ଓଡ଼ିଶା ତାଜା ନ୍ୟୁଜ (୧୧ ଅପ୍ରେଲ ରବିବାର) ସମ୍ବଲପୁର :- ସମ୍ବଲପୁର ଏସପି ୬ ଜଣ ପୁଲିସ କର୍ମଚାରୀଙ୍କୁୁ ନିଲମ୍ବିତ କରିଛନ୍ତି – ହାଇଦରଙ୍କୁ ଧରିବା ପାଇଁ ଡିଜିପି ଶ୍ରୀ ଅଭୟ ଅପରେସନ ହାଇଦର ଆରମ୍ଭ କରିଛନ୍ତି, ଏସସିବି ମେଡ଼ିକାଲରୁ ଚିକିତ୍ସାଧିନ ଥିବା କୁଖ୍ୟାତ ଗ୍ୟାଙ୍ଗଷ୍ଟାର ହାଇଦର ମେଡିକାଲରୁ ଚମ୍ପଟ ମାରିଛି । ହାଇଦରଙ୍କୁ ଧରିବା ପାଇଁ ଡିଜିପି ଶ୍ରୀ ଅଭୟ ଅପରେସନ ହାଇଦର ଆରମ୍ଭ କରିଛନ୍ତି । ଏପରି ସ୍ଥଳେ ହାଇଦର ଫେରାର ହେବା ଘଟଣାରେ ଅବହେଳା ପଦର୍ଶନ ଯୋଗୁ ସମ୍ବଲପୁର ଏସପି ୬ ଜଣ ପୁଲିସ କର୍ମଚାରୀଙ୍କୁୁ ନିଲମ୍ବିତ କରିଛନ୍ତି । ଜଣେ ହାବିଲଦାରଙ୍କ ଏବଂ ୫ ଜଣ କନଷ୍ଟେବଳଙ୍କୁ ନିଲମ୍ବିତ କରିଛନ୍ତି ସମ୍ବଲପୁର ଏସପି । ହାବିଲଦାର ରମେଶ ଚନ୍ଦ୍ର ମାଝି, କନଷ୍ଟେଳବ ମହମ୍ମଦ ମୌସୁମ, ବୁଲବୁଲ ସାହୁ ଦୀପକ ସାହୁ, ଉମାକାନ୍ତ ବେହେରା, ସୁଧାଂଶୁ ମାଝିଙ୍କୁ ନିଲମ୍ବିତ କରାଯାଇଛି । ନିଲମ୍ବିତ କରିବା ସହ ସେମାନଙ୍କୁ କାରଣ ଦର୍ଶାଅ ନୋଟିସ୍ ଜାରୀ କରାଯାଇଥିବା ସୂଚନା ମିଳିଛି ।
ଆଜି ଡିଜିପି ଏଡିଜି ଯଶବନ୍ତ ସିହ୍ନା, ପୁଲିସ କମିଶନର ସୌମେନ୍ଦ୍ର ପ୍ରିୟଦର୍ଶୀ, ମଧ୍ୟ ରେଞ୍ଜ ଡିଆଇଜି ଜେଏନ୍ ପଙ୍କଜଙ୍କୁ ନେଇ ଏକ ଉଚ୍ଚସ୍ତରୀୟ ବୈଠକ କରିଛନ୍ତି । କିପରି ହାଇଦରଙ୍କୁ ଧରାଯାଇପାରିବ ସେ ନେଇ ଆଲେଚନା ଚାଲିଛି । କଟକ ସହ ଲାଗିଥିବା ସବୁ ଜଚିଲ୍ଲା ଗୁଡିକରେ ନାକାବନ୍ଦୀ କରିବାକୁୁ ନିଦେ୍ର୍ଧଶ ଦିଆଯାଇଛି । ବଛା ବଛା ଅଫିସରଙ୍କୁ ନେଇ ଏକ ଟିମ୍ ଗଠନ କରାଯାଇଛି । ୧୦ଟି ଟିମ୍ ଗଠନ କରାଯାଇଥିବା ବେଳେ ସବୁ ଜିଲ୍ଲା ପୁଲିସକୁ ସଜାଗ ରହିବା ପାଇଁ କୁହାଯାଇଛି ।
ଦୀର୍ଘ ତିନି ଦଶନ୍ଧି ଧରି ଓଡ଼ିଶାର ଅପରାଧ ଜଗତରେ ବାଦଶାହା ଭାବେ ରାଜ କରୁଥିବା ହାଇଦର ସେ ଫେରାର ହୋଇଯାଇଥିବା ବେଳେ ଗତକାଲି ସନ୍ଧ୍ୟାରେ ଏ ସମ୍ପର୍କରେ ଜଣା ପଡ଼ିଥିଲା । ଘଟଣା ଜଣା ପଡ଼ିବା ପରେ ଏସ୍ସିବି କର୍ତ୍ତୃପକ୍ଷ ଓ ପୁଲିସର ଚିନ୍ତା ବଡ଼ି ଯାଇଛି । ତେବେ ସବୁ ଠାରୁ ଗୁରୁତ୍ୱପୂର୍ଣ୍ଣ ଓ ଦୁଭାର୍ଗ୍ୟ ଜନକ ଘଟଣା ହେଉଛି ଏତେ ବଡ଼ ଗ୍ୟାଙ୍ଗଷ୍ଟାର ଏସସିବିକୁ ଚିକିତ୍ସା ପାଇଁ ଆସିଥିବା ବେଳେ ସ୍ଥାନୀୟ ପୁଲିସକୁ ଏ ସମ୍ପର୍କରେ ଅବଗତ କରାଯାଇ ନଥିଲା ବା ସେମାନଙ୍କ ଠାରୁ ସୁରକ୍ଷା ମଗା ଯାଇ ନଥିଲା ।
