ଭଦ୍ରକ, ପୁରୀ (ଓଡିଶା ତାଜା ନ୍ୟୁଜ୍ ) ପୁରୀ 20.2.2020 :- ଭଦ୍ରକର ବିସ୍ମୟ ଧାବକ ସୌରଭ ସେଠୀ ପୁରୀ ଶ୍ରୀ ଜଗନ୍ନାଥକଂ ନିକଟରେ ସକାଳ ୧୧ପହଞ୍ଚିଲେ । ସୁଦୂର ବନ୍ତରୁ ପୁରୀ ପ୍ରାୟ ୨୧୦ କିଲୋମିଟର ନନଷ୍ଟପ୍ ଦୌଡିଦୌଡି ୨୮ ଘଣ୍ଟା ମଧ୍ୟରେ ବନ୍ତର ଯୁବକ ସୌରଭ ସେଠୀ ଆଜି ପୁରୀ ଶ୍ରୀମନ୍ଦିର ରେ ପହଞ୍ଚି ପାରିଛନ୍ତି । ପୁରୀରେ ପହଞ୍ଚିବା ପରେ ସେଠାକାର ଜିଲ୍ଲା କ୍ରୀଡାଧିକାରୀ ତଥା ପ୍ରଶାସନ ତାଙ୍କୁ ଫୁଲତୋଡା ଦେଇ ସ୍ବାଗତ କରିଥିଲେ ।
ଏହାପରେ ମନ୍ଦିର ସମ୍ମୁଖରେ ଆଣ୍ଠୁମାଡ଼ି ବଡଦାଣ୍ଡରେ ମହାପ୍ରଭୁଙ୍କୁ ସାଷ୍ଟାଙ୍ଗ ପ୍ରଣାମ କରି ନିଜର ମନକଥା ବାପାଙ୍କ ସ୍ବପ୍ନ ଫୌଜରେ ଯୋଗଦେବାକୁ ଆଶୀର୍ବାଦ ମାଗିଥିଲେ । ବିଶ୍ବାବସୁ ସେବାୟତ ତଥା ମହାପ୍ରଭୁଙ୍କ ପଣ୍ଡା ତାଙ୍କୁ ମହାପ୍ରଭୁଙ୍କ ପାଟ ପିନ୍ଧାଇ ତୁଳସୀ ପ୍ରସାଦ ଖୁଆଇ ଆଶୀର୍ବାଦ ପ୍ରଦାନ କରିଥିଲେ ।
ପୁରୀର ସମସ୍ତ ମିଡିଆ ବନ୍ଧୁ ସୌରଭଙ୍କୁ ନିଜର ସମବେଦନା ତଥା ସହଯୋଗ ପ୍ରଦାନ କରିବା ସହ ତାଙ୍କୁ ମନ୍ଦିରରେ ମହାପ୍ରଭୁଙ୍କ ଦର୍ଶନ କରିବାରେ ସହଯୋଗ କରିଥିଲେ ସୂଚନାଯୋଗ୍ୟ ଯେ ୧୯ ତାରିଖ ବୁଧଵାର ସକାଳ ୬-୩୦ ମିନିଟରେ ବନ୍ତରୁ ପୁରୀ ଅଭିମୁଖେ ସୌରଭ ତାଙ୍କ ଦୌଡ ଆରମ୍ଭ କରିଥିଲେ ।
