ଦୁଇ ଦୁର୍ଦାନ୍ତ ଅପରାଧୀ ପପୁ -ଦିପୁ ଗିରଫ

ଓଡ଼ିଶା ତାଜା ନ୍ୟୁଜ (୧୧ ଅପ୍ରେଲ ରବିବାର) କଟକ :- ଶନିବାର ରାତିରେ କଟକ ସହରର, ସମସ୍ତ ଥାନା ଅଞ୍ଚଳରେ ପୋଲିସ ପକ୍ଷରୁ ଯାଞ୍ଚ ଵ୍ୟବସ୍ଥାକୁ କଡ଼ା କଡ଼ାକଡ଼ି କରାଯାଇଥିଲା । ଏହି ଯାଞ୍ଚ କାର୍ଯ୍ୟ ଚାଲିଥିଲା ବେଳେ , ବିଦ୍ୟାଧରପୁର ନିକଟରେ ଚାଉଳିଆଗଞ୍ଜ ପୋଲିସ ହାତରେ ,ଧରା ପଡିଥିଲେ ଦୁଇ ଦୁର୍ଦାନ୍ତ ଅପରାଧୀ ଦିପୁ ଏବଂ ପପୁ । ପୋଲିସ ସେମାନଙ୍କ ପାଖରରୁ ୬ ଟି ବନ୍ଧୁକ, ୩୨ ରାଉଣ୍ଡ ଅଫୁଟା ଗୁଳି, ୪ ଟି ମୋବାଇଲ, ଗୋଟେ କାର ଜବତ କରିଛି ।

ଗିରଫ ଅପରାଧୀ ଦୁଇ ଜଣ ହେଲେ ଜଗତସିଂହପୁର ଜିଲ୍ଲା ବିରିଡି ଥାନା ଅଞ୍ଚଳର ଦିପୁନା ଓରଫ ଦିପୁ , ଅନ୍ୟ ଜଣେ ହେଲେ ଗଞ୍ଜାମ ଜିଲ୍ଲା ଅଞ୍ଚଳର ପପୁ ଓରଫ ପପୁନା । ଏମାନେ ଜଣେ ଜଣେ ପୁରୁଖା ଅପରାଧୀ ।

ପପୁ ନାମରେ ଗତ ୧୦ ବର୍ଷ ରେ ୧୧ ଟି କେସ କଟକ, ଢେଙ୍କାନାଳ, ଯାଜପୁର ରେ ଥିବା ବେଳେ ଦିପୁନା ନାମ ରେ ୧୦ ଟି କେସ କଟକ, କଟକ ଗ୍ରାମାଳ, ଢେଙ୍କାନାଳ ଇତ୍ୟାଦି ଅଂଚଳ ରେ ଅଛି ବୋଲି , ରବିବାର ଆୟୋଜିତ ସାମ୍ବାଦିକ ସମ୍ମିଳନୀରେ ପୋଲିସ କମିଶନର ସୌମେନ୍ଦ୍ର ପ୍ରିୟଦର୍ଶୀ ସୂଚନା ଦେଇଥିଲେ । ଆୟୋଜିତ ସାମ୍ବାଦିକ ସମ୍ମିଳନୀରେ କଟକ ଡିସିପି ପ୍ରତିକ ସିଂହ, ଯୋନ୍ -୧ ଏସିପି ଅମରେନ୍ଦ୍ର ପଣ୍ଡା ଉପସ୍ଥିତ ଥିଲେ । ଆଜି ସେମାନଙ୍କୁ କୋର୍ଟ ଚାଲାଣ କରାଯାଇଛି । (କଟକରୁ ଅମୂଲ୍ୟ କୁମାର ବାରିକଙ୍କ ରିପୋର୍ଟ) ।