ମଧୁପାଟଣା ପୋଲିସ ତିନି ଜଣଙ୍କୁ ଗିରଫ କରିବା ସହ ପାଞ୍ଚ ଚୋରୀ ବାଇକ ଜବତ କଲା

ଓଡ଼ିଶା ତାଜା ନ୍ୟୁଜ୍ (୧୮ ଏପ୍ରିଲ ରବିବାର ) କଟକ :- କଟକ ମଧୁପାଟଣା ପୋଲିସକୁ ମିଳିଛି ବଡ଼ ସଫଳତା । ପାଞ୍ଚଟି ଚୋରି ବାଇକ ଜବତ କରିବା ସହ, ତିନି ଜଣ ଯୁବକଙ୍କୁ ଗିରଫ କରିଛି । ଗିରଫ ଯୁବକ ମାନେ ହେଲେ ବୌଦ୍ଧ ଜିଲ୍ଲା ସରଶରା ଗ୍ରାମର ୨୫ ବର୍ଷୀୟ ଯୁବକ ଅରୁଣ ବେହେରା, ଅରୁଣ ମଧୁପାଟଣା ଥାନା ଅନ୍ତର୍ଗତ କଲ୍ୟାଣୀନଗର ସାଇମନ୍ଦିର ଲେନରେ ରହୁଥିଲା । ଅନ୍ୟ ଦୁଇ ଅଭିଯୁକ୍ତ ହେଲେ କେଉଁଝର ଜିଲ୍ଲା ହରିଚନ୍ଦନପୁର ଥାନା ଅଞ୍ଚଳର ବଳରାମ ନାଏକ , ବଳରାମ ମଧୁପାଟଣା ଥାନା ଅକ୍ଷୟନଗର ମଙ୍ଗଳାସାହି ଅଞ୍ଚଳରେ ରହୁଥିଲା । ଅନ୍ୟ ଅଭିଯୁକ୍ତ ଜଣକ ହେଲେ, କଟକ ଜିଲ୍ଲା ସଦର ଥାନା ଅନ୍ତର୍ଗତ ,ବୟାଳିଶ ମୌଜା ଝାରକଟା ଗ୍ରାମର ଚନ୍ଦନ କୁମାର ଖଟୁଆ ।

ଏମାନେ ଗତ ମାର୍ଚ୍ଚ ମାସ ୧୮ ତାରିଖ ରାତିରେ ମଧୁପାଟଣା ଥାନା ଅନ୍ତର୍ଗତ ବାଲିସାହି ଅଞ୍ଚଳରେ ଥିବା ,ଭଉଣୀ ଘରକୁ ମାର ଚିକିତ୍ସା କରିବା ପାଇଁ ଆସି ଥିବା , ଢେଙ୍କାନାଳ ଜିଲ୍ଲା ପରଜଙ୍ଗ ଥାନା , ଗଡ଼ପଳାଶୁଣୀ ଅଞ୍ଚଳର ଅଂଶୁ ନାଏକ ଙ୍କର ଥିବା ବାଇକ ନଂ– 0D-35-E-2801 କୁ ଚୋରି କରିନେଇଥିଲେ । ଅଂଶୁ ୧୯ ମାର୍ଚ୍ଚ ସକାଳେ ବାଇକ ରଖିଥିବା ସ୍ଥାନରେ ନଥିବା ଦେଖି, ମଧୁପାଟଣା ଥାନାରେ ଅଭିଯୋଗ କରିଥିଲା ।

ମଧୁପାଟଣା ପୋଲିସ ଏହି ଘଟଣାର ତଦନ୍ତ କରି , ଆଜି ତିନି ଜଣ ଯୁବକଙ୍କୁ ଗିରଫ କରିବା ସହିତ ,ସେମାନଙ୍କ ଠାରୁ ୫ଟି ଚୋରୀ ବାଇକ ଜବତ କରିଛି । ଗିରଫ ହୋଇଥିବା ବୟାଳିଶ ମୌଜା ଝାରକଟା ଅଞ୍ଚଳର ଚନ୍ଦନ ନାମରେ, କଟକ ସଦର ଥାନାରେ ୫ଟି ଏବଂ ମଧୁପାଟଣା ଥାନା ରେ ଦୁଇଟି ୭ଟି ଚୋରୀ ମାମଲା ରହିଛି । ସେହିପରି,ବଳରାମ ନାମରେ ମଧୁପାଟଣା ଥାନାରେ ତିନିଟି ମାମଲା ଏବଂ ଅରୁଣ ନାମରେ ମଧୁପାଟଣା ଥାନାରେ ଗୋଟିଏ ମାମଲା ରହିଛି । (କଟକରୁ ଅମୂଲ୍ୟ କୁମାର ବାରିକଙ୍କ ରିପୋର୍ଟ) ।