ତୁଳସୀକ୍ଷେତ୍ର ଚାରିଟେବୁଲ ଟ୍ରଷ୍ଟର ପ୍ରଥମ ଜନ୍ମବାର୍ଷିକ ଉପଲକ୍ଷେ ପଣା ବଣ୍ଟନ ଓ କରୋନା ସଚେତନତା କାର୍ଯ୍ୟକ୍ରମ

ଓଡ଼ିଶା ତାଜା ନ୍ୟୁଜ୍ (୧୪ ଏପ୍ରିଲ , ବୁଧବାର ) କେନ୍ଦ୍ରାପଡ଼ା :- କେନ୍ଦ୍ରାପଡ଼ାର ଅଗ୍ରଣୀ ସାମାଜିକ ସଙ୍ଗଠନ ତୁଳସୀକ୍ଷେତ୍ର ଚାରିଟେବୁଲ ଟ୍ରଷ୍ଟ ଓଡିଶା ପରିବାରର ପ୍ରଥମ ଜନ୍ମବାର୍ଷିକ ଉପଲକ୍ଷେ କେନ୍ଦ୍ରାପଡ଼ା ଜିଲ୍ଲାର ମହାକାଳପଡ଼ା ବ୍ଲକ ଓରତଘାଟ ରେ ପବିତ୍ର ମହା ବିଷୁବ ପଣା ସଂକ୍ରାନ୍ତି ଓ ଓଡ଼ିଆ ନବବର୍ଷର ରେ ପଣା ବଣ୍ଟନ ଓ କରୋନା ସଚେତନତା କାର୍ଯ୍ୟକ୍ରମ କରାଯାଇଅଛି । ଏହି କାର୍ଯ୍ୟକ୍ରମରେ ଟ୍ରଷ୍ଟର ସମସ୍ତ ସଦସ୍ୟ ମାନେ ମହାକାଳପଡ଼ା ସ୍ଥିତ ଓରତଘାଟ ଦେଇ ଯାତାୟାତ କରୁଥିବାସମସ୍ତ ବାଟେଇ ବନ୍ଧୁମାନଙ୍କୁ ଅଟକାଇ ପଣା ବଣ୍ଟନ କରିବା ସହିତ କେମିତି କରୋନା ଠୁ ସତର୍କ ରହିବାକୁ ହେବ ବୁଝାଇଥିଲେ ଓ ମାସ୍କ ବଣ୍ଟନ କରିଥିଲେ। ଏହି କାର୍ଯ୍ୟକ୍ରମରେ ଟ୍ରଷ୍ଟର ସଦସ୍ୟ ଅକ୍ଷୟ ପାତ୍ର, ବିଚିତ୍ର ବେହେରା,ବାପି ଗୋଚ୍ଛାୟତ, ବିଶ୍ଵଜିତ ଦାସ, ସଦାନନ୍ଦ ଦାସ, ଚିଣ୍ଟୁ ଦାସ, ଶୁଭମ ଦାସ, ଅନିରୁଦ୍ଧ ଦାସ,ବଳରାମ ବାରିକ, ଶ୍ରୀଧର ସାହୁ ଓ ଅନେକ ସଦସ୍ୟା ଓ ସଦସ୍ୟ ଉପସ୍ଥିତରହି ଥିଲେ ।

ଏହି କାର୍ଯ୍ୟକ୍ରମ ରେ ରାସ୍ତାରେ ଯାଉଥିବା ପ୍ରଚଣ୍ଡ ଖରାରେ ଶୋଷିଲା ଲୋକ ମାନଙ୍କୁ ପଣା ପିଇବାକୁ ଦିଆଯାଇଥିଲା ଏବଂ ଆବଶ୍ୟକ ଲୋକ ମାନଙ୍କୁ ଜଳ ମଧ୍ୟ ଦିଆ ଯାଇଥିଲା | ପ୍ରଥମ ବାର୍ଷିକ ଉତ୍ସବ ସତ୍ୱେ ଏହି କରୋନା ମହାମାରୀ କୁ ଆଖି ଆଗରେ ରଖି ସଂଗଠନର ପରିଚାଳନା କମିଟି ତଥା ମେମ୍ବର ମାନଙ୍କ ପରାମର୍ଶ କ୍ରମେ ଏହି ବର୍ଷ ଏହି ଦିନ କୁ ଧୂମଧାମ ରେ ପାଳନ ନ କରି ଅତି ସାଧାରଣ ଭାବେ ଜନ ସାଧାରଣ ଙ୍କ ମଙ୍ଗଳ ଉଦ୍ଦେଶ୍ୟରେ ପାଳନ କରାଯାଇଛି | ସଂଗଠନ କୁ 2021ମସିହା ଏଇଏକ ବର୍ଷ ମଧ୍ୟରେ ଅନେକ ସଫଳତା ମିଳିବା ସହ ସଂଗଠନ ମଜବୁତ ହୋଇଛି | ସଂଗଠନ ର ଏହି ସଫଳତା ନିମନ୍ତେ ଓ ଭବିଷ୍ୟତ ରେ ଏହାର ମଙ୍ଗଳ ତଥା ଉନ୍ନତି କାମନା କରି ସଭାପତି ଅକ୍ଷୟ ପାତ୍ର, ତଥା ବାପି ଗୋଛାୟ ତସମୂହ ତୁଳସୀକ୍ଷେତ୍ରାଧିପତି ସିଦ୍ଧ ବଳଦେବଜୀଉ ଙ୍କ ମନ୍ଦିରରେ ଦୀପ ଦାନ କରିଛନ୍ତି | (କେନ୍ଦ୍ରାପଡ଼ା ଜିଲ୍ଲା /ପ୍ରତିନିଧି ଅନିରୁଦ୍ଧ ସେଠୀ) 

ଓଡ଼ିଆ ନବବର୍ଷ ଓ ମହାବିଷୁବ ପଣା ସଂକ୍ରାନ୍ତି ସହ ହନୁମାନ ଜୟନ୍ତୀ ଉପଲକ୍ଷେ ଓଡ଼ିଶା ତାଜା ନ୍ୟୁଜ୍ ପରିବାର ତରଫରୁ ସମସ୍ତଙ୍କୁ ହାର୍ଦ୍ଧିକ ଶୁଭେଚ୍ଛା ଓ ଅଭିନନ୍ଦନ