ଗୁଳିଭର୍ତ୍ତି ପିସ୍ତଲ ସହ ତିନି ଯୁବକ ଗିରଫ

ଓଡ଼ିଶା ତାଜା ନ୍ୟୁଜ (୨୮ ଅପ୍ରେଲ ବୁଧବାର ) କଟକ  :- କଟକ ଜଗତପୁର ଥାନା ପାଗା ଫାଣ୍ଡି ପୋଲିସ, ତିନି ଜଣ ଯୁବକଙ୍କୁ ଗିରଫ କରିବା ସହ , ସେମାନଙ୍କ ନିକଟରୁ ଗୋଟିଏ ଗୁଳିଭର୍ତ୍ତି ନାଇନ୍ ଏମ୍ ଏମ୍ ପିସ୍ତଲ ଜବତ କରିଛି । ଗିରଫ ତିନି ଅଭିଯୁକ୍ତ ମାନେ ହେଲେ କଟକ ବଦାମବାଡି ଥାନା ଅନ୍ତର୍ଗତ ଖାନନଗର ଅଞ୍ଚଳ ଗୁରୁବାରି ସାହିର ଲୋକେନ ଗୁରୁ ଆଲିଆସ୍ ଚିକୁ ୨୧ ବର୍ଷ ,

ଜଗତସିଂହପୁର ଥାନା ରାୟଙ୍କପାଟଣା ଗ୍ରାମର ଦିବ୍ୟରଞ୍ଜନ ସେଠୀ ଆଲିଆସ୍ ରାଜା ୨୮ ବର୍ଷ ଏବଂ ରାୟବାରି ଗ୍ରାମର ବିକ୍ରମ ପରିଡ଼ା ଆଲିଆସ୍ ରାଜା ୨୫ ବର୍ଷ । ଜଗତପୁର ପୋଲିସ ଏମାନଙ୍କ ବିରୁଦ୍ଧରେ , ବେଆଇନ ଭାବେ ପାଖରେ ରଖିଥିବା ପିସ୍ତଲ ଏବଂ ଗୁଳି ଜବତ କରିବା ସହ, ଆର୍ମ ଆକ୍ଟରେ ବୁଧବାର ଦିନ ଏକ ମାମଲା ରୁଜୁ କରି କୋର୍ଟ ଚାଲାଣ କରିଛି ।

ମଙ୍ଗଳବାର ଅପରାହ୍ନ ୪ଟା ସମୟରେ ତିନି ଜଣ ଅସାମାଜିକ ଯୁବକ, ବାରବାଡିଆ କେନାଲ ବନ୍ଧ ଉପରେ ପିସ୍ତଲ ଧରି ସାଲେପୁର ଅଞ୍ଚଳର ଜଣେ ବ୍ୟକ୍ତିଙ୍କୁ , ଅପେକ୍ଷା କରିଥିବା ପାଗା ଫାଣ୍ଡି ଅଧିକାରୀ ରୋହିତ କୁମାର ବଳ,ଖବର ପାଇ ଜଗପୁର ଥାନା କୁ ଜଣାଇଥିଲେ । ଜଗତପୁର ଥାନା ପୋଲିସ ମିଳିତ ଭାବେ ଚଢାଉ କରି ସଂପୃକ୍ତ ତିନି ଜଣ ଯୁବକଙ୍କୁ ଧରିବାରେ ସଫଳ ହୋଇଥିଲେ ।

ଧାରା ପଡିଥିବା ଯୁବକଙ୍କ ମଧ୍ୟରୁ ଲୋକେନ ଓରଫ ଚିକୁ ନାମରେ ପୂର୍ବରୁ ୪ଟି ମାମଲା ରହିଛି । ବାଦାମବାଡି ଥାନାରେ ଦୁଇଟି ଥିଲା ବେଳେ, ପୁରୀଘାଟ ଏବଂ ଓଲଟପୁର ଥାନାରେ ଗୋଟିଏ ଲେଖାଏଁ ମାମଲା ରହିଥିବା ଯୋନ୍ -୧ ର ଏସିପି ଅମରେନ୍ଦ୍ର ପଣ୍ଡା ସାମ୍ବାଦିକ ମାନଙ୍କୁ ସୂଚନା ଦେଇଥିଲେ । ଜଗତପୁର ଥାନାର ଆଇଆଇସି ରବିନ୍ଦ୍ର କୁମାର ମେହେର ଉପସ୍ଥିତ ଥିଲେ । (  ରିପୋର୍ଟ –ଅମୂଲ୍ୟ କୁମାର ବାରିକ )