ହାଇଦରର ସୁରକ୍ଷା ଦାୟିତ୍ୱରେ ଥିବା ମାତ୍ର ୨ଜଣ ଏପିଆର ସୁରକ୍ଷା କର୍ମୀଙ୍କୁ ମଧ୍ୟ ଅଚେତ ଅବସ୍ଥାରେ ଉଦ୍ଧାର କରାଯାଇ ଏସସିବି ଆଶୁ ଚିକିତ୍ସା ବିଭାଗରେ ଚିକିତ୍ସା ପାଇଁ ଭର୍ତ୍ତି କରାଯାଇଛି । ତାଙ୍କ ଚେତା ଆସିବା ପରେ ସମ୍ପୂର୍ଣ୍ଣ ଘଟଣା ଜଣାପଡ଼ିବ ବୋଲି ଡିସିପି ପ୍ରତୀକ ସିଂ ସୂଚନା ଦେବା ସହ ଫେରାର ହାଇଦରକୁ ଧରିବା ପାଇଁ ସର୍ଚ୍ଚ ଅପରେସନ ଜାରି ରହିଥିବା କହିଛନ୍ତି । ଏଥିପାଇଁ ଏକାଧିକ ଟିମ୍ କରାଯାଇଛି ଓ ସହରର ବିଭିନ୍ନ ସ୍ଥାନରେ ନାକାବନ୍ଦୀ କରାଯାଇ ଚେକିଂ ଯୋରଦାର କରାଯାଇଥିବା ବେଳେ ନିକଟବର୍ତ୍ତୀ ୫ ଜିଲ୍ଲାର ଏସ୍ପିଙ୍କୁ ମଧ୍ୟ ଏନେଇ ଆଲର୍ଟ କରାଯାଇଛି ବୋଲି ଡିସିପି ସୂଚନା ଦେଇଛନ୍ତି । କଟକ ଓ ଭୁବନେଶ୍ୱର କମିଶନରେଟ୍ ପୁଲିସ ପକ୍ଷରୁ ଚଢ଼ଉକୁ ଏବେ କଡ଼ାକଡ଼ି କରାଯାଇଛି ।
ହାଇଦର ସମ୍ବଲପୁର ସର୍କଲ ଜେଲରେ ସଜ୍ଜା କାଟୁଥିଲା । ତା’ର ପୀତ୍ତ କୋଷରେରେ ସମସ୍ୟା ଦେଖାଯିବା ପରେ ସମ୍ବଲପୁର ଜେଲ୍ ପକ୍ଷରୁ ଭୀମସାର ବୁର୍ଲାରେ ଭର୍ତ୍ତି କରାଯାଇଥିଲା । ପରେ ଅଧିକ ଚିକିତ୍ସା ପାଇଁ ତାଙ୍କୁ ୧୨ ଦିନ ପୂର୍ବେ ଅର୍ଥାତ ଗତ ମାସ ୨୮ ତାରିଖରେ ଏସ୍ସିବିକୁ ସ୍ଥାନାନ୍ତର କରାଯାଇଥିଲା । ତାଙ୍କୁ ଏସ୍ସିବି ସର୍ଜରୀ ୱାର୍ଡର ୫ ନମ୍ବର କେବିନରେ ରଖାଯାଇ ଚିକିତ୍ସା କରାଯାଉଥିଲା । ସମ୍ବଲପୁର ଜେଲ କର୍ତ୍ତୃପକ୍ଷ ହାଇଦର ସୁରକ୍ଷା ପାଇଁ ୬ ଜଣ ଏପିଆର ଫୋର୍ସ ଯୋଗାଇଥିବା ବେଳେ ସେମାନେ ରୋଟେସନରେ ଡୁ୍ୟଟି କରୁଥିଲେ । ଆଜିର ଘଟଣା ସମୟରେ ଦାୟିତ୍ୱରେ ଥିବା ୨ ଜଣଙ୍କ ସୁରକ୍ଷାକର୍ମୀଙ୍କୁ ନିଶା ଔଷଧ ସ୍ପ୍ରେ କରି ଅଚେତ କରିବା ପରେ ସେ ଫେରାର ହୋଇଯାଇଥିଲା । ତେବେ ହାଇଦରର ଚିକିତ୍ସା ସମ୍ବନ୍ଧରେ ଏସସିବି ଅଧିକ୍ଷକଙ୍କ ନିକଟରେ କୌଣସି ସୂଚନା ନଥିଲା ।
