କାଳବୈଶାଖୀ ପରେ ଭୁଷୁଡିଲା ୫ ବଖରା ଘର – ପାଟଣା

ଓଡ଼ିଶା ତାଜା ନ୍ୟୁଜ୍ (୧୯ ଏପ୍ରିଲ ସୋମବାର ) ପାଟଣା :- କାଳବୈଶାଖି ପରେ ଭୁଶୁଡିଲା ୫ବଖରା ଘର । କେନ୍ଦୁଝର ଜିଲ୍ଲା ପାଟଣା ବ୍ଲକ ବୁଢିକାପୁରଡ଼ି ପଞ୍ଚାୟତ ନେଉଳୀପଶି ଗାଁର ଘଟଣା । ଗାଁର ଲକ୍ଷ୍ମୀଧର ମହାନ୍ତଙ୍କ ୫ବଖରା ଘର ଛପର ଭୁଷୁଡି ପଡିଥିବା ବେଳେ ପରିବାର ଲୋକେ ଅଳ୍ପକେ ବର୍ତ୍ତିଯାଇଛନ୍ତି ।

ଖବର ଅନୁଯାୟୀ, ରବିବାର ବିଳମ୍ବିତା ରାତିରେ ପାଟଣା ବ୍ଲକ ଅଞ୍ଚଳରେ କାଳବୈଶାଖୀ ପ୍ରଭାବରେ ପ୍ରବଳ ବର୍ଷା ଓ ପବନ ହୋଇଥିଲା । ବର୍ଷା ଓ ପବନ ପରେ ଆଜି ସକାଳୁ ଗ୍ରାମର ଲକ୍ଷ୍ମୀଧର ମହାନ୍ତଙ୍କ ୫ ବଖରା ଛପର ଘର ହଠାତ୍ ଭୁଷୁଡି ପଡିଥିଲା ।

ପରିବାର ଲୋକେ ଘର ଭିତରେ କେହି ନଥିବାରୁ ଅଳ୍ପକେ ବର୍ତ୍ତି ଯାଇଛନ୍ତି। ଲକ୍ଷ୍ମୀ ଧର ଜଣେ ଗରିବ ପରିବାରର ହୋଇଥିବା ବେଳେ ଘର ଭୁଷୁଡି ପଡିବାରୁ ଅସହାୟ ହୋଇଯାଇଛନ୍ତି ‌ । ପ୍ରଶାସନ ପକ୍ଷରୁ ଶୀଘ୍ର ଏହି ପରିବାରକୁ ଘର ଓ ଆବଶ୍ୟକୀୟ ସାମଗ୍ରୀ ଯୋଗାଇ ଦେବାକୁ ଗ୍ରାମବାସୀ ଦାବି କରିଛନ୍ତି ।