ନୂତନ କୋର୍ଟ ଗୃହ ପରିଦର୍ଶନ କଲେ ହାଇକୋର୍ଟ ବିଚାରପତି

ଓଡ଼ିଶା ତାଜା ନ୍ୟୁଜ୍ ( ୧୮ ଏପ୍ରିଲ ରବିବାର ) ଓଡ଼ଗାଁ :- ଶନିବାର ମଧ୍ୟାହ୍ନ ସମୟରେ ଓଡ଼ିଶା ଉଚ୍ଚ ନ୍ୟାୟାଳୟର ବିଚାରପତି ପ୍ରମୋଦ ପଟ୍ଟନାୟକ ଓଡ଼ଗାଁ ଗ୍ରସ୍ତ ରେ ଆସି ନିର୍ମାଣଧୀନ ନୂତନ କୋର୍ଟ ଗୃହକୁ ପରିଦର୍ଶନ କରିଛନ୍ତି । କୋର୍ଟ ଗୃହ ନିର୍ମାଣ କାର୍ଯ୍ୟ ଶେଷ ହୋଇଥିଲେ ମଧ୍ୟ କରୋନା ପାଇଁ ଆନୁଷ୍ଠାନିକ ଭାବେ କାର୍ଯ୍ୟକ୍ଷମ ହେବାରେ ବିଳମ୍ବ ହେଉଛି । ତେବେ ପରିସ୍ଥିତି ରେ ସୁଧାର ଆସିବା ପରେ ଉଦଘାଟନ କରାଯାଇ ଏଠାରେ କୋର୍ଟ କାର୍ଯ୍ୟ ଚାଲିବ ବୋଲି ବିଚାରପତି ଗଣମାଧ୍ୟମକୁ ସୂଚନା ଦେଇଛନ୍ତି । ଏବଂ ଅନ୍ୟାନ୍ୟ ବାକିଥିବା କାର୍ଯ୍ୟ ଗୁଡିକୁ ତୁରନ୍ତ ସାରିବା ପାଇଁ ନିର୍ଦ୍ଦେଶ ଦେଇଛନ୍ତି ।

ବିଚାରପତି ନିଜ ପରିବାର ସହିତ ପ୍ରଥମେ ଓଡ଼ଗାଁ ର ପ୍ରସିଦ୍ଧ ଶ୍ରୀ ରଘୁନାଥଙ୍କ ପୀଠ ଓ ପରେ ଜମୁପାଟଣା ସ୍ଥିତ ଶ୍ରୀ ଶ୍ରୀ ବାବା ଦୂତିକେଶ୍ୱର ମହାଦେବଙ୍କୁ ଦର୍ଶନ କରିଥିଲେ । ନୟାଗଡ ଜିଲ୍ଲା ଜର୍ଜ ରୂପଶ୍ରୀ ଚୌଧୁରୀ, ରେଜିଷ୍ଟର ଚିତ୍ତ ରଞ୍ଜନ ମିଶ୍ର, ଓଡ଼ଗାଁ ଗ୍ରାମ୍ୟ ନ୍ୟାୟାଧିଶ ସୁଧାକର ଅଗ୍ରୱାଲ ଓ ସିଭିଲ ଜର୍ଜ (କନିଷ୍ଠ ବିଭାଗ) ଅପୂର୍ବ କୁମାର ,ଓଡ଼ଗାଁ ବାର ଆସୋସିଏସନ୍ ର ନବ ନିର୍ବାଚିତ ସଭାପତି ଆଡଭୋକେଟ ପବିତ୍ର ମୋହନ ସାହୁ, ପୂର୍ବତନ ସଭାପତି ଇନ୍ଦୁଭୂଷଣ ମିଶ୍ର, ପ୍ରମୋଦ କୁମାର ବିଶ୍ବାଳ ଓ ବଟକୃଷ୍ଣ ମିଶ୍ର ଉପସ୍ଥିତ ରହିଥିଲେ । ( ଓଡ଼ଗାଁ ରିପୋର୍ଟ – ଅଶ୍ଵିନୀ କୁମାର ସାହୁ )