିବା ଦେଶୀ ପିସ୍ତଲରୁ ଗୁଳି ଚଳାଇଥିଲା । ଏଥିରେ ତୋଫାନ ବେହେରା ନାମ ଜଣେ ପୋଲିସ କର୍ମଚାରୀ ଆହତ ହୋଇଥିଲେ । (କଟକରୁ ଅମୂଲ୍ୟ କୁମାର ବାରିକଙ୍କ ରିପୋର୍ଟ) ।